Héberew 6:1 - Fayam Midhab Yiesu Kiristoká He Hol Af Iđiny Kaanaká

¹ Aaléka, ha ke he onisiny erkob-, Kiristo-, ke onodheká taalle gaa íđiny, kí biiy met ki siet, giri ke mú ˈdeenyle ki higirawká. Hé erkob ke onodhe-, hát káána he ekeny ˈdúúw mánká ke haađuo-, ke Waag iiy yeen ká ˈguoká, hé kinaallá he hé ke ógká muunîny?

Héberew 6:1 ပူးပေါင်းရင်းမြစ်များ

Matááyo 21:29

Iny kieye, Yáá ma uriny, yie. Kor waaséél kasle hol gaa lay, sedhe, hujich nie.

Matááyo 21:32

Yuána ka yimieká ˈgíérích ˈdúwa-, hí nannaatoká hí geđie, kor itín it mú af iiy ma chéen, gál bábaská ubaa gál gálaat birm gaa gugusatká in hí af iiy yie. Hé kinaal úba hí argiyyeká, it kaskícho hol ma gaa lâny, hí mú af iiy ma chéen, Yíésu hí gáál yie.

Matááyo 3:2

Mu gálaat geey, kieye, ˈDaa giri Guch Uratiká ka ˈjobonteká, hé ˈdeđew-, hí gaa seseenneká hayyíe, Waag makan famíe, gáál yie.

Matááyo 4:17

Ameeny kinaallá in Yíésu ˈdiiyiminyle mé gáá kodhdhe, gálaat geey, kieye, Hé ˈdeđew-, hí gaa seseenneká hayyíe, Waag makan famíe, Guch Waaˈgiet hé ká ˈjobonte, yie.

Matááyo 5:48

Aaléka, hát ˈJaa kíchia úr ijoká hí tagléélláka, itín úba gál tagléká yiedhíe, Yíésu hí gáál yie.

Matááyo 7:25

Aalé ir tune, ir he tuneká hele fame, wááních fargogoká ká kiite, ˈbíl kinaal ˈjie, tá ˈdaa giri ˈbíl muí tiirt waar ˈgayyoká ˈdug gaa ˈdisseká ˈbil hé les ma ˈdôny.

Márko 1:1

Hééllá Fayam Midhab Yiesu Kiristo-, Iny Waaˈgietká mé gáá koonlé.

Márko 6:12

Aalé gaal kie, gálaat fayám shie, giri gaal héllé ˈdeđewká haađuo-, Waag makan fafaanká.

Lúka 6:48

máá kinaallá hát máá ˈbíl ˈdiˈdisat-, tiirt waar ˈgayyoká ebite-, les ˈgodhe-, hilo les ki kikisie-, hele ká fameka, ˈbíl hele hí ma muotisinyká. Hééllá he ˈdaa giri ˈbíl muí hát ˈdabaanká ˈdisseká.

Yuána 12:44

Aalé Yíésu af gaa guđoká ˈdéé ki hodhe, kieye, Máádhat ye iiy yieka, hé yú tákámchú ye iiy ma yéen, Máá ye ali gáá kaayká he iiy yie.

Yuána 14:1

Aalé Yíésu lalille geey, Ha ger hí gaa ˈdéénen. Waag iiy yiedhíe, yú úba ye iiy yiedhíe.

Yuána 5:24

Yú hí hé ˈdúwaká geeye, máá ˈdeenychú maalo-, Máá ye ali gáá kaayká iiy yeetká, hé luolmit biiyoká ˈguo, mú álle hé ˈdéé ki iđiny mán. Máá kinaallá kisso kúfach yé gaa ˈdie, luolmít hile.

He Ekeny Gál Alb Fimiká 11:18

Aalé gaal ˈdeenyéél maaleká hol ki fálaam hay, Waag meey, kieye, Taglé, Waag úba hé kidh kár he héllé ˈdeđewká ki haađuo-, gaalí makan ki fafaanká shiiche, giri gaal luolmít aargiroká.

