Héberew 7:26 - Fayam Midhab Yiesu Kiristoká He Hol Af Iđiny Kaanaká

²⁶ Mu he Máá méte suoryo-, muun ke hegesetká. Mu íín he máá Waag geer gaa memesuoká. Mu hé hé ˈdeeđeneyká mán, héétí mu hé ađaab níínní úba hileká mán. Waag hé lés gál ađaabano ˈgúóllá hí gaa ijóóllá mú gaa eete, mu hé he met lullé uratiká máállé hí mé ki yaalká yie.

Héberew 7:26 ပူးပေါင်းရင်းမြစ်များ

Matááyo 27:18

Bilááto íín gaal hát Yíésu hinaafle hí faanne-, gaalí mú ˈdu gáá eeyká hé óg.

Márko 16:19

Aalé Máá Guđo Yíésu gáál ˈdeenyéél geeyká đo Waag hí eete, úr mé nie, Waag gíl ˈdaallé naanietká yíéđie.

Lúka 1:35

Mu María ˈdéé hol ˈdú nie, kieye, Hím Naasan Waaˈgiet hai ko ˈdu gáá leete, fargogint Waag Úr Iđoká hai ko buanna. ˈDaa kinaallá ˈdugaka in veel ˈdalaatká he Iny Waaˈgiet saas mán-, ˈdúwaká.

Lúka 23:22

Bilááto gíl ki seđeká gáál yiete, kieye, Mú háteka ke yegesal? Meete ˈdeew muí ekey? Yú yáá hé ˈdeew-, muí ekey-, ki mú ˈdú yegeská mú ma gaa árginy. Yuoy ha yú geđia, giri gaal mú tuuno-, tá mú haađuoká, muí gáál yie.

Lúka 23:41

Múún taglé gaal gáál hééllá ki ekemeye, ˈdaa giri ki he ˈdeeđeneyká. Tá máállá íín hé níínní ˈdeew-, he ˈdeeneyká mán, muí mú yie.

Lúka 23:47

Máá yuoy kúˈd mé ki yiel-, ál kinaal yielká héél lulle argeká Waag meey, kieye, Hé ˈduwa, máállá gon he máá ˈdúwa-, saas mánká! yie.

Lúka 24:26

Messíya hé hééllá il hí ma aargíriny? Tá hé kinaal el ˈdaal hé guchle ma higíliny? Yíésu hí gáál yie.

Lúka 24:46

Mu gáál geey, kieye, Warˈgat Waaˈgiet hatallá gaalí gaa veere: Messíya ha gaalí yeese, tá kúlích ki seđeká sídhle hollo hí hol ˈdú naata, uushich yé hai gaa ˈdeeme.

Yuána 14:30

Yáá ál ˈjíig hí ki geeyoká mán, ˈdaa giri kánsích lesallo-, Sátan léká ká yiimetká. Máá kinaallá hé níínni ye gil kí mumuroká mán,

Yuána 8:29

Máá ye ali gáá kaayká yáá nyí hol ˈgayya, tá ˈdaa giri he lullé yú ekemeyoká mú geer gaa memesuoká, mu hé ye ma hâny, Yíésu hí gáál yie.

He Ekeny Gál Alb Fimiká 3:14

It Máá saas mán-, ˈdúwa kinaallá điite. Itín máá gálaat yegieská gaalí yé kí ˈdeđieká hí feˈde.

He Ekeny Gál Alb Fimiká 4:27

Hé kinaallá hé ˈduway. Heróˈde ubaa Bonti Bilááto, tá gál kidhdhoká ubaa gál Yisirayelká hé ˈjienééllá hol ˈdú gáá yimie, giri Gédéch kua Saas Mán-, kuun hí salab mé ki liiyye-, kansím koyye-, Yíésu léká met hiigiteká.

Korínto ki Naamaká 5:21

Kirísto ađááb mánnallá in Waag hí ađaabanokúnno ˈdú iđiche, giri mú ˈdaalleka Waag muun gáál gál ˈdúwa-, ađááb mánká innumle gaa chegetoká.

Héberew 1:3

Iny íínííllá édhúm Waaˈgiet ká eedhesia, ííni gáál Waag yaalmitle dhúrle ká aargisia, ííni ˈdeenylé fargogínt ˈguoká he met lulle kí chiiˈda. Aalé mu gáál nyuogim ubaa ađaabano gaa dhiireká, mu hé úratí Waag kansím lulle ˈgayyóóllá gíl ˈdaa naaniet yíéđie.

