Héberew 6:2 - Fayam Midhab Yiesu Kiristoká He Hol Af Iđiny Kaanaká

² Héétí he onisiny bie gim naan met hí hol ká eiyyeká ubaa gálaat gil ˈdú fímle atimlé, tá gálaat uushim yiem gáá ˈdímle he onisinylé, ubaa Waag ˈdéé ki iđiny gálaat ki iđimichoká hát biiyoká úba he hé ke onodheká.

Héberew 6:2 ပူးပေါင်းရင်းမြစ်များ

Matááyo 28:19

Aaléka, sedhíe, kidh met lulle lalichú hoyyíe. Gáál bie gim ki náa, giri gaal fargogint ˈJaa chia úr ijoká ubaa yáá Ínyííllá, tá Hím Naasan Waaˈgiet gim gaa ijoká.

Matááyo 3:14

Tá Yuána Yíésu moy, kieye, Kúún yaa ye ˈdu gáá chimíe? Yaa onnônyka, kuun ye bie gim nanniyyááte! yie.

Márko 16:16

Máá ye iiy yeet-, gaalí bie gim nuoká rubach hai aargira. Tá máá ye iiy ma yéenká kúlích Waag gálaat hol eiy gaa nanniyyoká hé ˈdeewká il haí aargiˈda.

Márko 7:4

Gaal úba alb himietká gáá yimieka, ˈdaab bie ma ˈdú faafáanká hé ma golmoson. Nyatalaam éíy taaka burnayká úba gaalí el gaa veere. Illam gaalí he gaa igianká, illam he koonyietká, tá káláám oroonká úba ha gaalí gaa ˈjiˈjia.

Márko 7:8

Itín it hemuumurit Waaˈgiet hayche. Aalé káána itín siraat gálaato tákáma hí el gaa igiˈda, Yíésu hí gáál yie.

Lúka 11:38

Yíésu hátlé er gil ma ˈjían-, gololteká, máá giri Farisaayká yaalmit kinaal af ˈdabe.

Lúka 12:50

Yú yáá manyjasiny gaa nannaatká ˈguo. Manyjasiny kinaallá ˈdaab yú yé ma gaa ˈdíinyká geerle hé ye gaa ˈdeew!

Lúka 14:14

Hát kinaallá in Waag ko ˈdú ˈgunuanna, ˈdaa giri gálallá hé níínní ˈguo-, ko êw kí hidho-, mánká. Af giri Waag gállé hí iiy yie-, ˈdúwaká uushim yiem gáá ˈdeđichoká hé midhab ekeyche kinaallá ewle hai ko kí higita, Yíésu hí mú yie.

Lúka 3:16

Aalé Yuána gáál geey, kieye, Yú tuuˈdchú íín bie hí gim nannaa. Tá máá ye far ˈdú gogoká hai ká yiimedhe. Yáá ˈduuw ˈguo-, mú koiyle saawle fuuroká mán. Máá kinaallá íín Hím Naasan Waaˈgiet ubaa ˈjiete hí gim nannaa.

Yuána 1:33

Yú yáá onnônyka mú ma kiimísan, tá Máá ye ali gáá kaay-, kieye, Gálaat bie gim náánnaʼ, ye yieká, ye geey, kieye, Máá Hím Naasan Waaˈgiet úr gáá leletoká hí ˈdú yíéđiyyo-, argiyyoká, máá kinaallá he máá gálaat Hím Naasan Waaˈgiet gim nannuoká, hí ye yie.

Yuána 5:29

yiem ká ˈdeˈdeen-, gál hé ˈdabaanká eekemeyká rubach aargiro-, gál hé ˈdeđewká eekemeyká íín ˈdéé ki iđiny il hí aargiˈdoká, Yíésu hí gáál yie.

He Ekeny Gál Alb Fimiká 10:47

Mááya gálallá bie gim nímle điidhma? Hát tikiˈde múún ke Hím Naasan Waaˈgiet ke ki arge kinaallá in úba gálallá hí ki arge, muí gáál yie.

He Ekeny Gál Alb Fimiká 13:3

Aalé gaal Waag vite-, ubaa af hiteká gaal Barnábas ubaa Sáwul gil ˈdú fie, gáál Waag ki vie, gáál ali fie.

