Héberew 2:16 - Fayam Midhab Yiesu Kiristoká He Hol Af Iđiny Kaanaká

¹⁶ Hé ˈduwa, mu hé gál ˈgasso-, urruká ma ˈdú ˈjeˈjeminy, mu ˈbíl íl Abiraayamo he ˈdú ˈjeˈjeme.

Héberew 2:16 ပူးပေါင်းရင်းမြစ်များ

Róóma 2:25

It gál Yuuˈdííllá, har hí hemuumurit Waaˈgiet ki ˈgiiyyaka, af kinaalka hermisankícho hé ˈdúúw ˈgayyo. Tá har hí hemuumurit Waaˈgiet ma ki ˈgiinyka, af kinaalka hermisankícho hé hermisan kátaká mán.

Galátia 3:16

Waag he af iđinyle Abirááyam ubaa umutlé he af iđiche. Warˈgat Waaˈgiet hé um ma chéen, umute he chie. Waag kieye, ˈDúˈjímchú ˈdaa umut kua he ká naata, Abirááyam chie. ˈDúˈjím hé gál burnayká ˈdaalle ma ká nannaan, ˈdaa umute he ká naata. Umut kinaallá he Kirísto.

Galátia 3:29

Itín har hí gál Kiristo kátaka, af kinaalka hí um Abiraayam, um ˈdúˈjím Waag hí Abirááyam af iđicheká aargiroká.

Héberew 12:10

Idhaamkúnno bár gáá gaaw-, múún gáál af gaa tatieká, gaal hát he taawueká in gáál af ki tatie. Tá Waag íín hé gáál ki midhabká ˈdaalle ˈdugaka in gáál af tatiyya, giri hát íín saas mánnallá muun ke gálle yegetká.

Héberew 2:15

Hatallá in mu gál kúfach siermle ki ijeká kúfach siermlé kinaal gim gáá eey.

Héberew 2:17

Héél ˈdugaka in Waag mú hát lullé nyaaramle hí ˈgieká hoyche, giri mu Waag metle Máá méte suoryo-, ˈdúwa-, geer ka guurá ˈguoká yeget-, gálaat nyuogimle ubaa ađaabanolle ewle higidhoká.

Héberew 6:16

ˈDaa gálaatka, máádhat máá hí ˈdú ˈdúwaká he ˈdoˈdodhdho. Mu máá hat kinaallóóllá ˈdodhdheka, hát he ˈduuwasuoká hé gálaat hí óg, shalal đo me haí ˈgidhe.

Bétiro Erká 1:20

Waag hátlé les ma ka kúóninyká in Kirísto galayche, bár biiy el ˈdaˈd kaanallóóllá mú lésallá ali ˈdu gáá kaayye. Hééllá ˈdaa kíchia muí ki ekey.