Héberew 6:9 - Fayam Midhab Yiesu Kiristoká He Hol Af Iđiny Kaanaká

⁹ It sheel kínyia ke hí gielallo, hééllá har káána úba nyí hatal hogotoka, hát itín hí ma ki yaalinyká nyáá nyí óg. Nyiin hé ˈduuˈdúwa-, rubachietká hát ˈdaakícho ki yaalká nyáá nyí og.

Héberew 6:9 ပူးပေါင်းရင်းမြစ်များ

Márko 16:16

Máá ye iiy yeet-, gaalí bie gim nuoká rubach hai aargira. Tá máá ye iiy ma yéenká kúlích Waag gálaat hol eiy gaa nanniyyoká hé ˈdeewká il haí aargiˈda.

He Ekeny Gál Alb Fimiká 11:18

Aalé gaal ˈdeenyéél maaleká hol ki fálaam hay, Waag meey, kieye, Taglé, Waag úba hé kidh kár he héllé ˈdeđewká ki haađuo-, gaalí makan ki fafaanká shiiche, giri gaal luolmít aargiroká.

He Ekeny Gál Alb Fimiká 20:21

Yú yáá gál Yuuˈdi ubaa gál Hellen ki ˈdiiyime, giri gaal ađaabano ubaa nyuogim le haađuo-, Waag makan fafaan-, Máá kúnnaa Guđo Yíésu iiy yegetká.

Korínto Erká 10:14

Aaléka, it yú gielallo, waagam hódhoká visanle gaa fagandhíe.

Korínto ki Naamaká 12:19

Itín haí taawuyye, hí kieye, Gaal taalle ˈdéé he hol ˈdú hogodho, hí nyí chegie? Nyaaram kínyaa nyí gielallo, he hé hát kinaallá muuniny. Nyiin innum Waaˈgietka hát gál Kiristoká nyí ˈdéé ká hogoto. He lullé nyí hogoto-, ubaa nyí ekemeychóóllá, he giri itín hí higirayyoká.

Korínto ki Naamaká 7:1

Nyaaram chia yú gielallo, ˈdaa giri Waag muun gáál hééllá lulle af iđicheká, ameeny hé ˈdeđew-, gón gelle ubaa sídh gelle gaa ijo-, muun gáál ˈdeđeneyoká lulle kí hol gaa dhiiro, kí Waag kiikiat, kí gál Waag hát ˈdabaanká ennianká yeet.

Korínto ki Naamaká 7:10

Ger gaa ˈdeenen Waag hí gálaat gaa feˈdoká he ger gaa ˈdeenen gálaat Waag makan famít mé ki kooyyo-, gálle rubach yé ˈdú ˈdeˈdeenká. Ger gaa ˈdeenen hatallóóllá hé tág midhab. Tá ger gaa ˈdeenen lesiet-, gálle Waag makan famít ma fedinyká íín kúfacho gáál yé ˈdú ˈdeđicha.

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Héberew 10:34

It gál hiigin gaa ijeká ger kurshám aargisiche, héétí hé kíchia lulle hí ˈgayye-, gaalí gaa uuneká hé kinaal hát geer gaa meentiká it ká eete. Itín it hé midhab hí met egete-, taalle bííyyo ali ijoká onnoyye.

Héberew 10:39

Tá múún hé ke gál Waag el hol gaa nannaat-, ál gálaat he il hí gaa aargiˈdoká seseenká muuniny. Muun he ke gál Waag iiy yeget-, luolmit biiyoká aargiroká.

Héberew 2:3

Tá fayam ˈdúwa-, gáál rubach shigichóóllá hé hemuumurit kinaal súm ˈdú ˈdúwa. Máá kúnnaa Guđoká hé dhúrle gálaat fayamééllá ki ˈdiiyime, tá gál fayamééllá maaleká hé fayám hát ˈdúwaká muun gáál ká geey. Aaléka, muun har ke fayamééllá gíl sug ki hayka, af kinaalka háteeye ke he il ká argisiny met kar gaa ˈdarama?

Héberew 5:9

Aalé mu hújích Waag hí ali ˈdu gáá kaayyeká beeteká, mu hé gál lullé hí af ˈduwasuoká hí máállé rubachiet-, gaal íín hí luolmit biiyoká gaa aargiroká yie.

Héberew 6:10

Ta Waag hé máá hé ˈdúwaká ma ekemenyká muuniny. Hújích mú ˈdaalleka hí nanniyyeká ubaa gielmit hí mú argisiche-, giri hí mú gálle yiir gaa chichirate-, tá hátle káána úba hí gáál yiir gaa chichiratóóllá hé hí in ma ká baađany.

Bétiro Erká 2:11

Sheel chia yú gielallo, gillo yú hí ki efe, ˈdaa giri itín hí lésal ma lileny-, égetkícho úratíká, balt gaa nyakaridhe-, sidhamkícho baađisichoká hol ka ridhdhíe.

Bétiro ki Naamaká 3:1

Sheel chia yú gielallo, hééllá he warˈgat chia ki naama-, yú hí ˈdú gáá veereká. Warˈgasamééllá yú hí ˈdu ˈgáá veerééllá yú haí gogofsia, giri kas ˈdúwa-, Waaˈgiet hí ˈgayyaká yú hí táb kí gagadhoká.

Yuána Erká 2:7

Sheel chia yú gielallo, hemurit yú hí ˈdu gáá vereno-, hol geelnedhíe, chegetallá, hé hemurit kaanallo muuniny, he hemurit héle er hí ˈgayye-, hí maalleká.

Yúúa 1:3

Sheel chia yú gielallo, yú érléká rúbách kúnnaa áwúlle ke hol ki ˈgúóllá hélle hí ˈdú gáá vereneká súm fede. Kor káánaka, yáá kas yáálle hí warˈgát ˈdu gáá vereno-, hí gil ki egefoká ye ká hille, giri Fayam Midhab ˈdúwa-, Waag hí gálle af tikiˈd kí shiiche-, tá bííyyo hol ma gaa sorominy-, muí gáál ki ógallá taalle laatle kín hí lađaanna-, gál hođomléká hí ma laanká.