Héberew 2:17 - Fayam Midhab Yiesu Kiristoká He Hol Af Iđiny Kaanaká

¹⁷ Héél ˈdugaka in Waag mú hát lullé nyaaramle hí ˈgieká hoyche, giri mu Waag metle Máá méte suoryo-, ˈdúwa-, geer ka guurá ˈguoká yeget-, gálaat nyuogimle ubaa ađaabanolle ewle higidhoká.

Héberew 2:17 ပူးပေါင်းရင်းမြစ်များ

Róóma 15:17

Aaléka, hújích chia Waaˈgietallá ˈdaalleka yáá Yiesu Kirísto memeyo.

Róóma 5:10

Har káána úba ke Waag hol ka kídh onnoyka, Waag kúfách Inylééllá hé muun ubaa Waag gáál hol hilsie. Aalé káána ke Waag hol ka kídh muuninyallá, hát gon ke rubach aargiroká hé ke óg. Waag Inylé luolallá in muun gáál luolmit biiyoká shigia.

Eféso 2:16

Mú kúfáchlé muí ˈgór đarám yaalká ˈdú kufe kinaallá ˈdaalleka in gón tikiˈde-, gálle met hí naama-, hol ka kídh onnoyká muí Waag hol ˈdu gáá nie, nebitle muí mé ˈgidhie.

Kolosááya 1:21

Kíssóótí it Waag hol eiy gaa ˈgisate, tawunykícho ubaa he ekeny kíchia ˈdeđewká hé hí gál Waag ka kídhká hoyche.

Héberew 10:21

Aalé ˈdaa giri ke Máá méte suoryo-, ˈdúwa-, ˈbíl geer Waaˈgiet mé ki yaalká ke ˈgúóllá,

Héberew 2:11

Máá gálaat saas ˈdaˈdabsuo-, Yíésu lééllá, ubaa gállé saas gaa egewká lúl ˈJaag hí tikiˈde. ˈDaa kinaallá ˈdugaka in mu gál saas gaa egewallá, Nyaaramchú, yegetká kernle hí ma ˈgiˈgin,

Héberew 2:14

Aaléka, ˈdaa giri umééllá gon ubaa fás ˈguoká, in Yíésu úba gon ubaa fás hat kinaallóóllá kaadhdhe, gáál ˈdú kufe. Mú kúfáchlééllá ˈdaalleka in mu máá kúfach fargogintle ˈgie-, Sátanlééllá kar rie.

Héberew 2:16

Hé ˈduwa, mu hé gál ˈgasso-, urruká ma ˈdú ˈjeˈjeminy, mu ˈbíl íl Abiraayamo he ˈdú ˈjeˈjeme.

Héberew 3:1

Aaléka, it nyaaram chia Waag híllé-, Waag hí urle kí viiyyééllo, Máá Waag hí ali gáá kaayye-, méte suoryo-, Yíésu lé-, ke iiy yíéllá kaskícho gaa iđía.

Héberew 3:2

Hát káána Móshe he lullé ˈdaa gál Waaˈgietka Waag hí geđicheká lulle el gaa igire-, Waag af ˈduwasieká, Yíésu hé Waag hí ali gáá kaayyééllá úba af ˈduwasie.

Héberew 3:5

Gál Waaˈgiet ˈdaalle ˈdugaka Móshe he gédéch hé Waag hí gedicheká el gaa igire-, he nannieká. Hé muí nanníéllá he hé Waag hí waaséél biiy yé gáá ˈdeeycheká hol ki eg.

Héberew 4:14

Aaléka, ˈdaa giri ke Máá Guđo-, méte suoryo-, úr mé nie-, Iny Waaˈgiet Yíésu lééllá ke ˈgúóllá, iiy yeen ke mú ka ˈgúóllá kí tág chirat.

Héberew 4:15

Muun hé ke máá méte suoryo-, đalimkúnno geer kurshamle mánká mán, tá Máá ki ˈguoká he Máá hát múúnka Sátan hí hát lulle ki ekesete-, kor íín dhúrle ađááb ma hílinyká.

Héberew 5:1

Ameeny máá méte suoryoká Waago hí gálaat gáá waarate, gálaat ˈdaalle ˈdugaka in Waag hí hujich mé ki koyye, giri mu hé shiicho gálaatká Waag shiguo-, Waag metle ađaabano ubaa nyuogim gálaat suoryamle ˈgaˈgaloká.

Héberew 5:10

Mu hát Melkíseˈdegka hé Waag hí Máá méte suoryoká hoyche.

Héberew 5:2

Mu gál he hol eiy ma gaa nannasan-, gaalí bađisieká hé nog ki seseen, ˈdaa giri đalim gálaat hí ˈgúóllá mu íín úba hí ˈguoká.

Héberew 5:5

Hát tikiˈdééllá Kirísto úba hé hol ma ˈduwasîny, hol máá méte suoryoká ma ka hôny. He Waago mú ˈduwasiche, mú geeyche, kieye, Kuun he Inychú, kúlíchallá yáá ˈJaakú yie, mú chie.

Héberew 6:20

ˈDaakúnno ˈdugaka in Yíésu Ál Súm ˈDúwa kinaallá muun gáál met hile. Mu hát yaalmit Melkiseˈdegkáka hé Máá méte suoryo-, biiyoká yie.

Héberew 7:26

Mu he Máá méte suoryo-, muun ke hegesetká. Mu íín he máá Waag geer gaa memesuoká. Mu hé hé ˈdeeđeneyká mán, héétí mu hé ađaab níínní úba hileká mán. Waag hé lés gál ađaabano ˈgúóllá hí gaa ijóóllá mú gaa eete, mu hé he met lullé uratiká máállé hí mé ki yaalká yie.

Héberew 7:28

Hemuumurit Waaˈgiet Móshe hí gáál shieká gálaat gál méte suoryoká hoyche. Tá gál kinaallá íín hát gáláát aađaká hé đalimle ˈgie. Tá hemuumurit Móshe hí gáál ka shíéllá el ˈdaal Waag hol ˈdoote, in Inyle ˈduwayche, mú Máá méte suoryo-, biiyoká hoyche.

Héberew 8:1

Hé nyí huogotééllá ˈdeenyle hééllá: Múún hé ke Máá méte suoryo-, Waag ˈdúwaká karallé guchi-, uratiká ˈdaa naaniet yíéđieká ˈguo.

Héberew 8:3

Ameeny gál méte suoryo-, Waag hí hujich mé ki koyyééllá, he giri gaal hé shiicho ubaa suoryam Waag shiguoká. ˈDaa kinaallá ˈdugaka in Máá kúnnaa méte suoryóóllá úba héllé shiichoká Waag shie.

Héberew 9:11

Aalé káánaka, Kirísto hé Máá méte suoryo-, he lullé ˈdabaan-, yé ka ˈdíéllá máállé hí mé ki yaalká yie. Mu hé ˈBíl ˈbaaro-, ˈdúwa-, urati-, gálaat hí ma ˈdísiny-, lés Waag hí ka kuonnééllá ma ˈdú yaalinyká hile.