He Ekeny Gál Alb Fimiká 16:15

Aalé min ubaa gál ˈbíl geerle gaalí bie gim nieká, min nyí gil ki efiyye, kieye, Har hí ye máá Máá Guđoká iiy yieká ká dhaycheka, ka yimedhíe, ˈbílchú gaa yíéđía, chie. Min nyí súm gil ki efiyye, nyí ˈbílle ˈdú eete.

He Ekeny Gál Alb Fimiká 16:33

Aalé ál tikiˈde kinaal mu mú Báulo eedhdhe, ˈjaarsam ˈdeđew-, gaalí ˈgieká lilolle ˈjie. Aalé mu íín ubaa ˈbíl geerle lulle gaalí bie gim nie.

He Ekeny Gál Alb Fimiká 17:18

Mu ál gabaaya kinaal gál gaalí Ebekúre yeget-, ubaa gál éíy taaka gaalí Sitóyik yeget-, lullé kas hí he ká shugunat mare hol ˈdéé ˈdú naannie. Gál kinaal ˈbáál hí kieye, Máá éésh mánnal in meete ká hogodho? yie. Aalé gáál ˈdáá tikiˈd kieye, Máállá in taalle waagam éíy taaka kidhdhoká gáál má ki ˈdiyéen? yie. Gaal hatal yíéllá he ˈdaa giri mu gáál fayam Yiesu ubaa gálaat uushim yé gáá ˈdímle ˈdeenyle ki ˈdiiyimeká.

He Ekeny Gál Alb Fimiká 2:38

Bétiro gáál ˈdéé hol ˈdú nie, kieye, Hé kíchia ˈdeđew-, hí gaa seseenká hayyíe, Waag makan famíe, lulkícho gaalí meeny Yiesu Kiristo bie gim ki nuo, ađaabano ubaa nyuogim kícho Waag hí gaa eeyyo. Hát kinaallá in Hím Naasan Waaˈgiet hí aargiˈda.

He Ekeny Gál Alb Fimiká 2:41

Gál mú ˈdeenylé kinaal iiy yieká gaalí bie gim nie. Kúlích kinaal gáál shíí seđ gáál túóyle ˈdú fame.

He Ekeny Gál Alb Fimiká 23:6

Aalé Báulo gaal hát ˈbaal hí gál Saˈdukaay-, ubaa hí gál Farisaay-, onnoyká mu káru af ˈdérká ki geey, kieye, Nyaaramchú, yú máá Farisaay, tá yú úba iny máá Farisaay. He iiy yeen yú ˈguo-, giri gál kufoká Waag hí uushim yiem gáá ˈdeđichoká ˈdaalle ˈdugaka in yú hí metééllá gaa yaalla, hí ye ˈdéé ki iđimicha, muí gáál yie.

He Ekeny Gál Alb Fimiká 24:15

Yú úba hát tikiˈde gaal íín hí Waag iiy yíéllá Waag iiy yie, giri gál saas mánká ubaa gál saas ˈguoká met hullaalle Waag hí uushim yiem gáá ˈdeđichoká.

He Ekeny Gál Alb Fimiká 24:21

Tá hé tikiˈde gaalí ye ˈdú ˈdeđensetká taalle hééllá máámaʼ, giri yú af gaa gúch gáál met gaa hodhe-, yú kieye, Gál kufoká uushim yiem gáá ˈdímle ˈdugaka in yú metééllá gaa yaalla, hí ye ˈdéé ki iđimicha, yú gáál yieká? Báulo hí gáál yie.

He Ekeny Gál Alb Fimiká 24:25

Aalé Báulo gálaat hát ˈduwantiká ki ijoká ubaa gálaat hé ˈdeđewká hol gáá momoyoká, tá kúlích ká chiimeto gálaat Waag hí ˈdéé ki iđimichoká yaalmitle gáál geđieká, Felíki đo neey, Báulo geey, kieye, Aalé káánaka sí, af mákártaká ha yú ko ká veeme, mú yie.

He Ekeny Gál Alb Fimiká 26:8

Waag gál kufeká uushim yiem gáá ˈdeđichoká hí iiy chegetká, in hatal súm farro hí ki gogínta?

He Ekeny Gál Alb Fimiká 4:2

Aalé gál kinaal he onisiny Bétiro ubaa Yuána hí gálaat ki ˈdiiyime-, giri gálaat uushim yiem gáá ˈdímle uushich yé gáá ˈdím Yiesu hí ˈduwaycheká maaleká chirm sare.

