Héberew 2:9 - Fayam Midhab Yiesu Kiristoká He Hol Af Iđiny Kaanaká

⁹ Muun hé ke argóóllá he hát Yíésu Waag hí bár gáá gaawká gál urru-, ˈgassoká el koyyeká. Aalé ˈdaa giri mu he manyjay-, kúfach il hí argiyyeká in Waag mú ˈdúúw shiiche, mú ˈduwayche. ˈDaa giri Waag gálaat geer guurá ka ˈgayyoká in kúfáchallá Yíésu hí gálaat lulle ˈdú kufe.

Héberew 2:9 ပူးပေါင်းရင်းမြစ်များ

Matááyo 16:28

Tá yú hí hé ˈdúwaká geeye, gál állá ˈgíéllá ˈbaal hé ma kufuminy, ˈdaab yáá Iny Máádhátallá Guchchú ma kí yímen-, ye ma árginyká.

Matááyo 6:28

Tá háteka đafaraam hí fafaataká gerle hí gaa ˈdeđenetal? Ebá ísh lesiet kállányle dhaayyíe. Iish hé hujich ma nanniny, ubaa hé kírre ma susuny.

Márko 9:1

Aalé mu geđi gáál geey, kieye, Yú hí hé ˈdúwaká geeye, gál állá ˈgíéllá ˈdáá tikiˈd ˈdaab Guch Waaˈgiet fargogínt ma kí chímenká ma árginyká hé ma kufuminy, Yíésu hí gáál yie.

Lúka 9:27

Hé ˈdúwaká yú hí geeye, gál állá ˈgíéllá ˈdáá tikiˈd ˈdaab Guch Waaˈgiet ma árginyká hé ma kufuminy, Yíésu hí gáál yie.

Yuána 1:29

Bííy éíy taaka ka biˈdeká Yuána Yíésu hí ˈdu gáá yiimie-, argeká, đo kieye, Dhaayyíe, Élíny Waaˈgiet nyuogim ubaa ađaabano lésallá gaa egewká háluká!

Yuána 10:17

ˈJaachú ye gielallá he ˈdaa giri yú sídhchú silmuo-, kufunan-, sídhchú geđi yáálle hí hol ka nannasatká.

Yuána 12:32

Tá yú af giri gaal ye les gaa egewká gálaat lulle ha yú laadhdha, muí gáál yie.

Yuána 3:16

ˈDaa giri Waag gálaat lullé les gaa ijoká súm gielká in gáál Inylé ali ka takachká ká shiiche. Máá Íny iiy yeetká sídhle hé ma baađany, taalle luolmit biiyoká hai gaa yíéđima.

Yuána 8:51

Yú hí hé ˈdúwaká geeye, máá ˈdeenychú ki yaalká taalle bííyyo hé kúfach il hí ma aargiriny, Yíésu hí gáál yie.

Yuána 8:52

ˈDéé umutéél tákáma muí hodhe, gál Yuuˈdi đo kieye, Hát aryáán ˈgayyoká káána gon nyáá nyí kimisate. Abirááyam hé guraam hí guure, gál Waag hí ˈdeem ká shigicheká úba hé guraam hí guure. Tá háteeye kúún geđi kieye, Máá ˈdeenychú ki yaalká taalle bííyyo hé kúfach il hí ma aargiriny, chegedhe?

He Ekeny Gál Alb Fimiká 2:33

Mú hé Waag hí les gaa eeyye, Waag hí gíl ˈdaallé naanietká iđisate, mú ˈJaalle Hím Naasanlé he mú af iđieká hé mú shie. Hé káána aalé hí argiyya-, hí mamallóóllá he Hím Naasan Waaˈgiet kinaallá muí nyí ˈdú gáá leesie.

He Ekeny Gál Alb Fimiká 3:13

Waag giri Abiraayam-, Yisak-, tá Yakob-, giri eshim eshim kúnnaa kinaallá hé gédéchlé Yíésu ˈduwasiche. It mú gál kaansúoká gíl geer gaa kaayye. Af giri Bilááto mú ká hađieká fedeká ití mú Bilááto met gaa điite.

Róóma 5:18

Iiy-hí, he ˈdeeneny tikiˈde Aˈdamallá ˈdaalleka in gálaat lúl Waag hí ˈdeensete. Tá he ekeny tikiˈde Kiristo ˈdúwáállá ˈdaalleka in Waag gálaat lúl kár gáál ki ˈduuwaycho-, gaal hí rubach ki aargiroká shigicha.

Róóma 5:8

Tá Waag gielmitlé gáál gielká hátlé gáál ka argisicheká hééllá: Af giri hátle ki ađaabano ubaa nyuogimkúnno gaa ijeká in Kirísto gáál ˈdú kufe.

