Héberew 4:6 - Fayam Midhab Yiesu Kiristoká He Hol Af Iđiny Kaanaká

⁶ Aaléka, ˈdaa giri ál him ki nimi-, gálaat hí higiloká ali iđo-, tá gál héle ál kinaal fayamle maaleká Waag af đuˈduse-, ali ma hílinyká,

Héberew 4:6 ပူးပေါင်းရင်းမြစ်များ

Matááyo 21:43

Aaléka, yú hí geeye, itín Guch Waaˈgiet haí gaa ˈgiisata, Waag Guchle gál saano ˈdúwaká hí yé gáá ˈdeˈdeenká haí liiledhe.

He Ekeny Gál Alb Fimiká 28:28

Báulo geđi gáál geey, kieye, Aaléka, onnóo! Waag hé fayam rubachietallá kidh ali ˈdú kaayye. Kidh kinaallá fayám nee hai kokoo, muí gáál yie.

Korínto Erká 7:29

Nyaaramchú, hé yú hogodhoká hééllá: Rám ka ˈgisateká hé tág hol kí chál. Aalé káána ke gaa ijo-, tá biiy met ki suoyééllá, gaal hí kasle Máá kúnnaa Guđoká gaa iđuo, gál ˈdég ˈguoká hai ˈdég tákámle mé ka ˈgíiny,

Galátia 3:8

Waag hát gál gál Yuuˈdi muuninyká iiy yeenlé Kirísto ka ˈguoká ˈdaalle ˈdugaka gáál gál ˈdúwaká hođichóóllá, hé kis Warˈgat Waaˈgiet hí hote. Hé kinaallá af giri Waag Abirááyam Fayam Midhabká geeyche-, kieye, É meet lulle ˈdúˈjímlé yú ˈdú ˈjeˈjeenká ˈdaa kua ká naata, mú chieká.

Héberew 4:11

Aaléka, kí laađaan, kí Waag állé him ki nimííllá hilo, giri muun mú tikiˈd hát gál héle Waag af đuˈdusekáka ˈboy ma ˈdeeminy-, ma baađanyká.

Héberew 4:2

Hát káána gaal íín ál him ki nimiká fayamlé midhabká maalééllá, in muun úba ke Fayam Midhaballá maale. Tá ˈdaa giri gaal fayám maale-, kor fayám iiy ma yéenká in gaal ál him ki nimi kinaallá ma híliny.

Héberew 4:9

Aaléka, biiy hé héf ˈgisan ˈdúwa-, gál Waaˈgiet hí higiloká hí gaa iđo.