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Héberew 2:10

Waag ííni he lulle ka kuonne-, he lulle hí ki ijóóllá hé ˈdúwáállá ekeyche: Waag Yíésu hayche, mú kúfach il hí argiyye, mú máá ˈdúwa-, gálaat hí rubach gaa aargiroká hoyche. Yíésu kúfách lééllá ˈdaalleka in Waag gál burnayká umle hođisata, Yíésu íín gáál Waag guchlé ˈdúwa-, uratiká ˈdú egedhdhe.

Héberew 2:17

Héél ˈdugaka in Waag mú hát lullé nyaaramle hí ˈgieká hoyche, giri mu Waag metle Máá méte suoryo-, ˈdúwa-, geer ka guurá ˈguoká yeget-, gálaat nyuogimle ubaa ađaabanolle ewle higidhoká.

Héberew 3:1

Aaléka, it nyaaram chia Waag híllé-, Waag hí urle kí viiyyééllo, Máá Waag hí ali gáá kaayye-, méte suoryo-, Yíésu lé-, ke iiy yíéllá kaskícho gaa iđía.

Héberew 7:11

Émeeny Levi hemuumurit Móshe hí shieká he giri gaal gál suoryo-, yeget-, hújích suoryoká lulle nannuoká muunîny? Tá har hújích gál suoryo-, Levi kinaal gálaat ađaabanolle lúl gaa dhidhireka, Waag háteeye geđi máá éíy taaka-, suoryo-, hát Melkíseˈdeg-, hídh máá Levi-, Aaronlééllá yé ma gáá ˈdíinyallá ká eeyye?

Héberew 8:1

Hé nyí huogotééllá ˈdeenyle hééllá: Múún hé ke Máá méte suoryo-, Waag ˈdúwaká karallé guchi-, uratiká ˈdaa naaniet yíéđieká ˈguo.

Héberew 9:14

Ebá fás Kiristo hát hééllá lulle súm ˈdú ˈdúwaká dhaayyíe! Máá Kirísto lééllá ˈdaa Hím Naasan bííyyo ali iđokáka in hol sillie, hol suor hoy, suorlé saas mánnallá Waag shie. Mú fásle hé muun gáál dhiire, tawunykúnno hol gáá lay, giri ke henaasan fargogínt mánnallá haađuo-, ke Waag bííyyo ali iđóóllá vivisat-, ke hújíchle nannuoká.

Bétiro Erká 1:19

Waag íín hé hí ˈdú guteká he fás Kiristo ˈdúúwáállá. Kirísto he hát élíny mat ubaa ál hí gaa taalká mánká.

Bétiro Erká 2:22

Mu hé Waag hí feˈdeká hé níínní gaa ˈdeeneyká mán, hé úba hodho hí af yé gáá ˈdieká mán.

Bétiro Erká 3:22

Aalé Kirísto tikiˈde kinaallá in úr mé nie, káána Waag gíl ˈdaa naaniet ija, gál urru-, ˈgasso-, Waaˈgietká ubaa kansimano lullé met hí hol ká eiyyeká hí hemuumuritle gim gaa ija.

Yuána Erká 2:2

Mu he suor ađaabanokúnno ubaa nyuogimkúnno ewle higidhoká. Suorééllá hé ađaabano ubaa nyuogimkúnno tákámle ewle ma higin, gálaat lullé les gaa ijoká nyuogimle ubaa ađaabanollé úba ewle higita.

Yuána Erká 3:5

Kirísto ka yimíéllá, hát nyuogim ubaa ađaabano gálaat gaa egewká it óg. Tá mu íín hé nyúógích ubaa ađaab níínní ˈguoká mán.

Kí Edhesiny 3:7

Gál Kiristo-, ˈjien Filaˈdelfia gaa ijoká máállé urru-, ˈgassoká ˈdeenyééllá ˈdú véer. Máá giri saas mán-, ˈdúwa-, kúlfí ˈDawuˈd gíl ka ˈguo-, hé af fufuroká máá níínní hí af gaa kokuo-, mán-, héétí hé af gaa kokuoká máá níínní hí af fufuro-, mánká ˈdeenyle hééllá: