Héberew 3:1 - Fayam Midhab Yiesu Kiristoká He Hol Af Iđiny Kaanaká

¹ Aaléka, it nyaaram chia Waag híllé-, Waag hí urle kí viiyyééllo, Máá Waag hí ali gáá kaayye-, méte suoryo-, Yíésu lé-, ke iiy yíéllá kaskícho gaa iđía.

Héberew 3:1 ပူးပေါင်းရင်းမြစ်များ

Yuána 17:3

Luolmit biiyoká hatallá gaalí aargira, giri kúúni Waag tikiˈde-, ˈdúwáállá gaal ko óg-, yáá Yiesu Kirísto-, kuun ye ali gáá kaayyééllá úba gaal ye ógká.

Yuána 20:21

Yíésu geđi kieye, Naanná gaa yíéđía! Hát yú ˈJaachú ye ali gáá kaayallá, yú úba alb haí fafaa, muí gáál yie.

Yuána 20:27

Aalé mu Tómas geey, kieye, Gúmúrínykú ka hélish, gilchú ki gáágat, dháash. Gílkú ka hélish, beetchú ki gat. Ha ye ki nannáan, ye iiy áat, Yíésu hí mú yie.

He Ekeny Gál Alb Fimiká 1:15

Af kinaal Bétiro les gaa kie, gál giri nyaaram-, Yíésu iiy yieká hurt ki ˈdie. Gál kinaallá amú kúˈd tikiˈde tómón eiy naama giri hol ˈdú gáá yimieká.

Róóma 11:17

ˈGór Waag hí fiiyyééllá hídhle kolmo he golmia. Gál Yuuˈdi Kirísto iiy ma yéenká he kolm Waag hí ˈgórle gaa muˈdeká. It hí Kirísto iiy chíéllá he ˈgór tím gáá ˈdieká kolmlé Waag hí ka muˈde-, muí kolm giri muí mureká albléká gaa kuokoyká.

Róóma 15:27

Hé shiichóóllá he hé súm gaalí fede-, gaalí gáál shiguoká. Hééllá gaalí gáál shíéllá he ˈdaa giri gál Kiristo Yerúsalem gaa ijóóllá gál kidhdhóóllá Fayam Midhab Kiristóóllá ka hilsieká. ˈDaa kinaallá in gaal gáál ˈdú ˈjie, gáál héllé hí ki ˈgierˈgereká ˈdú chiˈde.

Róóma 15:8

Yú hí geeye, Yíésu ka yimíéllá, gál Yuuˈdi-, ubaa gál gál Yuuˈdi muuninyallá met hullaallé he ˈdu gáá riebe. Mu hé Waag hí héle gál Yuuˈdi eshim eshimle af iđicheká he ˈduuwasia. Tá mu gál gál Yuuˈdi muuninyallá ˈdu gáá riebééllá he giri geer guura Waag hí gáál argisichééllá ˈdaalleka gaal Waag memeyoká. Hát Warˈgat Waaˈgiet hí hote-, kieye, Yú kidh hurt ha ko gaa meeye, gáál hurtle arram yú ko ki memeyoká ha yú gaa ˈdarama, chieká.

Róóma 9:24

Múúni ˈbáál ke gál Yuuˈdi-, ˈbáál ke gál Yuuˈdi muuninyallá, hé ke gál Waag hí waaratééllá hurt gaa ijo.

Korínto Erká 1:2

it gál Kiristo-, ˈjien Korinto gaa iđa-, Waag hí ká viiyye-, Yiesu Kirísto hí saas gaa dhiire-, hí Waag gálle hoyyallá, tá gál biiy lúl gaa ijo-, Máállé tikiˈde úba Máákúnno Guđo Yiesu Kirísto lééllá vivisatallá ke hí ˈdu gáá veere.

Korínto Erká 10:17

Muun balashá tikiˈde ke kokoo. ˈDaa giri ke balasha tikiˈde kinaal kokúólláka, múúni ke burnayallá ke gon tikiˈde.

Korínto Erká 9:23

He lulle ˈdaa Fayam Midhab Kiristóóllá yú ki ekemeye, giri yú fayamééllá ˈdúˈjímle gaa yíéđianká.

