Héberew 6:18 - Fayam Midhab Yiesu Kiristoká He Hol Af Iđiny Kaanaká

¹⁸ Aalé ˈdaa giri Waag hát níínní hódho hoto-, mánká, in he af iđinyle ubaa hol ˈdoonle hol ma gaa laaminy. Hé naamáállá múúni ke Waag makan famééllá gáál góf guđoká shigia. Múúnííllá he gál rúbách biiyo-, Waag hí gáál af iđichééllá ki yaal-, met egesoká.

Héberew 6:18 ပူးပေါင်းရင်းမြစ်များ

Matááyo 24:35

Úr ubaa les el met haí ˈgiidha. Tá ˈdeenychú íín hé el met hí ma ˈgiˈgin, Yíésu hí lalille yie.

Matááyo 3:7

Aalé mu gál Farisaay ubaa gál Saˈdukaay ilishká ˈdaa bie gim niinykáka hí ˈdu gáá yiimie-, argeká, mu gáál geey, kieye, It ˈdálto chaaráal! Mááya hí fuute, hí idho Waaˈgiet ka chiimetoká met kar gaa ˈdonyle geey?

Lúka 2:25

Aalé mú tikiˈd máá Yerúsalem gaa ije mare meenyle Símion. Máá kinaallá máá Waaˈgiet. Mu ˈgíérích ˈdúwa-, saas mánká he gaa igire. Mu máá gál Yisirayel imiro gaa shugudmuoká he met egese. Símion Hím Naasan Waaˈgieto hí gaa iđe.

Róóma 15:5

Aaléka, Waag múún gáál mé ki chirsan fargogintle ubaa gúóf shigichóóllá, hátlé taalle hí Yiesu Kirísto el gaa igiˈdóóllá hí kas tikiˈdeká shiigicho,

Róóma 3:25

Waag Yíésu ali gáá kaayyééllá, he giri mu suor yeget-, fásle okodmuo-, gál hí iiy yegetká ađaabano ubaa nyuogim gaa egewká. Waag mú ali gáá kaayyééllá, in he hát ˈdúwaká Waag hí gáál ká argisiche. Hé ˈdeđew-, héle gaalí eekemeyká hé muí il er nie.

Róóma 3:4

Híʼi, he hé hát kinaallá muuniny. Har gálaat lulle úba hođom líítaka, Waag íín hát lullé he ˈdúwa, hát káána ˈDáwuˈd hí Waag geey-, mu kieye, Hé kuuní hogotoká taglé, ˈdeensenkú hé ˈdúwa, yieká.

Róóma 5:5

ˈDaa giri Waag múún gáál Hím Naasanle ká shiiche-, gáál gielmitle koch ki hoychééllá, he af iđiny Waaˈgietallá met esiny ubaa onyle hé gáál af hódho ma hođiny.

Filíbi 2:1

Aalé ˈdaa giri hí Kirísto hol ˈdú faanneká it gúóf argiyye, hí mú gielmitle chirm ki gagalicha. Héétí it Hím Naasan Waaˈgiet lilmách ká ˈgayya, it ger kurshám ubaa ger ka shâw ˈgayya.

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Kolosááya 1:27

Waag hé muˈdeká he giri héllé geer geđííllá ˈduuwlé guđoká hát kidh lulle hí léká gálle kí eedhesichoká. Waag héllé geer geđííllá hélle kieye, Kirísto hé hí gaa ijo. ˈDaa kinaallá ˈdugaka in aadh ˈdaatika Guch Waaˈgiet itín hát hí léká hí og.

Kolosááya 1:5

Iiy yeen ubaa gielmit hí ˈgayyáállá he ˈdaa giri Waag hát hí he lullé ˈdabaan-, hí úr ali kí iđicheká hí met gaa ógká. He met esiny kinaallá ˈdeenyle it kis Fayam ˈdúwa-, Midhab-, Kiristoká gaa maalle.

Dhesaloníke Erká 1:10

Gaal íín úba hát itín hí Waag Inylé uushich yé gáá ˈdeeyche-, Yíésu lé-, úr gáá yiimet-, hí met egetóóllá he hogodho. Waag Iny lééllá muuni gáál idho Waaˈgiet geđ igiˈdóóllá gáá bibisia.

