Héberew 3:5 - Fayam Midhab Yiesu Kiristoká He Hol Af Iđiny Kaanaká

⁵ Gál Waaˈgiet ˈdaalle ˈdugaka Móshe he gédéch hé Waag hí gedicheká el gaa igire-, he nannieká. Hé muí nanníéllá he hé Waag hí waaséél biiy yé gáá ˈdeeycheká hol ki eg.

Héberew 3:5 ပူးပေါင်းရင်းမြစ်များ

Matááyo 24:45

Aalé Yíésu gáál heete, kieye, Gédéch ˈdúwa-, ˈdaallé-, hújíchle hát ˈdabaanká nannuoká he gédéch máre? Gédéch kinaallá he gédéch máállé guđoká hí gede éíy taaka met gaa koyka, géde ˈguom aleđuđugul urgúa gaalí gaa shiguoká gaa shiguoká.

Matááyo 25:21

Mú máállé guđoká mú geey, kieye, Kó tág hé ˈdúwaká ekeyche! Kuun he gédéch ˈdúwa-, hújíchle tág ki yaalká. Kuun ˈdaa giri hé ninni-, yú ko shieká hujich hát ˈdabaanká ki niiyyeká, hújích chia guđoká máállé hí mé ki yaalká ha yú ko hođia. Káde, kí hol ˈgar geyyuo, mú yie.

Lúka 12:42

Aalé Máá Guđo Yíésu kieye, Gédéch ˈdúwa-, ˈdaallé-, hújíchle hát ˈdabaanká nannuoká he gédéch máre? Gédéch kinaallá he gédéch máállé guđoká hí gede éíy taaka met gaa koyka, géde ˈguom aleđuđugul urgúa gaalí gaa shiguoká gaa shiguoká

Lúka 24:27

Aalé Yíésu ˈdeenylé he veerit Waaˈgiet gaa iđe-, a meeny warˈgasam Móshe hí veereká, tá ˈjíig warˈgasam gál Waag hí ˈdéé ka shigicheká hí veereká đigká fayamle gáál af gaa koy.

Lúka 24:44

Aalé mu gáál geey, kieye, ˈDeenyééllá ˈdeeny giri muun ke hol af ijeká yú hí geeyká, giri yú hí geey-, hé ˈdaachúka Móshe hí warˈgasamlé hemuumuritiká gaa veereká ubaa ˈdeeny chia gál Waag hí ˈdéé ka shigicheká hí warˈgasamle gaa veereká, héétí ubaa ˈdeeny chia gaalí warˈgat Arramká gaa veereká lulle hai ˈduuwaa, yú hí yieká, Yíésu hí gáál yie.

Yuána 5:39

Itín it tág Warˈgat Waaˈgiet totoycho. Tawunykíchoka, he veerít luolmit biiyoká ha nyí gaa aargiˈda, hí chegedhe, kor he veerít íín ˈduuw chia he hogoto.

He Ekeny Gál Alb Fimiká 28:23

Aalé gaal rám éíy taaka geđo Báulo hol gaa aargiroká hol ki chiˈde. Aalé kúlích kinaal ali kí ˈdiiyyeká gál burnayká ˈbíl Báulo hí gaa ijeká a midhab ká yimie. Báulo gáál Guch Waaˈgiet ˈdeenyle geey. Mu hemuumurit Waag hí Móshe ka shiicheká warˈgasamle ubaa warˈgasam gál Waag hí ˈdéé ka shigicheká alblé giri ˈdeeny Yiesu hogoteká gáál af gaa koy. Mu hatal gáál ˈdeeny Yiesu ki ˈdiiyime, gáál ˈdéé net ˈdú gadhe, ˈjíig biiy gelga chie.

He Ekeny Gál Alb Fimiká 7:37

Hééllá Móshe tikiˈde giri gál Yisirayel geey-, kieye, Waag máá Waag hí ˈdéé ka shigicho-, hát yúká gálkúnno hurt yé hai gáá ˈdeđicha, muí yieká.

Róóma 3:21

Aalé káána Waag hé kár gálaat gál ˈdúwaká ki hođichoká gáál kí edhesiche. He veerit Moshe ubaa he veerit gál Waag hí ˈdeem ka shigicheká kárallá ˈdeenylé he hogodho. Kárallá hé hemuumurít el gaa igiritle ˈdaalle ma ki taaliny.

Korínto Erká 4:2

Aalé gál máádhat hí hujich mé ki reeyká, máállé guđoká hé hí gaa fedoká he giri hújích muí mé ki reeyká hát ˈdabaanká nannuoká.

Tímote Erká 1:12

Yáá Máá kúnnaa Guđo Yiesu Kirísto ye farguogoyóóllá gielmít hol ˈdú nannuo, ˈdaa giri mu ye máá hí af ˈduwasuoká ká dhaay-, ye hújíchle mé ki koyallá.

Héberew 1:1

Waag héle kissóótíá hát burnayye-, met hí hol ká eiyyeká eshim eshimkúnno ˈdeemano shigiche. Waag ˈdeemlééllá gál muí ˈdeem ka shigieká ˈdaallé he ká nanadhe.

Héberew 3:2

Hát káána Móshe he lullé ˈdaa gál Waaˈgietka Waag hí geđicheká lulle el gaa igire-, Waag af ˈduwasieká, Yíésu hé Waag hí ali gáá kaayyééllá úba af ˈduwasie.

Héberew 3:4

ˈBíl máádháto hí ˈdiˈdisa, tá he met lulle Máá hí ˈdiˈdisoká he Waag.

Héberew 8:5

Gál suoryóóllá ˈbíl he hujich gaa nannuoká ubaa hújíchlé nannuoká hé úr gaa ijoká he hol ki ekenyle ubaa yaalmitlé he ká yaalla. ˈDaa kinaallá ˈdugaka in af giri Móshe ˈBíl ˈbaaro Waaˈgietká ˈdiˈdiseká Waag hí geeyche, kieye, ˈBíl chia ye kí ˈdiˈditóóllá yaalmit lulle yú ko gúm álle kí edhesieká tákámle kí ˈdis, chie.

Héberew 9:24

Kirísto hé Ál ˈDúwa-, Kiato-, gaalí ˈdisseká ma híliny. Ál ˈDúwa-, Kiato-, gálaat hí gílle ki ˈdissééllá he taalle ál uratíítíá yaalmitlé. Aalé Kirísto hé ál uratíítíá hile, in káána ˈdaakúnnoka Waag met gaa yaalla.

Kí Edhesiny 15:3

Gaal Waag ubaa Élíny ár hát ár gédéch Waaˈgiet Móshe léká hí ˈdoyká ki meey, aar kieye, Máá Guđo Waag fargogínt lulle ˈgúóllo, hé kuuní ekemeychoká ebá guđáan, tá ke af ˈdaˈdaba! Kó kidh lulle Kánsích lééllo, ˈgierimkú ebá ˈdúwa, tá tagle ˈgee!