Héberew 4:12 - Fayam Midhab Yiesu Kiristoká He Hol Af Iđiny Kaanaká

¹² Aalé ˈdeeny Waaˈgiet he ˈdeeny luolmiti-, fargogínt ˈguo-, faaˈd ˈdinnam hullaalle gáá alléká ˈdú alléká. Hát faaˈd laf hol af eiy gaa okodmicho-, ubaa hát faaˈd lafit muˈdeka ˈdiiny ˈdú ˈjeˈjeennokáka, ˈdeeny Waaˈgiet máádháto geer higila, mú tawunyle ubaa mu héllé geer ka ˈguoká og. Héétí mu héllé he geer ka ˈguo-, fedoká har hé Hím Naasan Waaˈgiet hí fedoká kátaka he eiy nannaa.

Héberew 4:12 ပူးပေါင်းရင်းမြစ်များ

Lúka 8:11

Aalé híb hélle hééllá: Aar he ˈdeeny Waaˈgiet.

Yuána 12:48

Máá ye điidho-, ˈdeenychú iiy ma yeenká, hé héllé giri hí kúlích biiy el ˈdaˈdká gaa ˈdeđenset-, hí ˈdéé ki iđimuoká ˈguo. Hé kinaallá he ˈdeenychú.

Yuána 6:51

Yú he ˈguom luolmiti-, úr gáá chimieká. Máá ˈguomééllá kuoká taalle bííyyo ali he ija. ˈGuomééllá he gón chia yú suor hođuo-, les gálle hí luolmít ki aargiroká, Yíésu hí gáál yie.

He Ekeny Gál Alb Fimiká 2:37

Gálaat héél maaleká gáál ˈdee hí geer hile, gaal Bétiro ubaa gál Yiesu alb fimiká heete, kieye, Nyaaramkínyo, háte nyí ˈdeenne? gaalí yie.

He Ekeny Gál Alb Fimiká 4:31

Aalé gáál Waag visan hí gaa đuyyeká ál gaalí hol ˈdú gáá yimie kinaal motiyye. Gáál lulle Hím Naasan Waaˈgiet hí koch chie, gaal ˈdeeny Waaˈgiet nyaalím ki huogodhe.

He Ekeny Gál Alb Fimiká 5:33

Aalé gaal ˈdeenyéél maaleká súm idhane, gáál yegieská fede.

He Ekeny Gál Alb Fimiká 7:38

Hééllá he Móshe giri eshim eshimkúnno ubaa nyésébích Yisirayel lulle hol ˈbakat álle af ije-, máá ˈgasso-, urruká hí Gúm Sanai ˈdéé gáá shigie-, ˈdeeny luolmiti kinaal gáál ˈdú sisidheká.

Róóma 1:16

Fayam Midhab Kiristóóllá ˈdugaka kern hé ye ma ˈgiˈgin, ˈdaa giri fayamééllá Waag hí gál Kirísto iiy yegetká lulle ki ririannoká. Fayamééllá erkob gál Yuuˈdi hí maale, tá gál gál Yuuˈdi muuninyká yé ˈdú ˈdiiyye.

Korínto Erká 1:24

Tá gál Waag hí ká viiyye-, gál Yuuˈdi yíekaʼ, gál Hellen yíekaʼ, nyiin nyí fayamééllá ki ˈdiyeennallá, gaal íínka fayamééllá he Kirísto, giri Waag fargogintle ubaa Waag ˈdaalimle hí gaa iđoká.

Korínto ki Naamaká 2:17

Nyiin nyáá nyí hát gál burnay-, hát tagléká ˈdeeny Waaˈgiet ma ˈdiyiminy-, gálaat birm hát điđamoká gaa shugunatká muuniny. Nyiin nyí gede Kiristo-, giri Waag hí alb fafiyyo-, Waag innumleka hát ˈduwantiká gálaat ˈdeeny Waag gáá yimieká ki ˈdiyeenká.

Korínto ki Naamaká 4:2

Nyíín nyáá nyí hé kern manti-, ubaa hé điđám gaa ijoká gaa láʼ. Nyáá nyí gálaat ma nyiimisan, fayam Waaˈgiet nyí hol ma gaa lalaminy. Nyiin innum Waaˈgietka ˈdeeny ˈdúwa-, leđuđugulleká nyí gálaat met gaa hogoto, giri gálaat lulle ˈduuwkínyo hát ˈdabaanká eiy nannasatká.

Eféso 5:13

Tá he lullé edhum hí gaa verenoká đo hai ká edhdhey, yaalmitle ha ki kimite,

Eféso 5:26

Kirísto sídhle gáál ˈdú sillíéllá he giri mu gálle ˈjiˈjio-, gáál ˈdeeny Waaˈgiet ki dhiiro-, gáál saas gaa egewká.

