Héberew 9:10 - Fayam Midhab Yiesu Kiristoká He Hol Af Iđiny Kaanaká

¹⁰ Henaasanééllá taalle hé koonyiet, ubaa hé imi, tá bie gim naan met hí hol ká eiyyeká ˈdaallé he ki taalla. Atimééllá in gálaat hí el gaa igire, ˈjíig Waag gáál ˈgíérích kaanallóóllá yé kí ˈdeeyche.

Héberew 9:10 ပူးပေါင်းရင်းမြစ်များ

Márko 7:4

Gaal úba alb himietká gáá yimieka, ˈdaab bie ma ˈdú faafáanká hé ma golmoson. Nyatalaam éíy taaka burnayká úba gaalí el gaa veere. Illam gaalí he gaa igianká, illam he koonyietká, tá káláám oroonká úba ha gaalí gaa ˈjiˈjia.

Galátia 4:9

Aalé káána it Waag óg. Hé kinaallá a mé ˈdaatí Waag hé hí óg. Tá háteka geđi nyatalaam ˈdúúw mán-, hí ađaabanokícho ma gaa egenyallá hí bala ˈdú niiyyéel? Nyatalaaméél geđi hí gedelle chegetoká hí féˈde?

Eféso 2:15

Mu hé hemuumurít ubaa nyatalaam gál Yuuˈdi-, gáál hol nebesicheká kúfáchle úba ali ki koy. Mu hééllá ekeyallá, he giri gál met hí naama-, hol ka kídh onnoyká mú ˈdaalleka, hol ˈdú fafaan-, gaal tikiˈd yegetká. Mu hatallá in gáál hol shimít ki mure.

Kolosááya 2:16

Aaléka, ˈdeensen ˈdaa hé hí kokonyoká ubaa hé hí igiannoká, héétí ˈdaa ˈjila, ubaa ˈgúíy vím ˈjilallé, tá Kúlích Hef ˈGisanká, gálaat hí ˈdú ˈdeđensetka, haí gáál af nee kôny.

Héberew 10:22

ha ke geerka ˈjakarany ˈgíiny, kí iiy yeen ˈduwantiká ˈguo, kí Waag met siet. Kirísto hé gáál fásle ki ˈdoy, saas ke óg-, ke ˈgíéllá hé gáál gaa dhiire, héétí mu hé gónkúnno bíé midhabká ki ˈjie.

Héberew 13:9

Ha he onisiny met hí hol ká eiyye-, ˈdeeny ˈdúwa-, hí onotééllá gaa taakaká hí láan. Gerkícho ˈdúˈjím Waaˈgiet hí fargoogonoychoka kalat. Nyatalaam ˈdaa ˈguomietáka gálaat hí hol af tág ki koyallá gíl sug ki hayyíe. Nyatalaam hatallóóllá gál hí el gaa veereká hé ál níínní yé ˈdú ˈdieká mán.

Héberew 2:5

Aalé lés kaana-, ka chiimetoká hé Waag hí gállé ˈgasso-, urruká mé ma ki kokony.

Héberew 6:2

Héétí he onisiny bie gim naan met hí hol ká eiyyeká ubaa gálaat gil ˈdú fímle atimlé, tá gálaat uushim yiem gáá ˈdímle he onisinylé, ubaa Waag ˈdéé ki iđiny gálaat ki iđimichoká hát biiyoká úba he hé ke onodheká.

Héberew 6:5

ˈdeeny Waaˈgiet midhantle ubaa bár ka chiimetatíá guchle fargogintle óg-,

Héberew 7:12

ˈDaa giri Waag yaalmit kisso-, suoryoká ali gaa eeyye-, yaalmit éíy taaka-, kaanáállá yé ká ˈdeeycheká in mu úba hemuumurit kissoká taak koyye, ˈgíérích kaanáállá yé ká ˈdeey.

Héberew 7:16

Máá kúnnaa Guđo-, máá suoryo yíéllá hé ˈdaa hemurit giri kieye, máá suoryoká hí émeeny Levi yé gáá ˈdie, chieká ma kí yímen, mu fargogint luolmit biiyoká ˈdaallé he máá suoryo ki yie.

Héberew 9:1

He hol af iđiny erkob-, Waag ubaa gál Yisirayel hí hol af iđiekáka, Waag visan hé hátle ˈgayye, héétí hé ˈbíllé Waag visan lesalloká ˈgayye.