Korínto ki Naamaká 1:7

Hééllá ˈdaakíchoka ˈduuwle nyáá nyí óg, manyjasiny hát káána nyiin il hí nyí aargiˈdóóllá itín úba hí aargiˈdóóllá, góf Waag hí nyí shigichóóllá Waag úba haí shigicha.

Korínto ki Naamaká 9:13

ˈDúˈjím kíchiallá ˈdaalle ˈdugaka gaal Waag ˈdúúw hai shigia. Ger gaa midhant kíchia hí gaal íín ubaa gálaat lulle aargisichóóllá, hát itín hí Fayam Midhab Kiristóóllá hí iiy chie-, hí met gaa kekeennóóllá gáál úba hai aargisia.

Eféso 3:6

Hé geer geđi-, Waaˈgietallá hééllá: ˈDaa Fayam Midhab Kiristóólláka, gál gál Yuuˈdi muuninyká hát gál Yuuˈdi hí aˈjibaat Waaˈgiet aargiróóllá íín úba hai aargira. Gálallá met hullaalle he gon tikiˈde, ˈdaa Kiristoka, he af iđiny Waaˈgiet úba ˈgarro hol aargira.

Eféso 4:1

Aaléka, yáá ˈdaa Máá kúnnaa Guđokáka, hiigin gaa ijóóllá, gillo yú hí ki efe, yaalmit midhab-, Waag hí kí viiyyeká hát ˈdabaanká gaa yíéđía.

Eféso 4:4

Múún ke gon tikiˈde, Hím Naasan Waaˈgiet gáál gaa iđoká úba tikiˈde. Hé nyí met egeto-, Waag hí nyí kí viiyyeká in úba Waag hí itín kí viiyye.

Filíbi 3:14

laat chia lađama, hé shiicho biiy metoká đulallé gaa ija, giri hé kinaal aargiroká. Hé shiicho kinaallá he luolmit biiyo-, urati-, ˈdaa Yiesu Kiristoka, Waag hí ye kí viiyyeká.

Kolosááya 1:12

ˈJaa kúnnaa Waag gielmít hol ˈdú naannáa. Mu íínííllá hé hí ˈduway, giri hé muí gállé mú édhúmle gaa ijoká muí af iđieká itín úba hí gáál hol ˈgar liiletoká.

Kolosááya 1:22

Tá káánaka, ˈdaa Kirísto hí gón hát gón kúnnaallá kaadhdhe-, kuféélláka, it ubaa Waag hol hille, giri Waag innumleka hí saas ubaa ˈdeensen ˈdaabiyyoká.

Kolosááya 3:12

Aaléka, it Waag hí waarate-, muí gálle hote-, muí súm gielallá, geer shâw ubaa geer guurá ˈgáa, hol ˈdúúw ría, sáa yeedhíe, he ˈdú faafadhíe.

Dhesaloníke Erká 2:12

Hé ke hí chuchure, ke hí gogofsie, ke hí af tatie, giri hí innum Waaˈgiet hát ˈduwantiká gaa iđoká. Waag íínííllá hé hí guchle ubaa ˈduuwle kí viiyye.

Dhesaloníke Erká 5:27

ˈDaa Máá kúnnaa Guđokáka, hééllá ha yú hí kí mure, warˈgatééllá gál nyaaram kúnnaa Kiristoká lulle af ki tuoyyíe.

Dhesaloníke ki Naamaká 1:11

ˈDaa kinaallá ˈdugaka in ke hí aadh lulle Waagkúnno kí vivita, giri iđiny kíchia muí kí víéllá mu hí gál ˈdúwa-, iđiny kinaal ki ijoká ka tuoyo-, héétí mú fargogintle ˈdaalleka muí he feditkíchía midhabká ubaa he ekeny kíchia iiy yeenkícho yé gáá ˈdeˈdeenká lulle muí đuusuoká.

Dhesaloníke ki Naamaká 2:14

Fayam Midhab ke hí ki ˈdiiyimééllá, in Waag hí rúbáchallá kí viiyye, giri Máá kúnnaa Guđo Yiesu Kirísto hí ˈdúúw gaa aargiˈdoká.

Tímote Erká 6:12

Iiy yeen Kirísto ka ˈgayyóóllá laatlé ˈdúwáállá laađámo. Luolmit biiyo-, Waag hí ko kí viiyye-, kuuní iiy chie-, kuuní gál burnayká hát ˈdabaanká met gaa huogoteká tág chíro.

