Héberew 6:17 - Fayam Midhab Yiesu Kiristoká He Hol Af Iđiny Kaanaká

¹⁷ Waag úba hé hol ˈdoote, giri gál mú he af iđinyle hélle aargiroká Waag hát ˈdéé hótle ˈduuwaycho-, hol ma gaa laaminyká ógká.

Héberew 6:17 ပူးပေါင်းရင်းမြစ်များ

Yuána 10:10

Máá buraa léká ká yimieka, hé buruanká, hé yegeská, ubaa hé ˈdeđeneyoká tákáma hí ká egee. Tá yú ka yimíéllá he giri gál ye af maaleká luolmít aargiro-, luolmít ˈduuwle gaa yíéđianká.

Róóma 11:29

Aaléká, Waag hé gál waarate kinaal ma haađiny, héétí hé hé shiicho-, gálaat af iđicheká shiinyle el ma ˈgiisan.

Róóma 8:17

Aalé káána ke Waag umle yíéllá, Waag hé umle af iđicheká úba ha ke aargira. Héétí har muun hát Kirísto manyjayallá ke úba Kirísto ˈdaalle ki manyjayka, Waag múún Kirísto ˈgarro gáál hol ˈduuwasicha.

Galátia 3:29

Itín har hí gál Kiristo kátaka, af kinaalka hí um Abiraayam, um ˈdúˈjím Waag hí Abirááyam af iđicheká aargiroká.

Eféso 1:11

Waag ˈdaa giri kíssóótí ˈdéé murateká, in Kirísto ˈdaalleka, múún gáál gálle hosote. Hát tikiˈde kinaallá in ˈdeeny Waag hí feˈdo-, hí muˈdoká lulle hát kinaal ˈdeˈdeme.

Héberew 11:7

Nówa iiy yeenle ˈdaalleka in kádích hí ˈbíl geerle ririanká ˈdisse. Kadich muí ˈdissééllá he ˈdaa giri hé kálta gálaat hí ma árginyká hát ka yiimetká Waag hí mú geeyche-, mu Waag af iiy yie-, Waag hát mú gaa feˈdeká muí el gaa veereká. Hé Nówa hí ekeyallá hé gál lesalloká ˈdeente. Aalé Nówa iiy yeenlééllá ˈdaalleka in Waag mú máá ˈdúwaká chie.

Héberew 11:9

Mú iiy yeenle ˈdaalleka in mu lés Waag hí af iđiche kinaal gaa ˈgudhdhe, ény ˈbaaroká ál kinaal gaa ˈdite, tá mu hát máá les ma lilenyká he ká ije. Mú inylé Yísak ubaa mú iny inylé Yákob iđiny kinaallá úba he lés kinaallá ki ije. Hé Waag hí Abirááyam af iđicheká, in úba Waag hí Yísak ubaa Yákob af iđiche.

Héberew 6:12

Hát kinaallá hí ˈgiiyyaka, it gál he ma urinyká ma chegen, yaalmit gálle Waag iiy yeen ká ˈguo-, he met ki chichirsat-, hé Waag hí af iđicheká aargiroká hí cheedhe.

Héberew 6:16

ˈDaa gálaatka, máádhat máá hí ˈdú ˈdúwaká he ˈdoˈdodhdho. Mu máá hat kinaallóóllá ˈdodhdheka, hát he ˈduuwasuoká hé gálaat hí óg, shalal đo me haí ˈgidhe.

Héberew 6:18

Aalé ˈdaa giri Waag hát níínní hódho hoto-, mánká, in he af iđinyle ubaa hol ˈdoonle hol ma gaa laaminy. Hé naamáállá múúni ke Waag makan famééllá gáál góf guđoká shigia. Múúnííllá he gál rúbách biiyo-, Waag hí gáál af iđichééllá ki yaal-, met egesoká.

Yákob 1:17

He lullé shiicho-, gaa ˈdabaan-, midhabká úrro he yé gáá ˈdeˈdeme. Hé shiichóóllá Waag úr édhúmle ká kuonneká he yé gáá ˈdie. Waag hé hát gaach hol gaa mamaˈdóóllá hol ma gaa mamadiny.

Yákob 2:5

Nyaaram chia yú gielallo, hééllá nee kóo. Gál lésalláka, gálaat hí gál he maamanká ka dhaˈgasanká hé Waag hí ma wááran, hí kamur iiy yeenká ma shíiny? Mu hé úba gáál ma wááran, giri Guch Waaˈgiet gál mú gielká muí af iđieká úba aargiroká?

Bétiro Erká 1:3

Máá kúnnaa guđo Yiesu Kirísto ˈjaallé Waag gaalí meeyo. Mú geer guurallé guđoká ˈdaalleka, mu hé muun gáál ˈdalmaat kaanaká ká shie. ˈDaa giri Yiesu Kirísto uushich yé gáá ˈdieká, in káána hát ke luolmit biiyoká ˈguoká ke og.

Bétiro Erká 3:7

Beelem, ˈdaa giri ˈdegkícho đalimle hí ógká, ˈdég gálaam aargisía. Gaal íín ubaa itín shíícho Waaˈgiet luolmitiká ˈgarro hí hol aargiˈda. Aaléka, ˈdég gál ˈdúwaká ka dhaayyíe, giri Waag visankícho hé níínní hí ka momoyo mánká.