Héberew 2:3 - Fayam Midhab Yiesu Kiristoká He Hol Af Iđiny Kaanaká

³ Tá fayam ˈdúwa-, gáál rubach shigichóóllá hé hemuumurit kinaal súm ˈdú ˈdúwa. Máá kúnnaa Guđoká hé dhúrle gálaat fayamééllá ki ˈdiiyime, tá gál fayamééllá maaleká hé fayám hát ˈdúwaká muun gáál ká geey. Aaléka, muun har ke fayamééllá gíl sug ki hayka, af kinaalka háteeye ke he il ká argisiny met kar gaa ˈdarama?

Héberew 2:3 ပူးပေါင်းရင်းမြစ်များ

Matááyo 23:33

It chaara-, hí um reewal! Itín háteeye, hí ˈjiet biiyoká manyjasinyle met kar gaa ˈdaraanna?

Matááyo 4:17

Ameeny kinaallá in Yíésu ˈdiiyiminyle mé gáá kodhdhe, gálaat geey, kieye, Hé ˈdeđew-, hí gaa seseenneká hayyíe, Waag makan famíe, Guch Waaˈgiet hé ká ˈjobonte, yie.

Márko 1:14

Aalé Yuána gaalí hiigidheká Yíésu lés Galilaaya sedhe. Fayam Midhab-, Waaˈgietká gáál ki ˈdiiyime, kieye,

Lúka 1:2

Gál er ali gaa ije-, hé kinaal il ki arge-, he fayamle ˈdiiyimeká nyí fayám ká shie.

Lúka 1:69

Waag hé gédéchlé ˈDáwuˈd ˈbíl ílle máá fargogo-, rubachietká yé gáá ˈdeeyche, mú gáál ká shiiche,

Lúka 24:19

Aalé Yíésu gáál heete, kieye, Hé kinaallá hé máre? yie. Gaal kieye, Fayam Yiesu Nasaret-, máállé Waag hí ˈdéé ka shigiche-, héllé ekemeyká ubaa héllé hogodheká innum gálaat lulle ubaa innum Waaˈgiet gaa ˈdúwa-, fargogonoyká,

Yuána 15:27

Aalé ˈdaa giri kíssóótí ke hol ˈgie-, káána đigallá itín úba ˈduuwchú gálaat haí geđicha.

He Ekeny Gál Alb Fimiká 2:22

Aalé Bétiro geđi gáál geey, kieye, Gál Yisirayel, hééllá nee kóo. Yíésu giri Nasaretká héllé farguogo-, Waag hí shiiche-, hí hurt gaa eekemey-, hí af ˈdaˈdabiyyeká ití óg. Hé kinaallá ˈdugaka in mu hát he máá ˈdúwaká Waag hí itín argisiche.

He Ekeny Gál Alb Fimiká 4:12

Rubach hé máá éíy taaka ke gaa aargiroká mán, ˈdaa giri lésallá hé máá níínní éíy taaka hí gaa ijo-, Waag hí gáál ka shiiche-, meenyle gálaat hí ki bebeenká mánká, Bétiro hí gáál yie.

Róóma 11:14

giri kálmaréel gál chia Yuuˈdííllá tuuˈdle yú hinááf gaa vereno-, gáál ˈbaal rubach aargiroká.

Róóma 2:3

Aaléka, it hí gálaat ˈdeđensete-, kor hé gaalí ekemeyo kinaal úba hí ekemeychóol! Hí tawuyyeká itínka Waag ˈdéé ki iđinyle met karro hí gaa ˈdaraanna?

Korínto Erká 1:21

Waag hé ˈdaallé, tá hé ˈdéé murate, giri gál lesalloká ˈdaalimle Waag ma ki kiimisanká. Héél afleka, Waag fayamle ˈdiiyiminylé gál lesalloká hí hé đeeymoká ka dhaˈgasanallá ˈdaalle ˈdugaka in gál fayám iiy yegetká rubach shigicha.

