Héberew 2:8 - Fayam Midhab Yiesu Kiristoká He Hol Af Iđiny Kaanaká

⁸ he lulle gáál ˈgas met fiiyye, giri gaal hé kinaal met ki ˈgieká, ˈdee hí yie. Waag gálaat he lulle ˈgas met fiiyyééllá, hé níínní hayche-, gaalí mé ma ki yaalinyká mán. Kor káána ke dhaayka, he lulle hátle hé gálaat ˈgas gim gaa láʼ.

Héberew 2:8 ပူးပေါင်းရင်းမြစ်များ

Matááyo 28:18

Aalé Yíésu lalille kí ˈjobondhe, mu gáál geey, kieye, He lullé uratiká ubaa he lullé lesietká hé Waag hí ye mé ki koyye.

Yuána 13:3

Yíésu hát ˈJaalle hí he met lulle gíl geer fie-, íín Waag gáá yimie-, kor Waag hol ˈdú nannaatká hé onnoy.

Yuána 3:35

Íny hé ˈJaallé Waag hí geelnedhe, ˈJaalle hí he met lulle gíl geer fie.

Korínto Erká 15:27

Warˈgat Waaˈgiet kieye, Waag hé he met lulle mú kansimle gim gaa iđiche, he chie. Waag he met lulle mú kansimle gim gaa iđichééllá, he hé kieye, Waag úba mú kansimle gimmo he gaa iđa muuniny.

Héberew 1:13

Aalé máá ˈgasso-, uriet máre kálta Waag hí geeyche, kieye, Yú ˈdaab kídhkú kara kuun hí gas ˈdú kokoyyoká ma hônyká, ye gíl ˈdaa chia naanietká yíéđig, Waag hí chie?

Héberew 1:2

Tá biiy el ˈdaalka, Waag ˈdeemlé muun gáál ka geeycheká ˈdaa Inylé he ká niiyye. Iny Waaˈgietallá he máá he met lulle liiletká Waag hí hoyche. Mu úba he máá ˈdaalleka, Waag hí he met lulle kí kuonneká.

Héberew 2:5

Aalé lés kaana-, ka chiimetoká hé Waag hí gállé ˈgasso-, urruká mé ma ki kokony.

Bétiro Erká 3:22

Aalé Kirísto tikiˈde kinaallá in úr mé nie, káána Waag gíl ˈdaa naaniet ija, gál urru-, ˈgasso-, Waaˈgietká ubaa kansimano lullé met hí hol ká eiyyeká hí hemuumuritle gim gaa ija.

Kí Edhesiny 1:18

Máá bííyyo ali ijoká. Yáá kufe, tá bá dháash, yáá káána luol. Yú taalle bííyyo ali ha ija. Yú yáá kúfach ubaa ál gál kufeká hí mé nannuoká kúlfílle ˈguo.