Héberew 7:19 - Fayam Midhab Yiesu Kiristoká He Hol Af Iđiny Kaanaká

¹⁹ Hemuumurit kinaallá hé hé níínní hát ˈdabaanká đuđusicheká mán. Aalé káánaka, ˈgíérích éíy taaka-, ˈgíérích kisso kinaal súm ˈdú ˈdúwa-, ke iiy yegetká hé Waag hí muun gáál ka shiiche. ˈGíéríchallá in muun gáál Waag kí ˈjoobonoyo.

Héberew 7:19 ပူးပေါင်းရင်းမြစ်များ

Yuána 1:17

Hemuumurít íín Móshe hí gáál ká hilsie. ˈDúˈjím ubaa ˈgíérích ˈdúwáállá íín Yiesu Kirísto hí gáál ká hilie.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

He Ekeny Gál Alb Fimiká 13:39

Aaléka, itín máá Yíésu iiy yeetká he lullé ˈdeeđeneyká ađaablé ubaa nyúógíchlé kinaal Waag haí gaa egeyye, Waag mú máá ˈdúwaká hai ká dhaˈgasanna. Hééllá he hé hemuumurit Moshe hí ma ekemenyká.

Róóma 5:2

Iiy yeen ki Kirísto iiy yíéllá ˈdaalle ˈdugaka, hé ke ˈgíérích ki ˈdúˈjím Waaˈgiet ki aargiroká arge, in káána ke ˈdúˈjím kinaal gaa ija. Héétí Guch Waaˈgiet hélle lulle hát ke higiloká hé ki óg, hé kinaallá hé tág gáál geer gaa meey.

Róóma 7:7

Aalé háte ke yeedhe? Hemuumurít káána he ađáábo ke yeedhe? Híʼi, hemuumurít gon hé ađááb muuniny. Biiy héle hemuumurít mannânyka, yáá onnônyka hé Waag hí ma fedinyká ma kiimísan. Hát káána hemurit kieye, ha hé gálaat gajaltle ˈgíiny, chieká mannânyka, yáá onnônyka gajált hát Waag hí ma fedinyká eiy ma náásan.

Róóma 8:3

Hemuumurit Waag hí gál Yuuˈdi ka shiicheká hé fargogint níínní ˈgayye-, múún gáál ađaabano gim yé gáá ˈdeđicheká mán, ˈdaa giri balt gónkúnno hemuumurít a mé kí ˈjiiyyeká. Tá Waag íín dhúrle hé gáál ađaabano gim yé gáá ˈdeeyche! Mu Inyle múúni ke ađaabano ˈgúóllá gáál ali ˈdú gáá kaay. Iny gón gálaato kí yimie. Waag hé Inylééllá suor hoyche, ađaabano gálaat ˈdeentle ˈdú iđiche.

Galátia 2:16

hé ki onnodheká hééllá: Máádhat hemuumurít el gaa igiritle hé mú innum Waaˈgiet mú máá ˈdúwaká ma gaa hođiny. Máádhat Yiesu Kirísto iiy yieka in tákáma innum Waaˈgiet máá ˈdúwaká gaa yegedhe. Muun úba hé ke Yiesu Kirísto iiy yie, giri Waag innumle ˈdaa iiy yeen kúnnaa ke Kirísto iiy ki yiekáka ke gál ˈdúwaká gaa yegetká. Hemuumurít el gaa igiritle hé muun gáál gál ˈdúwaká ma hođiny. Hééllá he ˈdaa giri hemuumurít el gaa igiritle ˈdaalleka Waag máá níínní máá ˈdúwaká chegetoká mánká.

Galátia 3:21

Aaléka, hemuumurít ubaa ˈdúˈjím Waag hí Abirááyam af iđicheká af yé hol ˈdéˈdéenne? Híʼi. Hé kinaallá gon hé mán. Hemuumurit Waag hí gáál ki muˈdeká onnônyka gáál luolmít shigînyka, saas mánt onnônyka hemuumurít ˈdaallé he ká naate.

Galátia 3:24

Hemuumuritééllá in muun gáál ki tielle, gáál af tatiyye, ˈjíig Kirísto ká ˈjie, giri muun ke Kirísto iiy yeget-, ke innum Waaˈgiet gál ˈdúwaká gaa yegetká.

Eféso 3:12

Múúni giri ke Kirísto hol liledhe-, ki mú iiy yieká, hát ke bineneny ubaa ki naan mán-, ki Waag met ki ˈdeˈdeenká hé ke uro.

Kolosááya 1:27

Waag hé muˈdeká he giri héllé geer geđííllá ˈduuwlé guđoká hát kidh lulle hí léká gálle kí eedhesichoká. Waag héllé geer geđííllá hélle kieye, Kirísto hé hí gaa ijo. ˈDaa kinaallá ˈdugaka in aadh ˈdaatika Guch Waaˈgiet itín hát hí léká hí og.

