Héberew 3:6 - Fayam Midhab Yiesu Kiristoká He Hol Af Iđiny Kaanaká

⁶ Kirísto íín he Iny Waaˈgiet, máá Waag umle hát ˈdabaanká mé ki yaalká. Múún íín he ke um Waaˈgiet. Hé kinaal har muun ke hé ki ˈduuwle óg-, ke hol bal ki ˈdaraan-, ke met egessóóllá hát ˈdabaanká ke ki yaalka.

Héberew 3:6 ပူးပေါင်းရင်းမြစ်များ

Matááyo 10:22

Itín gálaat lulle ˈdaa meenychú ˈdugaka haí neebeedhe. Tá máá hééllá lulle mé ki chirsat-, ˈjíig he mé đig yeetká Waag haí rianna.

Matááyo 16:18

Aaléka, yáá ko meeny Bétiro léká shie. Wárallá in ˈdugle gál ye iiy yeetká lulle yú gaa ˈdiisa, tá gál chiallá hé kúfach fargogintle hí a mé ma kí ˈjeeminy.

Matááyo 24:13

Tá máá hééllá lulle mé ki chirsat-, ˈjíig he mé đig yeetká Waag haí rianna.

Róóma 11:22

Aaléka, ití argiyye? Waag hé geer ka guurá ˈgayyo, tá gál hí af đuˈdusanká he illo ká aargisicha. Tá itín mu hé hí geer guurá argisie. Aalé har taalle hí mú el gaa igiˈdoka, mu geer guurálle taalle haí aargisia. Tá har hí mú sug ki niiyye-, hí mú điiteka, af kinaalka hát kolm biime-, muí murekáka, ha muí muura.

Róóma 12:12

Waag hé hí af iđiche-, hí met egetoká, hát geer gaa meentiká ki esée, manyjany hát lulle il hí aargiˈdoká mé ki chiichirtíe, Waag viivitíe.

Róóma 15:13

Aalé it hí Kirísto iiy chíéllá, Waag ííni gáál ˈdú ˈjeˈjeennóóllá hí ger gaa meen ubaa naanná shiigicho. Héétí ˈdúˈjím Waaˈgiet hát hí aargiˈdaká onyle úba Waag hí shiigicho. Hím Naasan Waaˈgiet fargogintle hí onyééllá ˈdú ookodmicho.

Róóma 5:2

Iiy yeen ki Kirísto iiy yíéllá ˈdaalle ˈdugaka, hé ke ˈgíérích ki ˈdúˈjím Waaˈgiet ki aargiroká arge, in káána ke ˈdúˈjím kinaal gaa ija. Héétí Guch Waaˈgiet hélle lulle hát ke higiloká hé ki óg, hé kinaallá hé tág gáál geer gaa meey.

Korínto Erká 3:16

Itín hí hát ˈbíl Waaˈgiet-, Waag Hím Naasanle hí gaa iđoká it múog?

Korínto Erká 6:19

Tá gónkícho hát Hím Naasan Waaˈgiet Waag hí shiiche-, hí gaa iđóóllá ˈbílléká it múog? Itín it hol ma lileny, Waago hí le,

Korínto ki Naamaká 6:16

ˈBíl Waag hí gaa iđoká hé waagam hódhoká úba hí gaa ijo? Múún he ke ˈbíl Waag bííyyo ali iđoká, hát Waag hí héle hote-, kieye, Gáál hurt ha yú gaa yíéđima, gáál hollo nyí hol ˈgayya. Yú gáál Waagle hai yeedhe, gaal íín gálchú hai yeedhe, chieká.

Galátia 6:10

Aaléka, har taalle ki hát ˈguoka, gálaat lulle kí hé midhabká ki eekemeyo, tá súm nyaaram kúnnaa Kiristoká kí ˈdú ˈjeeˈjeen.

Galátia 6:9

Hé midhab-, ki ekemeyoká hai gáál ˈgorosîny. Muun ki ma ginnanyka, hé midhab kinaal héllé hí yé gáá ˈdeˈdeenká aleđuđugulle ali kí ˈdiiyyeka ha ki aargira.

Eféso 3:12

Múúni giri ke Kirísto hol liledhe-, ki mú iiy yieká, hát ke bineneny ubaa ki naan mán-, ki Waag met ki ˈdeˈdeenká hé ke uro.

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Dhesaloníke Erká 5:16

Aadh lulle ger hí gaa meemeet,

Dhesaloníke ki Naamaká 2:16

Aalé Máá kúnnaa Guđo Yiesu Kirísto dhúrle ubaa ˈJaa kúnnaa Waag gáál giel-, ˈdaa ˈdúˈjímle ˈdugaka gáál góf biiyoká ubaa hé midhab ke met egesoká ka shíéllá,

Tímote Erká 3:15

giri gál ˈbíl geer Waaˈgiet húgúmlé ki ijoká kuuní ógká. Gál ˈbíl geer Waaˈgietallá he Waag bííyyo ali iđoká gállé. Gálallá hát ˈbíl áár, gaal hé ˈdúwa-, Waaˈgietká he úr ki chichiˈda.

Héberew 1:2

Tá biiy el ˈdaalka, Waag ˈdeemlé muun gáál ka geeycheká ˈdaa Inylé he ká niiyye. Iny Waaˈgietallá he máá he met lulle liiletká Waag hí hoyche. Mu úba he máá ˈdaalleka, Waag hí he met lulle kí kuonneká.