Tímote Erká 6:2

Gál gédeká har gállé hí hoteká úba gál Kirísto iiy yieká kátaka, ˈdaa giri gaal ˈdaa Kiristoka hol nyaaraká gede hai gáál kian ka ˈdábiny. Hé kinaallá afleka, gede hí hát ˈdabaanká hujichaamlé kinaal naanuo. Gál gede hí hujichaam midhabká ki nannúóllá he gál úba Kirísto iiy yie-, ki gielallá. Atimééllá lulle hé gille kuuní gáál ki egefiyyo-, kuuní gáál oonisichoká.

Tímote ki Naamaká 1:9

Waagééllá in muun gáál rubach shiiche, gáál yíéđiny hí geer gaa memesichoká kí viiyye. Hééllá Waag hí muun gáál ki ekeychééllá he hé kieye, muun hé mákárta-, midhabká ki ekey, muuniny. Waag hátlé les ma ka kúóninyká hé hééllá mé ka ˈgayye, giri ˈdúˈjímle ˈdaa Yiesu Kiristoka muun gáál ka shigichoká.

Tímote ki Naamaká 2:7

Ebá hé yú hogodhóóllá táwug! Máá kúnnaa Guđoká hééllá lulle eiy naasanle ha ko shigia.

Héberew 10:19

Aaléka, nyaaramchú, fás Yiesu ˈdaalleka muun Ál Súm ˈDúwa-, Kiato uratíítíá hát sierm mantiká ke higila.

Héberew 10:21

Aalé ˈdaa giri ke Máá méte suoryo-, ˈdúwa-, ˈbíl geer Waaˈgiet mé ki yaalká ke ˈgúóllá,

Héberew 10:23

Hé ke met egeso-, hát ˈduuwawká ke iiy yíéllá kí tág chirat. Waag ííni gáál hééllá af iđichééllá he Máá ke ˈdúúw ki óg-, hééllá ˈduuwasuoká.

Héberew 13:22

Nyaaramchú, ˈdéé hót chia gáá gaaw-, yú hí ˈdu gáá veere-, yú hí ki gogofsúóllá ger midhabká ki eedhdhíe.

Héberew 2:11

Máá gálaat saas ˈdaˈdabsuo-, Yíésu lééllá, ubaa gállé saas gaa egewká lúl ˈJaag hí tikiˈde. ˈDaa kinaallá ˈdugaka in mu gál saas gaa egewallá, Nyaaramchú, yegetká kernle hí ma ˈgiˈgin,

Héberew 2:17

Héél ˈdugaka in Waag mú hát lullé nyaaramle hí ˈgieká hoyche, giri mu Waag metle Máá méte suoryo-, ˈdúwa-, geer ka guurá ˈguoká yeget-, gálaat nyuogimle ubaa ađaabanolle ewle higidhoká.

Héberew 3:12

Aaléka, nyaaramchú, hol ˈdeeˈdeemíe, itín máádhat hai geer gaa nyakarich-, máálle Waag bííyyo ali iđóóllá haađuo-, iiy ma yegenká ˈgíiny.

Héberew 3:14

Iiy yeen kúnnaa er-, ke Kirísto iiy yieká har ke taalle hát ˈdabaanká ke ki ˈgie-, ˈjíig biiy el ˈdaˈd kátaka, af kinaalka muun ke sheel Kiristo.

Héberew 6:20

ˈDaakúnno ˈdugaka in Yíésu Ál Súm ˈDúwa kinaallá muun gáál met hile. Mu hát yaalmit Melkiseˈdegkáka hé Máá méte suoryo-, biiyoká yie.

Héberew 7:26

Mu he Máá méte suoryo-, muun ke hegesetká. Mu íín he máá Waag geer gaa memesuoká. Mu hé hé ˈdeeđeneyká mán, héétí mu hé ađaab níínní úba hileká mán. Waag hé lés gál ađaabano ˈgúóllá hí gaa ijóóllá mú gaa eete, mu hé he met lullé uratiká máállé hí mé ki yaalká yie.

Héberew 7:28

Hemuumurit Waaˈgiet Móshe hí gáál shieká gálaat gál méte suoryoká hoyche. Tá gál kinaallá íín hát gáláát aađaká hé đalimle ˈgie. Tá hemuumurit Móshe hí gáál ka shíéllá el ˈdaal Waag hol ˈdoote, in Inyle ˈduwayche, mú Máá méte suoryo-, biiyoká hoyche.