Tímote Erká 1:1

Yú he Báulo. ˈDaa hemurit Waag kúnnaa gáál rubach shigichóóllá ubaa Yiesu Kirísto ke luolmit biiyo-, ke met egesóóllá gaa argééllá ˈdaalleka, yú he máá ali gaa kaany-, Yiesu Kiristoká.

Héberew 10:1

Suoryam hemuumuritlé Móshe hí gáál shieká he hé midhab-, ali kí ˈdíéllá yaalmitlé he ká yiel, tá he hé hééllá tuuˈdle muuniny. Suoryam warram lullé gaalí gaa ˈgaˈgale, tá suoryam kinaallá hé fargogint níínní gál Waag bala ˈdú nannieká gál saas mánká hođicheká mán.

Héberew 11:40

Waag hé muun gáál hé ˈdúwaká kí tawuyye, giri muun ubaa gaal íín Waag gáál hol ˈgar ˈduuwasicho-, lulkúnno ke lés uratiká hol ˈgar higiloká.

Héberew 11:6

Aaléka, máádhat he iiy yeen manítaka, hé hát níínní Waag geer gaa meeyoká mán. Máádhat he Waag ˈdú gáá yiimet fedoka, mu Waag hát he ali iđo-, gál hí ˈdú gáá yiimetká hé midhabká shigichoká hí iiy yeet.

Héberew 3:6

Kirísto íín he Iny Waaˈgiet, máá Waag umle hát ˈdabaanká mé ki yaalká. Múún íín he ke um Waaˈgiet. Hé kinaal har muun ke hé ki ˈduuwle óg-, ke hol bal ki ˈdaraan-, ke met egessóóllá hát ˈdabaanká ke ki yaalka.

Héberew 4:16

Aaléka, kí Waag karallé kansimo-, álle ke ˈdúˈjím gaa aargiroká hát sierm mantiká ˈdú siet, giri muun ke Waag geer guurá ubaa ˈdúˈjím gaa aargiro-, tá Waag aleđugul giri tagléká muun gáál gíl kí helmichoká.

Héberew 6:18

Aalé ˈdaa giri Waag hát níínní hódho hoto-, mánká, in he af iđinyle ubaa hol ˈdoonle hol ma gaa laaminy. Hé naamáállá múúni ke Waag makan famééllá gáál góf guđoká shigia. Múúnííllá he gál rúbách biiyo-, Waag hí gáál af iđichééllá ki yaal-, met egesoká.

Héberew 7:11

Émeeny Levi hemuumurit Móshe hí shieká he giri gaal gál suoryo-, yeget-, hújích suoryoká lulle nannuoká muunîny? Tá har hújích gál suoryo-, Levi kinaal gálaat ađaabanolle lúl gaa dhidhireka, Waag háteeye geđi máá éíy taaka-, suoryo-, hát Melkíseˈdeg-, hídh máá Levi-, Aaronlééllá yé ma gáá ˈdíinyallá ká eeyye?

Héberew 7:20

ˈGíérích ˈdúwa-, kaanallóóllá Waag hol ˈdoonlé ˈdaalle ki fargogoyye. Gál guđóótíá af giri Waag hí gál suoryo-, hođicheká Waag hé hol ma ˈdóon.

Héberew 7:25

ˈDaa kinaallá in mu fargogínt ˈgaa, giri gál mú ˈdaalleka Waag ˈdú gáá yiimetká muí ririanká. Mu íín taalle bííyyo hé ali ijo, giri gál hí gáá nannaatká ˈdaalle ˈdugaka gáál Waag ki ruogononká.

Héberew 8:6

Tá Máá kúnnaa méte suoryóóllá hújíchlé Waag hí mé ki koyyeká hé gál suoryóóllá hújíchle súm ˈdú ˈdúwa. Mu íín he Máá he hol af iđiny kaana-, Waag ubaa gálaat hol higilsuo-, he hol af iđiny kissoká ˈdú ˈdúwaká. Hééllá he ˈdaa giri he hol af iđiny kaana-, Waag hí yé ká ˈdeeychééllá héllé Waag hí gálaat af iđicheká hé kissoká ˈdú ˈdúwaká.

Héberew 9:9

ˈBíl ˈbaaro Waaˈgietallá ubaa henaasanlééllá hé hé muun gáál bárallá gaa oonisuoká ˈguo. He onisiny kinaallá he hé shiicho gaalí Waag shigieká ubaa suoryam gaalí Waag ki ˈgaˈgaleká hát fargogint gáál kasle ˈduuwasicheká mánká.

Yákob 4:8

Waag kí ˈjobondhíe, Waag íín úba haí kí ˈjoobonto. It ađaabano ˈgayyáállo, gil ˈjidhdhíe! It ger hí nanamáállo, hol hé ˈdeđewká ka ridhdhíe!