Héberew 10:19

Aaléka, nyaaramchú, fás Yiesu ˈdaalleka muun Ál Súm ˈDúwa-, Kiato uratíítíá hát sierm mantiká ke higila.

Héberew 10:21

Aalé ˈdaa giri ke Máá méte suoryo-, ˈdúwa-, ˈbíl geer Waaˈgiet mé ki yaalká ke ˈgúóllá,

Héberew 10:23

Hé ke met egeso-, hát ˈduuwawká ke iiy yíéllá kí tág chirat. Waag ííni gáál hééllá af iđichééllá he Máá ke ˈdúúw ki óg-, hééllá ˈduuwasuoká.

Héberew 10:35

Aaléka, chirm guogint kíchia-, hí hé shiicho guđoká yé ˈdú ˈdeđichóóllá haí hâny.

Héberew 11:1

Aaléka, iiy yeen ˈgany he hé ke met egesoká hát he ˈduuwawká ke ógká. Hát tikiˈdééllá iiy yeen ˈgany he hé hátle ke il ma ki árginyká hát he yé ka ˈdeenká ke ógká.

Héberew 3:14

Iiy yeen kúnnaa er-, ke Kirísto iiy yieká har ke taalle hát ˈdabaanká ke ki ˈgie-, ˈjíig biiy el ˈdaˈd kátaka, af kinaalka muun ke sheel Kiristo.

Héberew 4:11

Aaléka, kí laađaan, kí Waag állé him ki nimííllá hilo, giri muun mú tikiˈd hát gál héle Waag af đuˈdusekáka ˈboy ma ˈdeeminy-, ma baađanyká.

Héberew 4:14

Aaléka, ˈdaa giri ke Máá Guđo-, méte suoryo-, úr mé nie-, Iny Waaˈgiet Yíésu lééllá ke ˈgúóllá, iiy yeen ke mú ka ˈgúóllá kí tág chirat.

Héberew 4:16

Aaléka, kí Waag karallé kansimo-, álle ke ˈdúˈjím gaa aargiroká hát sierm mantiká ˈdú siet, giri muun ke Waag geer guurá ubaa ˈdúˈjím gaa aargiro-, tá Waag aleđugul giri tagléká muun gáál gíl kí helmichoká.

Héberew 6:11

Itín hé ke hí gaa fedoká, he giri ˈdaab hí les ˈdug ˈdú iđáállá yaalmit kíchia gielmitííllá taalle hí ki iđa-, hé biiy meto-, hí súm egeteká hát ˈduuwawká hí met gaa ógká.

Héberew 6:18

Aalé ˈdaa giri Waag hát níínní hódho hoto-, mánká, in he af iđinyle ubaa hol ˈdoonle hol ma gaa laaminy. Hé naamáállá múúni ke Waag makan famééllá gáál góf guđoká shigia. Múúnííllá he gál rúbách biiyo-, Waag hí gáál af iđichééllá ki yaal-, met egesoká.

Héberew 7:19

Hemuumurit kinaallá hé hé níínní hát ˈdabaanká đuđusicheká mán. Aalé káánaka, ˈgíérích éíy taaka-, ˈgíérích kisso kinaal súm ˈdú ˈdúwa-, ke iiy yegetká hé Waag hí muun gáál ka shiiche. ˈGíéríchallá in muun gáál Waag kí ˈjoobonoyo.

Bétiro Erká 1:8

It mú ma árginy, kor it mú giel. Har káána úba hí mú ma arginyka, it hí mú hát ger gaa meenká iiy chie. Geer gaa meen hí ˈgayyáállá ˈduuwle hé ˈdéé hót hí hogotoká a yíé ˈdiiyye.

Bétiro Erká 2:5

itín úba hát hí waar luogol-, Waag hí ˈbílle ki ˈdiˈdisatoká. Itín úba hí Waag gállé suoryo-, Waag hí taak koote-, suor kíchia hodhinne-, hí Waag shigichoká ˈdaa Yiesu Kiristoka Waag hí met gaa egeetoká.

Bétiro Erká 4:17

Aaléka, Waag aleđuđugul ˈbíl geerle ˈdéé ki iđimichoká ˈjóbo ali kí ˈdeenne. Tá he har múún Waag hí gáál mé kí kooteka, gál fayam Waaˈgiet met ma gaa kekeminyká, kor me hí ále?

Kí Edhesiny 2:18

Gál Kiristo ˈjien Dhayatira gaa ijoká máállé urru-, ˈgassoká ˈdeenyééllá ˈdú véer. Iny Waaˈgiet in hí hát ˈjiet bólo-, ˈgas met hí hát gib boloonká ki égká ˈdeenyle hééllá:

Kí Edhesiny 2:25

Tá, ˈdaab yú hol ma ka náanká, iiy yeen hí ye ká ˈgayyáállá tág chiˈdíe.

Kí Edhesiny 2:26

Máá hé lesalloká ká adhat-, hé yú fedoká ekemeyoká, máá kinaallá kansim giri kidh mé ki yaalká ha yú shigia.

Kí Edhesiny 3:11

Yú ál ˈjóbo gáá yiimedhe. Hé hí ˈgayyaká tág chiˈdíe, giri hé shiicho Waag hí shigichoká máá níínní hí ka riatká mánká.