Héberew 7:16 - Fayam Midhab Yiesu Kiristoká He Hol Af Iđiny Kaanaká

¹⁶ Máá kúnnaa Guđo-, máá suoryo yíéllá hé ˈdaa hemurit giri kieye, máá suoryoká hí émeeny Levi yé gáá ˈdie, chieká ma kí yímen, mu fargogint luolmit biiyoká ˈdaallé he máá suoryo ki yie.

Héberew 7:16 ပူးပေါင်းရင်းမြစ်များ

Róóma 7:14

Hemuumuritééllá hát Waag yé gáá ˈdiiyyeká hé ki óg. Tá kálmaréélka yú yaalmit chia héle kissoká hátle ki íđinyka, af kinaalka yaalmitchú hééllá: yú he ađááb gédéchlé.

Galátia 4:3

Múún úba hát tikiˈdééllá ke ije, af giri ke Kirísto moonnoyká muun hát ke um nigini-, nyatalaam lesalloká hí gedelle hoteká.

Galátia 4:9

Aalé káána it Waag óg. Hé kinaallá a mé ˈdaatí Waag hé hí óg. Tá háteka geđi nyatalaam ˈdúúw mán-, hí ađaabanokícho ma gaa egenyallá hí bala ˈdú niiyyéel? Nyatalaaméél geđi hí gedelle chegetoká hí féˈde?

Kolosááya 2:14

Hemuumurit múún ke ˈdeeđeneyká ˈdeensenle veeritle Waag hí ali gaa shugudiche, hí eete, hí ˈgór đarám yaalká ˈdug ˈdú ˈdoyye.

Kolosááya 2:20

Itín in hí húgúm lesalloká gíl sug ki hayche, hí Kirísto hol ˈgar kuyye háluke, tá háteka hátle hí gál nyatalaam lesalloká gim gaa ijoká ka iđáal?

Héberew 10:1

Suoryam hemuumuritlé Móshe hí gáál shieká he hé midhab-, ali kí ˈdíéllá yaalmitlé he ká yiel, tá he hé hééllá tuuˈdle muuniny. Suoryam warram lullé gaalí gaa ˈgaˈgale, tá suoryam kinaallá hé fargogint níínní gál Waag bala ˈdú nannieká gál saas mánká hođicheká mán.

Héberew 7:15

ˈDaa giri máá éíy taaka-, Yíésu lééllá hát Melkíseˈdegka máá suoryo yíéllá in Waag hát ˈgíérích kaanáállá yé ká ˈdeeychééllá ke tág ˈduuwle og.

Héberew 7:17

Warˈgat Waaˈgiet mú ˈdaalleka kieye, Hát Melkíseˈdegka, kuun taalle bííyyo máá suoryo, he chie.

Héberew 7:21

Tá Máá kúnnaa Guđóóllá Waag hí máá suoryo hođicheká Waag hé hol ˈdoote, hát warˈgát hí hote-, kieye, Máá Guđo Waag hé hol ˈdodhdhe, mu hé kasle hol ma gaa laaminy. Mu kieye, Kuun taalle bííyyo máá suoryo, he mú yie, warˈgát hí chieká.

Héberew 7:28

Hemuumurit Waaˈgiet Móshe hí gáál shieká gálaat gál méte suoryoká hoyche. Tá gál kinaallá íín hát gáláát aađaká hé đalimle ˈgie. Tá hemuumurit Móshe hí gáál ka shíéllá el ˈdaal Waag hol ˈdoote, in Inyle ˈduwayche, mú Máá méte suoryo-, biiyoká hoyche.

Héberew 7:3

Máállá hé ˈjaalle ubaa ˈjielle, héétí hídh he yé gáá ˈdieká hé ke muog. Mu kúlích gaa ˈdalidheká ubaa kúlích gaa kufeká hé úba ke muog. Tá mu hát Iny Waaˈgiet máá suoryo-, biiyóóllá he ká yaalla.

Héberew 9:14

Ebá fás Kiristo hát hééllá lulle súm ˈdú ˈdúwaká dhaayyíe! Máá Kirísto lééllá ˈdaa Hím Naasan bííyyo ali iđokáka in hol sillie, hol suor hoy, suorlé saas mánnallá Waag shie. Mú fásle hé muun gáál dhiire, tawunykúnno hol gáá lay, giri ke henaasan fargogínt mánnallá haađuo-, ke Waag bííyyo ali iđóóllá vivisat-, ke hújíchle nannuoká.

Kí Edhesiny 1:18

Máá bííyyo ali ijoká. Yáá kufe, tá bá dháash, yáá káána luol. Yú taalle bííyyo ali ha ija. Yú yáá kúfach ubaa ál gál kufeká hí mé nannuoká kúlfílle ˈguo.