Héberew 5:9 - Fayam Midhab Yiesu Kiristoká He Hol Af Iđiny Kaanaká

⁹ Aalé mu hújích Waag hí ali ˈdu gáá kaayyeká beeteká, mu hé gál lullé hí af ˈduwasuoká hí máállé rubachiet-, gaal íín hí luolmit biiyoká gaa aargiroká yie.

Héberew 5:9 ပူးပေါင်းရင်းမြစ်များ

Matááyo 17:5

Aalé mu hátle ˈdéé af ká ˈgaa, nyáˈdów édh gogoká gáál buanne, gaal ˈdéé hót nyáˈdow gáá ˈgisate-, kieye, Hééllá he Iny chia yú giel-, ye geer gaa meeyká. Mú af nee kóo, chieká maale.

Lúka 13:32

Yíésu gáál ˈdéé hol ˈdú nie, kieye, Sedhíe, đérích kinaallá geeyyíe, Yú kúlíchallá ubaa beríka aryáán ubaa bashamo gálaat yiem gaa ˈdeđia, burgalia in yú hújíchchú beđita, mú yiedhíe, Yíésu hí gáál yie.

Yuána 19:30

Yíésu ˈduuny kinaal ˈbuuteká kieye, He hé đue! yie, đo mé les ki ˈdoy, sidh hí yé gaa ˈdiiyye.

He Ekeny Gál Alb Fimiká 3:15

It Máá sidh léká chies, tá Waag íín hé mú uushich yé gáá ˈdeeyche. Nyíín nyáá nyí hééllá ˈduuwle argiyye.

He Ekeny Gál Alb Fimiká 4:12

Rubach hé máá éíy taaka ke gaa aargiroká mán, ˈdaa giri lésallá hé máá níínní éíy taaka hí gaa ijo-, Waag hí gáál ka shiiche-, meenyle gálaat hí ki bebeenká mánká, Bétiro hí gáál yie.

He Ekeny Gál Alb Fimiká 5:32

Nyíín ubaa Waag Hím Naasanlé giri Waag hí gállé hí met gaa kekeenká shiicheká in nyí hééllá ˈdúúw ˈdú ˈdiiyye, nyí hogoto, gaalí mú yie.

Róóma 1:5

Mu íín ˈdaalleka in Waag nyí ˈdúˈjímle ká shiiche, nyí gállé alb fimiká hosote, giri kidh hátlé met hí hol ká eiyyeká nyí Fayam Midhaballá ki ˈdiyeenne-, gaal fayám iiy yeget-, Waag met gaa kekeen-, meeny Kiristo ˈduuwayoká.

Róóma 10:16

Tá hé kinaallá hé kieye, gál gaalí Fayam Midhaballá ki ˈdiiyimeká lullé fayám iiy yie muuniny. Hát káána héle Yisááya Waag yiete-, kieye, Máá Guđo, mááya fayam kuun hí ye ká shiiche-, yú gáál ki ˈdiiyimeká iiy yie? yieká.

Róóma 15:18

Tá yú yáá hújíchallá nímle fargogintle hol bal ma ki ˈdaraminy. Fargogint Kiristo in yú ˈdeem ki hogodhe, yú hujich ki nannie, in gál gál Yuuˈdi muuninyallá fayam Kiristóóllá iiy yie.

Róóma 2:8

Tá gál giri tákámle he hol ki fedo-, hé ˈdúwaká điđidhan-, hé ˈdeđewká el gaa igiroká, Waag idholle ubaa Waag he il ká argisinyle hai aargira.

Róóma 6:17

Aalé it giri érléká hí hé ˈdeđew-, Waag hí ma fedinyká gedelle onnoyyeká, it káána he onisiny Waaˈgiet hí argiyyeká hol ˈdú hayche, hí el gaa veeˈde. Hé kinaal ˈdugaka Waag hí ˈdúúw eet!

Korínto ki Naamaká 10:5

Héétí he lullé hol yé ká ˈdeđuo-, gálaat Waag kimisan ká ririatká nyí kí aađaat-, nyí kás lulle kí ˈgiiliˈgayya-, kas kinaal nyí hol gaa lalaanna-, kas Kirísto enniannoká chegedhoká.

Filíbi 2:12

Aaléka, sheel chia yú gielallo, af giri ki hol af ijeká it Fayam Midhaballá met gaa kekeenne, tá káána ke hol af gaa láálláka, Fayam Midhaballá súm met gaa keekemíe. Rúbách káána hí ˈgayyáállá, laatle laađamíe, yé ˈdú ˈdée, Waag kian ka ˈgáa.