Héberew 9:11

Aalé káánaka, Kirísto hé Máá méte suoryo-, he lullé ˈdabaan-, yé ka ˈdíéllá máállé hí mé ki yaalká yie. Mu hé ˈBíl ˈbaaro-, ˈdúwa-, urati-, gálaat hí ma ˈdísiny-, lés Waag hí ka kuonnééllá ma ˈdú yaalinyká hile.

Héberew 9:15

Hééllá ˈdaalle ˈdugaka in Kirísto he af iđiny kaanáállá máállé Waag ubaa gálaat hol higilsuoká yie, giri gál Waag hí ká viiyyeká luolmit biiyo-, Waag hí af iđicheká aargiroká. Kirísto kúfáchlé he kufééllá, he giri gaal hé ˈdeđew-, he af iđiny erkobká gaa hileká ađaabanolle ubaa nyuogimlé kinaal gáál gaa egewká.

Bétiro Erká 2:9

Tá itín he gál Waag hí galayche-, Waag ííni kansidhééllá hí mé tikiˈd hoyche-, hí gállé suoryoká hosote-, hí hol taak ki kooteká. Hé ˈduwa, itín he gál Waag híllé-, muí bííy gaa ongʼoˈdeká gáá vie-, muí édhúmlé ˈdúwaká hurt gaa iđite-, giri hí mú ˈduuwle memeychoká.

Bétiro Erká 3:5

Vere kinaallá in ˈdeg héle Waag hát ˈdabaanká el gaa igiˈde-, hé giri Waag hí gáál af iđicheká hát Waag hí ˈduuwasichoká onnoyyeká hí buukusate. ˈDeg kinaallá hé beelemle met gaa kekeenne.

Bétiro Erká 5:1

It káru-, hí gáál hursam gaa iđáállo, yú he karsich, hát itíni. Yáá giri Kirísto manyjanyle il ki argééllá, af giri Waag ˈduuwle ka eedheyyoká yú úba he máá hí hol ˈduuw kinaal ˈgar aargiˈdoká. Aaléka, gillo yú hí ki efe,

Bétiro Erká 5:10

Aalé hí á níínni mare manyjayyeka, Waag gáál hát lulle ˈdú ˈjeˈjeenno-, hí ka viiyye-, hí Yiesu Kirísto gáá naate-, hí Waag ˈduuwlé biiyoká ka hilleká, Waag íín dhúrle haí biisicha, haí ˈdiita, far haí googonoycho, hidh haí aruanna.

Yuána Erká 1:3

Hé nyí argiyye-, ubaa nyí maalleká ke hí ki ˈdiyime, giri itín ubaa nyiin ke hol ˈdú faan-, ke tikiˈd yegetká. Aalé hát káána nyiin nyí ˈJaa kúnnaa Waag ubaa Inylé Yiesu Kirísto hol ˈdú faannééllá, hol ˈdú famit kúnnaa kinaallá hé ˈJaa kúnnaa Waag ubaa Inylé Yiesu Kirísto hí gaa ijo.

Yúúa 1:1

Yú he Yúúˈda, gédéch Yiesu Kiristo, nyár Yakob. Warˈgatééllá it Waag hí ká viiyye-, ˈJaa kúnnaa Waag hí giel-, Waag hí ˈdaa Yiesu Kiristo in ki ˈdiiyyeká yú hí ˈdu gáá verene.

Kí Edhesiny 17:14

Gaal Élíny hai ˈdú ruuma, kor Eliny ˈdaa giri he Kánsích kansím lulle mé ki yaalká gáál hai ká aađadhdha. Tá gál Élíny hol ˈguoká he gál Waag hí viiyye-, Waag hí gálle hosote-, Waag af ˈduwasieká, muí ye yie.

Kí Edhesiny 18:20

Úrru, geer hí ko gaa meet! It gál Waaˈgietallo, it gál alb fimííllo, it Waag hí ˈdeem ka shigichééllo, ger hí gaa meet! ˈDaa giri ˈdéé hót ˈjienééllá hí itín ˈdú iđicheká Waag hí geđi ˈjienééllá ˈdú iđicheká, ger hí gaa meet! ˈdéé hót hí chie.