He Ekeny Gál Alb Fimiká 17:30

Bííy heleká Waag hé gálaat đeemléél hol ma héésen, kor káána hé gálaat he ki muˈde, giri gaal héllé ˈdeđew-, gaa seseenká haađuo-, mú makan fafaanká.

He Ekeny Gál Alb Fimiká 2:38

Bétiro gáál ˈdéé hol ˈdú nie, kieye, Hé kíchia ˈdeđew-, hí gaa seseenká hayyíe, Waag makan famíe, lulkícho gaalí meeny Yiesu Kiristo bie gim ki nuo, ađaabano ubaa nyuogim kícho Waag hí gaa eeyyo. Hát kinaallá in Hím Naasan Waaˈgiet hí aargiˈda.

He Ekeny Gál Alb Fimiká 20:21

Yú yáá gál Yuuˈdi ubaa gál Hellen ki ˈdiiyime, giri gaal ađaabano ubaa nyuogim le haađuo-, Waag makan fafaan-, Máá kúnnaa Guđo Yíésu iiy yegetká.

He Ekeny Gál Alb Fimiká 26:20

Yú erkob fayám ˈDamáskaso gaa ˈdiiyime, in Yerúsalem, Yuuˈdía, tá ˈjíig kidh úba đig yie. Fayam yú gáál ki ˈdiiyimeká hééllá, giri gaal lulle héllé ˈdeđew-, gaa seseenká haađuo-, Waag makan fafaan-, gaal héllé ekemeyo-, hát héllé ˈdeđewká hayká ˈduuwle gálaat aargisuoká.

He Ekeny Gál Alb Fimiká 3:19

Hé kíchia ˈdeđew-, hí gaa seseennoká hayyíe, Waag makan famíe, giri ađaabano ubaa nyuogim kícho Waag hí ˈdug gaa laanno-, hím kíchia hí nanniyyoká Máá Guđo Waag yé gáá ˈdeenká.

Korínto Erká 13:10

Tá bár giri muun ke he lulle hát tagléká ke eiy nannasatká ali kí ˈdeennoká, ˈdaalim iraam mánnallá bárle đo el met haí ˈgidhe.

Korínto Erká 2:6

Tá nyiin nyáá nyí ˈdeem ˈdaalimoká gál hirayká ki ˈdiyeenne. ˈDaalimééllá hé ˈdaalim lesalloká ubaa ˈdaalim guguch lésallá met ki ˈgiiyyo-, guguchle el met hí ˈgiidhóóllá muuniny.

Korínto ki Naamaká 7:1

Nyaaram chia yú gielallo, ˈdaa giri Waag muun gáál hééllá lulle af iđicheká, ameeny hé ˈdeđew-, gón gelle ubaa sídh gelle gaa ijo-, muun gáál ˈdeđeneyoká lulle kí hol gaa dhiiro, kí Waag kiikiat, kí gál Waag hát ˈdabaanká ennianká yeet.

Korínto ki Naamaká 7:10

Ger gaa ˈdeenen Waag hí gálaat gaa feˈdoká he ger gaa ˈdeenen gálaat Waag makan famít mé ki kooyyo-, gálle rubach yé ˈdú ˈdeˈdeenká. Ger gaa ˈdeenen hatallóóllá hé tág midhab. Tá ger gaa ˈdeenen lesiet-, gálle Waag makan famít ma fedinyká íín kúfacho gáál yé ˈdú ˈdeđicha.

Eféso 2:1

Itín érlé-, hí Waag af đuˈdute-, hí ađaabano gaa seseenneká bár kinaalláka hí gál kufachiet.

Eféso 2:5

Af giri hátle ađaabanokúnno ˈdugaka ki gál kufachiet onnoyká, Waag hé muun gáál Kirísto hol ˈgar loolnoyche. Aaléka, itín ˈdúˈjím Waaˈgieto hí ki biiyye.

Eféso 4:12

Mu hééllá ekeyallá he giri gálallá gál Kirísto iiy yieká hol tág ki kokuo-, gaal Waag hujich ki nannuo-, gón Kiristo higirayyoká.

