Héberew 7:25 - Fayam Midhab Yiesu Kiristoká He Hol Af Iđiny Kaanaká

²⁵ ˈDaa kinaallá in mu fargogínt ˈgaa, giri gál mú ˈdaalleka Waag ˈdú gáá yiimetká muí ririanká. Mu íín taalle bííyyo hé ali ijo, giri gál hí gáá nannaatká ˈdaalle ˈdugaka gáál Waag ki ruogononká.

Héberew 7:25 ပူးပေါင်းရင်းမြစ်များ

Yuána 14:13

Aalé hé hí meenychú ˈdaalle ki hegesetoká roogle met ha yú hí gaa egedhdhe, giri yáá Ínyííllá ˈJaachú ˈdúúw egeetká.

Yuána 14:16

Tá ˈJaachú ha yú hegete, mu Máá éíy hí rangʼit yeget-, bííyyo hí hol af yíéđiannoká haí ká shigia.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

Róóma 5:10

Har káána úba ke Waag hol ka kídh onnoyka, Waag kúfách Inylééllá hé muun ubaa Waag gáál hol hilsie. Aalé káána ke Waag hol ka kídh muuninyallá, hát gon ke rubach aargiroká hé ke óg. Waag Inylé luolallá in muun gáál luolmit biiyoká shigia.

Róóma 5:2

Iiy yeen ki Kirísto iiy yíéllá ˈdaalle ˈdugaka, hé ke ˈgíérích ki ˈdúˈjím Waaˈgiet ki aargiroká arge, in káána ke ˈdúˈjím kinaal gaa ija. Héétí Guch Waaˈgiet hélle lulle hát ke higiloká hé ki óg, hé kinaallá hé tág gáál geer gaa meey.

Róóma 8:34

Máá muun gáál innum Waaˈgiet gaa ˈdeđensetká he mááya? Hé mán. Muun Yiesu Kirísto tikiˈde-, gáál ˈdú kufe-, Waag hí geđi loolnoyche-, hí uushich yé gáá ˈdeeyche-, káána Waag gíl ˈdaa naaniet ijóóllá, in múún gáál ˈdéé ˈdú hogodho.

Korínto Erká 1:21

Waag hé ˈdaallé, tá hé ˈdéé murate, giri gál lesalloká ˈdaalimle Waag ma ki kiimisanká. Héél afleka, Waag fayamle ˈdiiyiminylé gál lesalloká hí hé đeeymoká ka dhaˈgasanallá ˈdaalle ˈdugaka in gál fayám iiy yegetká rubach shigicha.

Eféso 2:18

Aalé ˈdaa Kiristoka, múún met hullaakúnno Hím Naasan Waaˈgiet tikiˈdééllá ki ˈJaa kúnnaa Waag met ki seseenká hé ki uro.

Eféso 3:12

Múúni giri ke Kirísto hol liledhe-, ki mú iiy yieká, hát ke bineneny ubaa ki naan mán-, ki Waag met ki ˈdeˈdeenká hé ke uro.

Eféso 3:20

Aaléka, kí Waag meeyo. Waag fargogintlé gáál hujich gaa nanniyyóóllá ˈdugaka, héllé ekemeycho-, uˈdoká, hé hé ki taawuoká, muuninyka, ki mú rogononká lulle úba súm af mé ˈdú gíri.

Filíbi 3:21

Mu ííni gón kúnnaa les higillóóllá hol gaa laama, giri gónkúnno hát mú gónlé ˈdúúw ˈgayyoká chegetoká. Fargogint muí hééllá ki ekemeyoká he fargogint tikiˈde muí he met lulle gim kí fafaat-, muí he gaa mumuroká.

