Héberew 4:14 - Fayam Midhab Yiesu Kiristoká He Hol Af Iđiny Kaanaká

¹⁴ Aaléka, ˈdaa giri ke Máá Guđo-, méte suoryo-, úr mé nie-, Iny Waaˈgiet Yíésu lééllá ke ˈgúóllá, iiy yeen ke mú ka ˈgúóllá kí tág chirat.

Héberew 4:14 ပူးပေါင်းရင်းမြစ်များ

Matááyo 4:3

Aaléka máá mú ki ekemete-, Sátan léká mú ˈdu gáá yimie, mú geey, kieye, Har kuun Iny Waaˈgiet kátaka, ebá ˈdéé hot, waarééllá hí balashá yeet, yie.

Márko 1:1

Hééllá Fayam Midhab Yiesu Kiristo-, Iny Waaˈgietká mé gáá koonlé.

Márko 16:19

Aalé Máá Guđo Yíésu gáál ˈdeenyéél geeyká đo Waag hí eete, úr mé nie, Waag gíl ˈdaallé naanietká yíéđie.

Lúka 24:51

Mu hátlé gáál ˈdú ˈgunumeká đo úr ki kie, Waag hí úr ˈdú eete.

He Ekeny Gál Alb Fimiká 1:11

kieye, Gál Galilaaya, háteka hí ál ˈgiiyya-, hí úr gaa dhaˈgasannóol? Yíésu Waag hí gaa eetééllá hát tikiˈde hí argiyya-, he ur Waaˈgiet mé níéllá in geđi hol kí naadha, gaalí yie.

He Ekeny Gál Alb Fimiká 3:21

Mu íín ˈdaab Waag he lulle hátlé er ká kuonneká geđi tág ma ka níinyká taalle úrro gaa ija, hát giri héle Waag gállé taak koyye-, ˈdéé ka shigicheká hí ˈdiiyimeká.

Róóma 8:34

Máá muun gáál innum Waaˈgiet gaa ˈdeđensetká he mááya? Hé mán. Muun Yiesu Kirísto tikiˈde-, gáál ˈdú kufe-, Waag hí geđi loolnoyche-, hí uushich yé gáá ˈdeeyche-, káána Waag gíl ˈdaa naaniet ijóóllá, in múún gáál ˈdéé ˈdú hogodho.

Korínto ki Naamaká 12:2

Yú yáá máá Kiristo-, warram tomon tikiˈde a afur beeyéétíá Waag hí ur ki seđeká ˈdú eeteká óg. Máá kinaallá Waag hí egeeteká, gónle ˈgabka, gónle mannabka, yáá muog, Waago hí og.

Korínto ki Naamaká 9:13

ˈDúˈjím kíchiallá ˈdaalle ˈdugaka gaal Waag ˈdúúw hai shigia. Ger gaa midhant kíchia hí gaal íín ubaa gálaat lulle aargisichóóllá, hát itín hí Fayam Midhab Kiristóóllá hí iiy chie-, hí met gaa kekeennóóllá gáál úba hai aargisia.

Eféso 4:10

Mu ííni ká leedhe-, lésallá mé ka níéllá he Máá tikiˈde úr af mé ˈdaatí mé nie-, biiy lulle gaa ijoká.

Héberew 1:8

Tá Waag Íny ˈdaalleka kieye, Kó Waagallo, kara kua kansimoká taalle bííyyo hé ali yaal, tá gasar kuuní guchkú he ki mumuˈdoká he gasar ˈduwantiká.

Héberew 10:12

Tá Máá kúnnaa méte suoryóóllá a tikiˈde hol suor kí hoy, giri gálaat ađaabanolle ubaa nyuogimle lulle gaa egewká. Mu hé Waag gíl ˈdaa naaniet yíéđie.