Kolosááya 1:28

Aaléka, nyáá nyí fayam Kiristo gálaat lulle ki ˈdiyeenne. ˈDaalim kínyaa lúl nyí ˈgayyaká nyáá nyí gálaat af ki tatiyya, nyí gáál ki oonisicha, giri gáál lulle nyí Waag metle egeyyo-, gaal Kirísto ki higirawká.

Kolosááya 3:14

Tá hé súm ˈdúwaká gielmít ˈgáa. Gielmít ííni muun gáál hol mé ˈdú gáá egeyye, gáál tikiˈd hođicha.

Kolosááya 4:12

Máá kíchia Ebáfaros giri gédéch Yiesu Kiristoká úba hé hí naa ká yie. Mu hé aadh lulle lađaan-, hí Waag kí vivisat-, giri itín hát Waag hí feˈdoká hí kiimisata-, hí higirayya-, hí tág ˈgiiyyaká.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Tímote Erká 6:19

Gaal har he húgúmallá ˈguoka, in el meeny ˈdúwa-, biiy meto-, ˈdú seseenatíá kamúr gaa iđimia, giri luolmit ˈdúwaká higiloká.

Tímote ki Naamaká 2:19

Tá Waag ˈduuwle állé he taalla, hát ár ˈbíl hurt gaa yaal-, ma niinginy-, ˈdugle gaalí ˈdéé hót kieye, Máá Guđo Waag gál he léká hé óg, héétí, Ameeny máá Máá Guđo Waag vivisatká hí ađaabanolle hayo, chieká, gaa veereká.

Héberew 11:6

Aaléka, máádhat he iiy yeen manítaka, hé hát níínní Waag geer gaa meeyoká mán. Máádhat he Waag ˈdú gáá yiimet fedoka, mu Waag hát he ali iđo-, gál hí ˈdú gáá yiimetká hé midhabká shigichoká hí iiy yeet.

Héberew 12:13

ˈGierim hí gaa seseenneká hí ˈgierim lođuđaataká onnow, giri ˈgas kíchia hélchóóllá ma ˈdeđenen-, farguogowká.

Héberew 7:11

Émeeny Levi hemuumurit Móshe hí shieká he giri gaal gál suoryo-, yeget-, hújích suoryoká lulle nannuoká muunîny? Tá har hújích gál suoryo-, Levi kinaal gálaat ađaabanolle lúl gaa dhidhireka, Waag háteeye geđi máá éíy taaka-, suoryo-, hát Melkíseˈdeg-, hídh máá Levi-, Aaronlééllá yé ma gáá ˈdíinyallá ká eeyye?

Héberew 9:14

Ebá fás Kiristo hát hééllá lulle súm ˈdú ˈdúwaká dhaayyíe! Máá Kirísto lééllá ˈdaa Hím Naasan bííyyo ali iđokáka in hol sillie, hol suor hoy, suorlé saas mánnallá Waag shie. Mú fásle hé muun gáál dhiire, tawunykúnno hol gáá lay, giri ke henaasan fargogínt mánnallá haađuo-, ke Waag bííyyo ali iđóóllá vivisat-, ke hújíchle nannuoká.

Yákob 1:4

Aaléka, mé ki chirsankícho hí hújíchle beeset, giri itín hí gaa higirayyo-, hí tagle cheet-, hé hí gaa láká mánká.

Bétiro Erká 1:21

Itín Kirísto ˈdaallé hí Waag iiy ki chie, ˈdaa giri Waag Kirísto uushich yé gáá ˈdeeyche-, Kirísto ˈduwaycheká. In káána hí iiy yeen ubaa ˈdúúw Waag ká ˈgayya.

Bétiro Erká 5:10

Aalé hí á níínni mare manyjayyeka, Waag gáál hát lulle ˈdú ˈjeˈjeenno-, hí ka viiyye-, hí Yiesu Kirísto gáá naate-, hí Waag ˈduuwlé biiyoká ka hilleká, Waag íín dhúrle haí biisicha, haí ˈdiita, far haí googonoycho, hidh haí aruanna.

Yuána Erká 4:12

Hé máá níínní kálta Waag il ki argeká mán. Tá muun har ki hol gielnítaka, Waag hé gáál gaa iđo, gielmitle muun gáál hidh ki ariyye.