Eféso 6:17

Rúbách Waag hí ˈdaa Kiristo kí shiichééllá úba chiˈdíe. Rúbách kíchia kinaallá hát shóte-, síbil-, máá yuoyo-, ririanká in úba hí ririma. Aaléka, ˈdeeny Waaˈgiet tág chiˈdíe. ˈDeeny kinaallá he faaˈd órof-, Hím Naasan Waaˈgiet hí shigichoká.

Dhesaloníke Erká 2:13

Nyáá nyí aadh lulle Waag gielmít hol ˈdú nanniyya, ˈdaa giri ˈdeeny Waaˈgiet hí nyí gaa maalleká, hát gálaat yé ma gáá ˈdíiny-, Waag yé gáá ˈdieká hí iiy chieká. ˈDeenyééllá he ˈdeeny ˈdúwa-, Waaˈgiet-, it hí iiy chíéllá hí hujich gaa nannuoká.

Dhesaloníke Erká 5:23

Waag naannaká dhúrle hí gál iđiny ˈdúwa-, Waaˈgietká ki ijoká hoycho, hí tawunykícho ubaa sidhamkícho tá gónkícho hát ˈdabaanká chirat, giri Máá kúnnaa Guđo Yiesu Kirísto ká ˈjieka hí ˈdeensen mánká.

Héberew 13:7

Gál hí met ki ˈgie-, hí ˈdeeny Waaˈgiet oonisúóllá táb ˈduoˈdodhíe. Gaal húgúmlé he ki ijoká héllé midhab hí yé gáá ˈdeˈdeená mé ka gáa. Gaal iiy yeenlé Waag ka ˈguoká úba ennée.

Héberew 6:5

ˈdeeny Waaˈgiet midhantle ubaa bár ka chiimetatíá guchle fargogintle óg-,

Yákob 1:18

Waag hát muun gáál ki feˈdeká in ˈdeeny ˈdúwáállá gáál ˈdalmaat kaanaká gáá shiiche, giri múún he lullé muí les ká koyká ki saanollé erká yegetká.

Bétiro Erká 1:23

Itín it geđi ká ˈdalaate. Luolmit kíchia káána hí ˈgayyáállá ˈdaa ˈdeeny Waaˈgiet bííyyo-, luolmít ˈgúóllá hí ki argiyye. Luolmit kíchiallá taalle luolmit biiyo, hé hát luolmit gálaat el met hí ˈgiˈgidhóóllá muuniny.

Kí Edhesiny 1:16

Mú gíllé ˈdaa naanietká hidhino tiiya muí ká ˈgaa. Mú ageerle faaˈd órof-, af ˈdinnam hullaalle gáá alléká hí gáá fuoriche. Mú innumle hát aadh kír chieká.

Kí Edhesiny 19:15

Mú ageerle faaˈd órof-, alléká hí gáá fuoriche, giri kidh mú hol yegeská muí ki beđisatká. Mu gasar síbilká kidh af hai ki tataa. Hát káána gálaat saano vinna ˈdú ˈdiđian-, ˈdúú gaa ˈduˈdúóllá, mu Waag fargogínt lulle ˈgayyoká idhollé guđoká hai kí yiimedhe, gál mú hol ka kídhká ha muí ˈdú ˈdiđima.

Kí Edhesiny 19:21

Tá gál Waag ka kídhatí lulle Máá farich ˈdú ijóóllá faaˈdlé órof-, hí af gáá fuoricheká hí chies. Aalé tére lulle gáál réfle konye, heyiyye.

Kí Edhesiny 2:16

Aaléka, he onisiny kinaallá hayyíe, Waag bala ˈdú náa. Har hát kinaal muuninyka, yú ál ˈjob haí gáá higila, faaˈd chia órof-, ye af gaa taalká ha kí ruuma, gál he onisinyééllá ki ˈgieká he yú ki ekemeye.

Kí Edhesiny 2:23

Héétí min umle ha yú yeese, giri gál Kiristo lulle hát yú he Máá gálaat kasle ubaa gerle hélle eiy nannasatká kiimisatká. Tá itín lulkícho hé hí ekemeychóóllá hélle hollo yú hol ˈdú gáá nannaa.

Kí Edhesiny 20:4

Aalé yú karm guguchiká arge, karm gálaat hí ˈdú yíéđie, gaal hemuumurit gálle gálaat ˈdeem ki iđimuoká Waag hí shiiche. Héétí gál Yiesu Kirísto ˈduuwle hogodhe-, ˈdeeny Waaˈgiet ki ˈgie-, ˈdeeny kinaal ˈdugaka gaalí met gaa mumureká hodhinaamle yú arge. Gaal hátlé les ˈdug ˈdú ijeká hé bíních giri kach ˈguoká ubaa yaalmitlé giri gaalí tág nieká met les kurram ma gaa ˈdaráminy, ma memêny, héétí hé bíních kach ˈguo kinaal gúíyle iiy ma yéen-, met balalle ubaa gille ma gaa gúan. Aalé gaal geđi loogolnodhe, ubaa Kirísto warram shíí tikiˈd hol he ˈgar muumure.