He Ekeny Gál Alb Fimiká 6:6

Aalé gaal gáál gál alb fimiká ˈdú eey, gál alb fimiká gáál Waag ki vite, gáál gil ˈdú fie.

Róóma 2:16

Tá kúlích gaal Waag met ki ˈdeen kinaal ali kí ˈdiiyyeka, Waag ˈdaa Yiesu Kiristoka gálaat lulle héllé ger geđiká hai ká eedhesicha, máádhat hát ˈdúwaká hai hogoto, muuninyka, mu hát ˈdúúw muuninyká hai hogoto. Yaalmitééllá he hé ke Fayam Midhab yú hí ki ˈdiyeenallá gaa argeká.

Korínto Erká 10:2

Gaal lulle nyáˈdow gim gaa sie-, bás hurt nadhééllá, héllé ke hol ki ekemeyoká, he hát bie gim naankúnno. Gaal yaalmitlé he ki ijeká hay, Móshe el gaa veere.

Korínto Erká 12:13

Múúni ke gál Yuuˈdi yíekaʼ, ke gál gál Yuuˈdi muuninyká yíekaʼ, héétí ke gál gédeká yíekaʼ, ke gál géde muuninyká yíekaʼ, lul kúnnaallá ke Hím Naasan Waaˈgiet tikiˈdééllá gim nadhe, ke gál gon tikiˈdeká yie, Waag Hím Naasanlé tikiˈdééllá hé muun gáál gaa iđiche.

Korínto ki Naamaká 5:10

Muun lulkúnno kara Kirísto hí ˈdú yíéđian-, mu gálaat ˈdéé ki iđimuoká metle ha ke ki ˈdeeme, giri máádhat af giri he gónlé lokóólallá lésallá ki ijeká, héllé midhab eekemeyká yiekaʼ, héllé ˈdeđew-, eekemeyká yíekaʼ, héllé shiichoká aargiroká.

Filíbi 3:21

Mu ííni gón kúnnaa les higillóóllá hol gaa laama, giri gónkúnno hát mú gónlé ˈdúúw ˈgayyoká chegetoká. Fargogint muí hééllá ki ekemeyoká he fargogint tikiˈde muí he met lulle gim kí fafaat-, muí he gaa mumuroká.

Kolosááya 2:12

Héétí hát káána Kirísto kufe-, gaalí galie, uushich yé gáá ˈdíéllá, itín úba bie gim hí naateká, it kuyye, hí uushich yé gáá ˈdiiyye, hí luolmit kaanaká argiyye. Hééllá lulle ˈdaa iiy yeen kíchia hí fargogint Waaˈgiet ká ˈgayya-, Waagle Kirísto uushich yé gáá ˈdeeycheká he ká nadhe.

Tímote ki Naamaká 2:18

giri hé ˈdúwa-, Waaˈgietká ˈboiy gaa ˈdie-, kieye, Waag gálaat uushim yé gaa ˈdeenyle kisso he đuyye, yegetallá. Hatallá in gaal gáál ˈbaal iiy yeenle eiy fufue.

Héberew 11:35

ˈDég ˈdaa iiy yeenleka, gállé kufeká hé Waag hí luolnoyche, Waag hí hol ˈdú niiyye. Tá gáál ˈbaal hé gaalí manyjasie, gaalí yegies. Mé furit gaalí gáál mé fufuro-, gaal Waag el af gaa tataanká hé gaalí điidhe, giri gaal luolmit ˈdúwa-, biiyoká higiloká.

Héberew 9:10

Henaasanééllá taalle hé koonyiet, ubaa hé imi, tá bie gim naan met hí hol ká eiyyeká ˈdaallé he ki taalla. Atimééllá in gálaat hí el gaa igire, ˈjíig Waag gáál ˈgíérích kaanallóóllá yé kí ˈdeeyche.

Bétiro ki Naamaká 3:7

Waag ˈdéé hótle úba in ur kaanallóóllá ubaa lés kaanallóóllá Waag hí taak ki koyye, giri ˈjiet hí af ki shugunatká. Hé kinaallá hé Waag hí ali koyye, ˈdaab kúlích Waag gálaat ˈdeem ki iđimichoká ubaa gál Waag af điđidhanká af ki beesenle-, ali ma kí ˈdíinyká.