Tímote Erká 2:5

Waag íín tikiˈde, tá Máá gariet-, gálaat ubaa Waag hol higilsuoká úba tikiˈde, hé kinaallá he máá Yiesu Kirísto lé-,

Tímote ki Naamaká 1:12

Hé kinaallá ˈdaalleka in yú manyjany gaa ija. Tá yú yáá kern ye ma ˈgiˈgin, ˈdaa giri Máá yú iiy yíéllá yú ógká. Tá ˈdaab kúlích biiy el ˈdaˈdká hátlé ali ma kí ˈdíinyká mu hújích ye gíl geer gáá kaayallá hát in ki ˈdeenká gon yáá óg.

Héberew 11:6

Aaléka, máádhat he iiy yeen manítaka, hé hát níínní Waag geer gaa meeyoká mán. Máádhat he Waag ˈdú gáá yiimet fedoka, mu Waag hát he ali iđo-, gál hí ˈdú gáá yiimetká hé midhabká shigichoká hí iiy yeet.

Héberew 13:15

Aaléka, Yíésu ˈdaalle ˈdugaka, meeny ke Waag memeyoká hí hé shiicho ke taalle Waag shiguoká yeet. Muuni ke kieye, Muun Yíésu ke el gaa igira, ke yegetallá, meeny ke Waag memeyo kinaallá hí hé agerkúnno yé gáá ˈdeˈdeenká yeet.

Héberew 2:18

ˈDaa giri mu ki egesen gáá nadhe-, he il hí argiyyeká in mu káána gál ki egesen gáá nannaatká yiir gaa chichiˈda.

Héberew 2:9

Muun hé ke argóóllá he hát Yíésu Waag hí bár gáá gaawká gál urru-, ˈgassoká el koyyeká. Aalé ˈdaa giri mu he manyjay-, kúfach il hí argiyyeká in Waag mú ˈdúúw shiiche, mú ˈduwayche. ˈDaa giri Waag gálaat geer guurá ka ˈgayyoká in kúfáchallá Yíésu hí gálaat lulle ˈdú kufe.

Héberew 5:7

Bár giri Yíésu les ˈdug ˈdú ijeká mu hé Máá fargogint gálaat kúfach gáá bibisichoká ˈguoká gil ki egefe, hé mú af gaa guđoká ki vivite, imiro ˈjiibie. Tá ˈdaa giri mu Waag kian ka ˈguoká mú hé Waag hí af maalle.

Héberew 7:16

Máá kúnnaa Guđo-, máá suoryo yíéllá hé ˈdaa hemurit giri kieye, máá suoryoká hí émeeny Levi yé gáá ˈdie, chieká ma kí yímen, mu fargogint luolmit biiyoká ˈdaallé he máá suoryo ki yie.

Héberew 7:19

Hemuumurit kinaallá hé hé níínní hát ˈdabaanká đuđusicheká mán. Aalé káánaka, ˈgíérích éíy taaka-, ˈgíérích kisso kinaal súm ˈdú ˈdúwa-, ke iiy yegetká hé Waag hí muun gáál ka shiiche. ˈGíéríchallá in muun gáál Waag kí ˈjoobonoyo.

Héberew 7:24

Tá Yíésu íín ˈdaa giri bííyyo ali ijoká, mu he taalle bííyyo máá kúnnaa suoryoká.

Héberew 7:8

Gál suoryo-, Levi-, gaalí hé shiichóóllá ˈdú sisidhoká he gál aadh ˈdaatika kufunanká. Tá ˈdaa Melkiseˈdegka warˈgát kieye, mu hé ali ijo, he chie.

Héberew 9:24

Kirísto hé Ál ˈDúwa-, Kiato-, gaalí ˈdisseká ma híliny. Ál ˈDúwa-, Kiato-, gálaat hí gílle ki ˈdissééllá he taalle ál uratíítíá yaalmitlé. Aalé Kirísto hé ál uratíítíá hile, in káána ˈdaakúnnoka Waag met gaa yaalla.

Yúúa 1:24

Waagkúnno he Waag fargogínt ˈgayyo-, hí ˈdeˈdeenno-, hí ma riigiriny-, hí metlé gúch ˈgayyo-, geyyiny hí guđoká hát ˈdeensen mantiká hí ˈdú egeetoká.