Dhesaloníke ki Naamaká 1:8

Mu íín ˈjiet boloonká hai kí yiimedhe, giri gál Waag điidhe-, Máá kúnnaa Guđo-, Yíésu lééllá Fayamlé Midhaballá met ma gaa kekeminyká lulle he il ká aargisuoká.

Dhesaloníke ki Naamaká 2:16

Aalé Máá kúnnaa Guđo Yiesu Kirísto dhúrle ubaa ˈJaa kúnnaa Waag gáál giel-, ˈdaa ˈdúˈjímle ˈdugaka gáál góf biiyoká ubaa hé midhab ke met egesoká ka shíéllá,

Tímote ki Naamaká 2:10

Aalé gál Waag hí waarateká ˈdaalle ˈdugaka, yú he met lullé mé ki chiirta, giri gaal íín úba rúbách Yiesu Kirísto hí gáál shiguo-, ˈduuwle bííyyóóllá aargiroká.

Héberew 1:14

Aaléka, Waag gállé ˈgasso-, urruká lulle he gál Waag hí alb fafiyyo-, giri gál rubach aargiroká he ki nannuoká, muunîny?

Héberew 11:40

Waag hé muun gáál hé ˈdúwaká kí tawuyye, giri muun ubaa gaal íín Waag gáál hol ˈgar ˈduuwasicho-, lulkúnno ke lés uratiká hol ˈgar higiloká.

Héberew 11:8

Abirááyam iiy yeenle ˈdaalleka, af giri Waag hí geeyche-, Waag kieye, Keʼ, lés éíy taaka-, yú ko ka shigúóllá mé naʼ, Waag hí mú chieká, in mu Waag af ˈduwasie. Har káána úba ál muí mé nannie kinaal muí moonnoyka, mu hé Waag af ˈduway, kie.

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Héberew 2:10

Waag ííni he lulle ka kuonne-, he lulle hí ki ijóóllá hé ˈdúwáállá ekeyche: Waag Yíésu hayche, mú kúfach il hí argiyye, mú máá ˈdúwa-, gálaat hí rubach gaa aargiroká hoyche. Yíésu kúfách lééllá ˈdaalleka in Waag gál burnayká umle hođisata, Yíésu íín gáál Waag guchlé ˈdúwa-, uratiká ˈdú egedhdhe.

Héberew 2:3

Tá fayam ˈdúwa-, gáál rubach shigichóóllá hé hemuumurit kinaal súm ˈdú ˈdúwa. Máá kúnnaa Guđoká hé dhúrle gálaat fayamééllá ki ˈdiiyime, tá gál fayamééllá maaleká hé fayám hát ˈdúwaká muun gáál ká geey. Aaléka, muun har ke fayamééllá gíl sug ki hayka, af kinaalka háteeye ke he il ká argisiny met kar gaa ˈdarama?

Héberew 9:12

Mu hé Ál Súm ˈDúwa-, Kiato kinaallá ˈdaa fás aiyiet ubaa fás aar rúóreká ma ki híliny, mu fásle ˈdaallé he ali ki hile. Mu ál kinaallá a tikiˈde he ki hile, in muun gáál rúbách luolmit biiyoká ˈgayyoká shie.

Héberew 9:15

Hééllá ˈdaalle ˈdugaka in Kirísto he af iđiny kaanáállá máállé Waag ubaa gálaat hol higilsuoká yie, giri gál Waag hí ká viiyyeká luolmit biiyo-, Waag hí af iđicheká aargiroká. Kirísto kúfáchlé he kufééllá, he giri gaal hé ˈdeđew-, he af iđiny erkobká gaa hileká ađaabanolle ubaa nyuogimlé kinaal gáál gaa egewká.

Héberew 9:28

Hát tikiˈdééllá in Kirísto a tikiˈd hol suor ki hoy, giri gálaat ađaabano ubaa nyuogim gaa egewká. Mu hollo hol ká naadha, tá mú hol ka naanlééllá hé ađaabano ubaa nyuogim gálaat ˈdaalle ˈdugaka muuniny, he gál mú met egesoká muí luolmit biiyoká ˈdú gáá siidhoká.

Bétiro Erká 1:22

Aalé ˈdaa giri ˈdeeny ˈdúwa-, Waaˈgietallá hí el gaa veeˈdeká, in hí hol saas ká riate, in káána nyaaramkícho hí gielmit ˈdúwaká hol ká ˈgayya. Gielmit geer geđiká hol ki geelnedhíe.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Yúúa 1:21

It Máá kúnnaa Guđo-, Yiesu Kirísto geer guurallé-, hí luolmit biiyoká higilsichoká met egetééllá, hát Waag hí gielká onnóo, kas kinaallá ki yíéđía.