Tímote Erká 1:1

Yú he Báulo. ˈDaa hemurit Waag kúnnaa gáál rubach shigichóóllá ubaa Yiesu Kirísto ke luolmit biiyo-, ke met egesóóllá gaa argééllá ˈdaalleka, yú he máá ali gaa kaany-, Yiesu Kiristoká.

Tímote Erká 6:12

Iiy yeen Kirísto ka ˈgayyóóllá laatlé ˈdúwáállá laađámo. Luolmit biiyo-, Waag hí ko kí viiyye-, kuuní iiy chie-, kuuní gál burnayká hát ˈdabaanká met gaa huogoteká tág chíro.

Tímote ki Naamaká 2:13

Muun har úba káána ke hé ˈduwantiká ma ekenyka, mu íín kír taalle hátlé ˈduwantiká kír he ija, ˈdaa giri mu hol ma gaa sorominyká.

Títo 1:2

ˈDeeny ˈdúwáállá ˈdaalleka in Waag gálle hát luolmit biiyoká aargiroká og. Hééllá Waag hátlé les ma ka kúóninyká Waag hí murate, tá Waag hé af ka hódho mán.

Héberew 11:7

Nówa iiy yeenle ˈdaalleka in kádích hí ˈbíl geerle ririanká ˈdisse. Kadich muí ˈdissééllá he ˈdaa giri hé kálta gálaat hí ma árginyká hát ka yiimetká Waag hí mú geeyche-, mu Waag af iiy yie-, Waag hát mú gaa feˈdeká muí el gaa veereká. Hé Nówa hí ekeyallá hé gál lesalloká ˈdeente. Aalé Nówa iiy yeenlééllá ˈdaalleka in Waag mú máá ˈdúwaká chie.

Héberew 3:11

In aaléka yú idhane, hol ˈdodhdhe, kieye, Gálallá hé ál chia him ki nimííllá ma higilinyo yú yie, Waag hí chie.

Héberew 3:6

Kirísto íín he Iny Waaˈgiet, máá Waag umle hát ˈdabaanká mé ki yaalká. Múún íín he ke um Waaˈgiet. Hé kinaal har muun ke hé ki ˈduuwle óg-, ke hol bal ki ˈdaraan-, ke met egessóóllá hát ˈdabaanká ke ki yaalka.

Héberew 6:17

Waag úba hé hol ˈdoote, giri gál mú he af iđinyle hélle aargiroká Waag hát ˈdéé hótle ˈduuwaycho-, hol ma gaa laaminyká ógká.

Héberew 7:19

Hemuumurit kinaallá hé hé níínní hát ˈdabaanká đuđusicheká mán. Aalé káánaka, ˈgíérích éíy taaka-, ˈgíérích kisso kinaal súm ˈdú ˈdúwa-, ke iiy yegetká hé Waag hí muun gáál ka shiiche. ˈGíéríchallá in muun gáál Waag kí ˈjoobonoyo.

Héberew 7:21

Tá Máá kúnnaa Guđóóllá Waag hí máá suoryo hođicheká Waag hé hol ˈdoote, hát warˈgát hí hote-, kieye, Máá Guđo Waag hé hol ˈdodhdhe, mu hé kasle hol ma gaa laaminy. Mu kieye, Kuun taalle bííyyo máá suoryo, he mú yie, warˈgát hí chieká.

Yuána Erká 1:10

Har ki kieye, hé ke nyuogim ubaa ađaabano ma híliny, ki yieka, af kinaalka Waago ke máá hódholléká hoy, mú ˈdeenyle hé gáál ma gaa iđiny.

Yuána Erká 5:10

Máá Iny Waaˈgiet iiy yieká, hé ˈdéé hót ˈdúwáállá hí geer gaa iđo. Tá máá hé Waag hí gáál ka geeychééllá iiy ma yéenká, hé Waag máá hódholléká hoy, ˈdaa giri mu hé Waag hí ˈdaa Inyleka ˈdúúw ˈdú ˈdiiyye-, hí gáál ka geeychééllá iiy ma yéenká.