Héberew 2:10 - Fayam Midhab Yiesu Kiristoká He Hol Af Iđiny Kaanaká

¹⁰ Waag ííni he lulle ka kuonne-, he lulle hí ki ijóóllá hé ˈdúwáállá ekeyche: Waag Yíésu hayche, mú kúfach il hí argiyye, mú máá ˈdúwa-, gálaat hí rubach gaa aargiroká hoyche. Yíésu kúfách lééllá ˈdaalleka in Waag gál burnayká umle hođisata, Yíésu íín gáál Waag guchlé ˈdúwa-, uratiká ˈdú egedhdhe.

Héberew 2:10 ပူးပေါင်းရင်းမြစ်များ

Lúka 13:32

Yíésu gáál ˈdéé hol ˈdú nie, kieye, Sedhíe, đérích kinaallá geeyyíe, Yú kúlíchallá ubaa beríka aryáán ubaa bashamo gálaat yiem gaa ˈdeđia, burgalia in yú hújíchchú beđita, mú yiedhíe, Yíésu hí gáál yie.

Lúka 2:14

Waag Úr Iđoká gaalí meeyo, gál lesallo-, muí ˈdú iifoká hí naanná yíéđuo, gaalí yie.

Lúka 24:26

Messíya hé hééllá il hí ma aargíriny? Tá hé kinaal el ˈdaal hé guchle ma higíliny? Yíésu hí gáál yie.

Lúka 24:46

Mu gáál geey, kieye, Warˈgat Waaˈgiet hatallá gaalí gaa veere: Messíya ha gaalí yeese, tá kúlích ki seđeká sídhle hollo hí hol ˈdú naata, uushich yé hai gaa ˈdeeme.

Yuána 11:52

tá gál Yuuˈdi tákámle ma ˈdú kufuminy-, um Waaˈgiet les lulle eiy bash ki yieká úba ˈdú kufunan-, gáál hol ˈdu gáá shuguno-, gáál tikiˈd hođuoká, ta muí hélle huogodhe.

Yuána 19:30

Yíésu ˈduuny kinaal ˈbuuteká kieye, He hé đue! yie, đo mé les ki ˈdoy, sidh hí yé gaa ˈdiiyye.

He Ekeny Gál Alb Fimiká 3:15

It Máá sidh léká chies, tá Waag íín hé mú uushich yé gáá ˈdeeyche. Nyíín nyáá nyí hééllá ˈduuwle argiyye.

He Ekeny Gál Alb Fimiká 5:31

Waag hé mú gíl ˈdaallé naanietká iđisate, mú Máá Kansich-, ubaa Máá Rubachietká hoyche, giri mu gál Yisirayel fargogínt shiguo-, gaal héllé ˈdeđew-, gaa seseenká haađuo-, mú makan fafaan-, gáál muí ađaabano ubaa nyuogim gaa egewká.

Róóma 11:36

He met lulle Waago yé gáá ˈdie, ki ija, tá geđi Máállé íín hí le. Waag taalle bííyyo gaalí meemeyo! Iiy-hí, he hí hát kinaallá yeet.

Róóma 9:23

Waag hééllá ekemeychóóllá, he giri guchlé ˈdúúw ˈgayyóóllá gál he waarateká aargisichoká. Tá Waag har gálallá he gál geer guuralle aargisicho-, ubaa hí guchle higiloká hođichoka, hééllá meete ˈdeew ke gaa hogodho?

Korínto Erká 2:7

ˈDaalim nyí ˈdiyeennallá he ˈdeeny geer geđi-, Waag hí hol ki kaayye-, Waag hátlé les ma ka kúóninyká hí murate-, hí muun gáál ki ˈduuwaychoká.

Korínto Erká 8:6

Tá Waag íín hát tikiˈdeká hé ke óg. Waag kúnnaallá he ˈJaa kúnnaa he met lulle ka kuone-, muun ke ki ijoká. Héétí, Máá kúnnaa Guđoká íín hát tikiˈdeká hé úba ke óg. Máá kúnnaa Guđóóllá he Yiesu Kirísto giri he met lulle ˈdaalle Waag hí kí kuonne-, ˈdaalle múún ke ki ijoká.

Korínto ki Naamaká 3:18

Múúni lulkúnno ke Kirísto iiy yie-, kaskúnno đafar hí gaa ˈjiiyyééllá, Máá kúnnaa Guđóóllá guchlé ka edhdheyyééllá hé ke il ki aargiro, in aaléka muun gáál taalle hol gaa lalaanna, giri húgúmkúnno mú húgúmle hođichoká. Hol gaa lany kúnnaallá Máá kúnnaa Guđoká Hím Naasanlé he yé gáá ˈdeˈdeenne.

Korínto ki Naamaká 4:17

He il ká argisiny kínyaa nigini-, káána nyí gaa iđáállá in ˈduuw guđo-, biiyo-, tawuny lulle af mé gíriká nyí yé ˈdú ˈdeđicha. ˈDuuw kinaallá hé il ká argisiny-, hé káta-, mánnallá hol ma nyuoriny.