Róóma 8:3

Hemuumurit Waag hí gál Yuuˈdi ka shiicheká hé fargogint níínní ˈgayye-, múún gáál ađaabano gim yé gáá ˈdeđicheká mán, ˈdaa giri balt gónkúnno hemuumurít a mé kí ˈjiiyyeká. Tá Waag íín dhúrle hé gáál ađaabano gim yé gáá ˈdeeyche! Mu Inyle múúni ke ađaabano ˈgúóllá gáál ali ˈdú gáá kaay. Iny gón gálaato kí yimie. Waag hé Inylééllá suor hoyche, ađaabano gálaat ˈdeentle ˈdú iđiche.

Róóma 8:32

Waag Inyle ma kulnásan-, ˈdaa kúnnoka ká sillichééllá hé úba he met lulle hát geer gaa midhantiká gáál ma ká shígîny?

Korínto ki Naamaká 5:15

Kirísto gálaat lulle ˈdú kufééllá, he giri gál les ˈdug ˈdú ijóóllá mú iiy yeget-, hát hol ki fedoká ma yíéđiminy-, Máá hí ˈdú kufe-, geđi loolnodhééllá hol ˈdú silmuoká.

Korínto ki Naamaká 5:21

Kirísto ađááb mánnallá in Waag hí ađaabanokúnno ˈdú iđiche, giri mú ˈdaalleka Waag muun gáál gál ˈdúwa-, ađááb mánká innumle gaa chegetoká.

Galátia 4:4

Tá Waag aleđuđugullé feˈdeká ali kí ˈdiiyyeká, in Waag Inyle ali gáá kaayye, ini hí ˈdalle, hemuumurít gim gáá ˈdalidhe,

Tímote Erká 2:6

gálaat lulle ˈdaalleka, hol gusse-, gáál ríéllá. Hééllá he ˈdeeny ˈdúwa-, a leđugul Waag hí ki muˈdeká ali kí ˈdieká.

Héberew 1:9

Kó he ekeny ˈdúwaká giel, he ekeny gaa nyakaridheká néb. Aaléka, Waag giri Waagkúká hé ko sáláb ko geer gaa memeychoká mé ki liiyye, hé ko sheelkú ˈdú ˈduwayche, he chie.

Héberew 10:5

Aaléka, Kirísto lésallá ka hileká ˈJaallé Waag geey, kieye, Kúún kó suoryam aanyiet ubaa hé shiicho ma fediny, kó ye gon kí kuonne, giri yú hol suor hođuoká.

Héberew 11:5

Énok iiy yeenle ˈdaalleka in kúfach il ma ki árginy, hátlé fayyáká Waag hí eete. ˈDaa giri mú Waag hí eeteká in mú gaalí ˈdabe. Hé Warˈgat Waaˈgiet hí gáál ka geeycheká kieye, Mu hátlé les gaa ije-, Waag hí ma éenká, in gálaat mú máá Waag geer gaa meeyká yie.

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Héberew 2:7

Kó bár gáá gaawallá gálaat gál ˈgasso-, urruká el koyye. Kó gálaat ˈdúúw shiiche, gáál ˈduwayche,

Héberew 7:25

ˈDaa kinaallá in mu fargogínt ˈgaa, giri gál mú ˈdaalleka Waag ˈdú gáá yiimetká muí ririanká. Mu íín taalle bííyyo hé ali ijo, giri gál hí gáá nannaatká ˈdaalle ˈdugaka gáál Waag ki ruogononká.

Héberew 8:3

Ameeny gál méte suoryo-, Waag hí hujich mé ki koyyééllá, he giri gaal hé shiicho ubaa suoryam Waag shiguoká. ˈDaa kinaallá ˈdugaka in Máá kúnnaa méte suoryóóllá úba héllé shiichoká Waag shie.

Bétiro Erká 1:21

Itín Kirísto ˈdaallé hí Waag iiy ki chie, ˈdaa giri Waag Kirísto uushich yé gáá ˈdeeyche-, Kirísto ˈduwaycheká. In káána hí iiy yeen ubaa ˈdúúw Waag ká ˈgayya.

Yuána Erká 2:2

Mu he suor ađaabanokúnno ubaa nyuogimkúnno ewle higidhoká. Suorééllá hé ađaabano ubaa nyuogimkúnno tákámle ewle ma higin, gálaat lullé les gaa ijoká nyuogimle ubaa ađaabanollé úba ewle higita.

Kí Edhesiny 19:12

Mú inle hát ˈjiet bólo. Mu huraam burnay-, kansimoká mé in ká ˈgaa. Mú meeny máá éíy taaka hí og mán-, máálle tákámle hí ógká Waag hí gaa veeˈde.

Kí Edhesiny 5:9

Aaléka hé luogol kinaal ubaa káru ár kaanaká ˈdoy, aar kieye, Kuun kó ˈdúúw ˈgayyo, giri warˈgát egeet-, warˈgát kát gaa babiyyoká. Kuun gálaat hé ko yies. Kó fáskú okodiche. Hát kinaallá in gálaat ká yiate. Gál kuuní Waag kí yiatééllá he gál kidh lulle ubaa afano lulle tá émeet lulle, héétí gálaat lulle yé gáá ˈdeˈdeenká.