Dhesaloníke Erká 5:3

Af giri gálaat kieye, Hé lulle naanná ubaa hát ˈdabaanká he ija, gaalí yegetká, gaal đo hát geer veerit ˈdalietkáka gáál he illo hí argiyye, gaal hé hát níínní he met kar gaa ˈduoká mán.

Tímote Erká 1:15

ˈDéé hót ˈdúwa-, ke lulkúnno hát ˈdabaanká iiy yegetká hééllá: Yiesu Kirísto lésallá ka yimíéllá, gál ađaabano ˈguoká he ririma. Tá gál ađaabano ˈgúóllá yaa súm hí ađááb ˈdú ˈgaa.

Títo 2:11

Waag hé gálaat lulle ˈdú ˈjiiyye, hé kár gálaat hí rubach ki aargiroká yé ká ˈdeeyche.

Héberew 1:1

Waag héle kissóótíá hát burnayye-, met hí hol ká eiyyeká eshim eshimkúnno ˈdeemano shigiche. Waag ˈdeemlééllá gál muí ˈdeem ka shigieká ˈdaallé he ká nanadhe.

Héberew 1:14

Aaléka, Waag gállé ˈgasso-, urruká lulle he gál Waag hí alb fafiyyo-, giri gál rubach aargiroká he ki nannuoká, muunîny?

Héberew 1:2

Tá biiy el ˈdaalka, Waag ˈdeemlé muun gáál ka geeycheká ˈdaa Inylé he ká niiyye. Iny Waaˈgietallá he máá he met lulle liiletká Waag hí hoyche. Mu úba he máá ˈdaalleka, Waag hí he met lulle kí kuonneká.

Héberew 12:25

Hol ˈdeeˈdemíe. Haí Waag ˈdéé hogotóóllá af đíiny. Gaal af giri máá hí Waag ˈdeenyle lésallá gaa shigieká af điidheká hé he il hí argiyye. Tá muun har ke Waag úr ˈdéé gáá hogoto-, gáál geđichóóllá ke el af gaa tameka, af kinaalka he ˈdaab máre il hí gáál aargiˈda?

Héberew 4:1

Waag he af iđinylé giri gálaat mú állé him ki nimiká higiloká hátle hé ali taal. Aaléka, kí sierm ˈguo, giri itín mú tikiˈd úba ál him ki nimííllá hilitle ma gaa ˈdaabinyká.

Héberew 4:11

Aaléka, kí laađaan, kí Waag állé him ki nimííllá hilo, giri muun mú tikiˈd hát gál héle Waag af đuˈdusekáka ˈboy ma ˈdeeminy-, ma baađanyká.

Héberew 5:9

Aalé mu hújích Waag hí ali ˈdu gáá kaayyeká beeteká, mu hé gál lullé hí af ˈduwasuoká hí máállé rubachiet-, gaal íín hí luolmit biiyoká gaa aargiroká yie.

Héberew 9:28

Hát tikiˈdééllá in Kirísto a tikiˈd hol suor ki hoy, giri gálaat ađaabano ubaa nyuogim gaa egewká. Mu hollo hol ká naadha, tá mú hol ka naanlééllá hé ađaabano ubaa nyuogim gálaat ˈdaalle ˈdugaka muuniny, he gál mú met egesoká muí luolmit biiyoká ˈdú gáá siidhoká.

Yuána Erká 1:1

Nyiin Máá erkob-, Waag hátlé hé níínní ka kuonne mánká ali ije-, nyí ageerle nee kokoyye-, ubaa nyí il ki argiyyeká fayamle ke hí ki ˈdiyime. Máá ˈDeeny Luolmiti lééllá nyáá nyí argiyye, nyí gilkínyo ki chiichirate.

Yúúa 1:17

Tá it sheel chia yú gielallo, Máá kúnnaa Guđo-, Yiesu Kirísto gállé alb fimiká ˈdeem Waag hí ká shigiche-, he ˈdiiyimeká táb ˈduoˈdodhdhíe.

Kí Edhesiny 7:10

Gaal af ˈdérká ˈdéé ki hodhe, kieye, Rubach Waag kúnnaa kara guchiká ˈdú iđoká ubaa Élínyi he yé gáá ˈdeˈdeme, gaalí yie.