Korínto ki Naamaká 5:18

Hééllá lulle Waago hí hatallá ká kokoyyo. Waag íínííllá Kirísto ali gáá kaayye, Kirísto muun ubaa Waag gáál hol hilsie. Waag úba nyíínííllá nyí hujich shiiche, giri gálaat ubaa mu íín nyí hol higilsichoká.

Korínto ki Naamaká 6:18

Yú ˈJaakícho ha yeedhe, itín um chia yaabká ubaa um chia ˈdietká haí cheedhe, Máá Guđo Waag fargogínt lulle ˈguoká hí yie.

Galátia 3:26

Iiy yeen kíchia hí Yiesu Kirísto iiy chieká ˈdaalleka it lulkícho um Waaˈgiet chie.

Eféso 2:7

Hééllá Waag hí ekeychééllá, he giri bár ˈdaatika, Waag ˈdúˈjímle hát ˈdúˈjím lulle af mé iđoká gálaat aargisichoká. Múúni ki Kirísto hol liladhééllá Waag hát gáál ki midhabká gálaat hí argeka, Waag ˈdúˈjímlé ˈdúwáállá gálaat haí kiimita.

Eféso 3:10

Waag kasleka, ˈdaalimle hátlé met hí hol ká eiyyeká kansimano lullé urietká hí kiimisatká he feˈde. Aalé káána, gál uriet-, kansimano ˈgúóllá, ˈdaa gál Kiristoka, Waag ˈdaalimlé kinaal hai kiimita.

Kolosááya 3:4

Af giri rúbách kíchia Kirísto hol ká nannaat-, ˈduuwle ká eedheyyoká in itín úba hí luolmit kíchia biiyóóllá ˈduuwle higilla.

Tímote ki Naamaká 2:10

Aalé gál Waag hí waarateká ˈdaalle ˈdugaka, yú he met lullé mé ki chiirta, giri gaal íín úba rúbách Yiesu Kirísto hí gáál shiguo-, ˈduuwle bííyyóóllá aargiroká.

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Héberew 6:20

ˈDaakúnno ˈdugaka in Yíésu Ál Súm ˈDúwa kinaallá muun gáál met hile. Mu hát yaalmit Melkiseˈdegkáka hé Máá méte suoryo-, biiyoká yie.

Héberew 7:26

Mu he Máá méte suoryo-, muun ke hegesetká. Mu íín he máá Waag geer gaa memesuoká. Mu hé hé ˈdeeđeneyká mán, héétí mu hé ađaab níínní úba hileká mán. Waag hé lés gál ađaabano ˈgúóllá hí gaa ijóóllá mú gaa eete, mu hé he met lullé uratiká máállé hí mé ki yaalká yie.

Héberew 7:28

Hemuumurit Waaˈgiet Móshe hí gáál shieká gálaat gál méte suoryoká hoyche. Tá gál kinaallá íín hát gáláát aađaká hé đalimle ˈgie. Tá hemuumurit Móshe hí gáál ka shíéllá el ˈdaal Waag hol ˈdoote, in Inyle ˈduwayche, mú Máá méte suoryo-, biiyoká hoyche.

Bétiro Erká 1:12

Gaal fayamééllá ˈdiiyimeká Waag hé hát gaal hol hujich ma ki nannîny-, itín hí hujich kí nannieká hé gáál argisiche. Gál káána hí fayam tikiˈdééllá ki ˈdiiyimééllá hé Hím Naasan Waaˈgiet úr yé gáá ˈdiiyyeká fargogintle hí ki ˈdiiyime. Waag gállé ˈgasso-, urruká úba hééllá hol eiy gaa nannasatká hé tág fedo.

Bétiro Erká 5:1

It káru-, hí gáál hursam gaa iđáállo, yú he karsich, hát itíni. Yáá giri Kirísto manyjanyle il ki argééllá, af giri Waag ˈduuwle ka eedheyyoká yú úba he máá hí hol ˈduuw kinaal ˈgar aargiˈdoká. Aaléka, gillo yú hí ki efe,

Bétiro Erká 5:10

Aalé hí á níínni mare manyjayyeka, Waag gáál hát lulle ˈdú ˈjeˈjeenno-, hí ka viiyye-, hí Yiesu Kirísto gáá naate-, hí Waag ˈduuwlé biiyoká ka hilleká, Waag íín dhúrle haí biisicha, haí ˈdiita, far haí googonoycho, hidh haí aruanna.

Kí Edhesiny 4:11

Máá kínyaa Guđo Waag, kó ˈdúúw ˈgayyo. Guch ubaa ˈdúúw tá fargogínti, lullééllá hékú. Kuun he met lullé ká kuonne. He feditkú ˈdaalleka, he met lullé ka kuonnééllá hé biiy gaa ijo, gaalí yie.

Kí Edhesiny 7:9

Hééllá el ˈdaal yú fuˈjieká, nyésébích guđo-, túoy mán-, gálle gálaat lulle, kidh lulle, émeet lulle, ubaa af lulle yé gáá ˈdeˈdeen-, kara guchiká ubaa Élíny metle ˈgie-, gielo eegedhká fadhdhe-, kulidh gil ka ˈguoká yú arge.