Héberew 10:23

Hé ke met egeso-, hát ˈduuwawká ke iiy yíéllá kí tág chirat. Waag ííni gáál hééllá af iđichééllá he Máá ke ˈdúúw ki óg-, hééllá ˈduuwasuoká.

Héberew 10:29

Aaléka háte hí dhaayche? Máá Iny Waaˈgiet eesheyo-, he hol af iđiny fáslé hí dhiireká hé aađa-, ˈdúúw mánká ká dhaˈgasan-, Hím Naasan Waaˈgiet ˈdúˈjím ˈgayyoká méé ˈdeđeneyoká, máá hat kinaallóóllá hé il hí aargiˈdoká kor hát ˈdáb aake?

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Héberew 2:1

Aaléka, fayam ˈdúwa-, ki maalééllá, kí hát ˈdabaanká mé ká ˈguo, ha ki ˈbóy gaa ˈdíiny.

Héberew 2:17

Héél ˈdugaka in Waag mú hát lullé nyaaramle hí ˈgieká hoyche, giri mu Waag metle Máá méte suoryo-, ˈdúwa-, geer ka guurá ˈguoká yeget-, gálaat nyuogimle ubaa ađaabanolle ewle higidhoká.

Héberew 3:1

Aaléka, it nyaaram chia Waag híllé-, Waag hí urle kí viiyyééllo, Máá Waag hí ali gáá kaayye-, méte suoryo-, Yíésu lé-, ke iiy yíéllá kaskícho gaa iđía.

Héberew 3:14

Iiy yeen kúnnaa er-, ke Kirísto iiy yieká har ke taalle hát ˈdabaanká ke ki ˈgie-, ˈjíig biiy el ˈdaˈd kátaka, af kinaalka muun ke sheel Kiristo.

Héberew 6:20

ˈDaakúnno ˈdugaka in Yíésu Ál Súm ˈDúwa kinaallá muun gáál met hile. Mu hát yaalmit Melkiseˈdegkáka hé Máá méte suoryo-, biiyoká yie.

Héberew 6:6

tá Waag af gaa tameká, hé hát níínní gaalí hol ká nuo-, Waag makan faanká mán. Gaal íín dhúrle geđi Kirísto he ˈgór đarám yaalká ˈdú ˈdoy, mú gálaat met gaa eeshey.

Héberew 7:3

Máállá hé ˈjaalle ubaa ˈjielle, héétí hídh he yé gáá ˈdieká hé ke muog. Mu kúlích gaa ˈdalidheká ubaa kúlích gaa kufeká hé úba ke muog. Tá mu hát Iny Waaˈgiet máá suoryo-, biiyóóllá he ká yaalla.

Héberew 8:1

Hé nyí huogotééllá ˈdeenyle hééllá: Múún hé ke Máá méte suoryo-, Waag ˈdúwaká karallé guchi-, uratiká ˈdaa naaniet yíéđieká ˈguo.

Héberew 9:12

Mu hé Ál Súm ˈDúwa-, Kiato kinaallá ˈdaa fás aiyiet ubaa fás aar rúóreká ma ki híliny, mu fásle ˈdaallé he ali ki hile. Mu ál kinaallá a tikiˈde he ki hile, in muun gáál rúbách luolmit biiyoká ˈgayyoká shie.

Héberew 9:24

Kirísto hé Ál ˈDúwa-, Kiato-, gaalí ˈdisseká ma híliny. Ál ˈDúwa-, Kiato-, gálaat hí gílle ki ˈdissééllá he taalle ál uratíítíá yaalmitlé. Aalé Kirísto hé ál uratíítíá hile, in káána ˈdaakúnnoka Waag met gaa yaalla.

Bétiro Erká 3:22

Aalé Kirísto tikiˈde kinaallá in úr mé nie, káána Waag gíl ˈdaa naaniet ija, gál urru-, ˈgasso-, Waaˈgietká ubaa kansimano lullé met hí hol ká eiyyeká hí hemuumuritle gim gaa ija.