Héberew 13:5 - Fayam Midhab Yiesu Kiristoká He Hol Af Iđiny Kaanaká

⁵ Haí gál kamúr ˈgar aayaˈgoká onnôny, hé hí ˈgayyoká hí gaa ˈduo. Waag kieye, Yáá gon hí ma haađiny, yáá hát níínní hí hayoká mán, he chie.

Héberew 13:5 ပူးပေါင်းရင်းမြစ်များ

Matááyo 6:19

Aaléka haí kamur guđo-, aadh ˈdaatika guur ubaa kos hí ˈdeđeneyo-, ál gaa iđoká gál buraa léká hí ˈgieˈguo-, hí buruanallá, haí lésallá ki hôny.

Matááyo 6:25

Aaléka, yú hí geeye, taalle hí les iđáállá, hé hí kokonyoká yíekaʼ, hé hí igiannaká yíekaʼ, đafaraam hí gónkícho fafaataká yíekaʼ, gerle haí gaa ˈdeđénen. Les ke gaa ijóóllá hé éíy taaka súm ˈguom ˈdú ˈdúwaká hé biiy gaa ijoká, muunîny? Héétí, gón kúnnaallá hé éíy taaka súm đafaraam ˈdú ˈdúwaká hé hegesetoká, muunîny?

Matááyo 6:34

Hé berikaká gerle haí gaa ˈdeđénen, beríka hí tákámle hol ˈdú aayaˈgiyya. Kulich lulle hé ilshle ˈgayyo, Yíésu hí gáál yie.

Márko 7:22

hol buraa, gajálti, féén, nyimisan, kern mánti, il ˈgany, máádhat méé ˈdeeneny, hol meeny, tá hol mé rími.

Lúka 3:14

Gál yuoyó-, mangis mare úba mú heete, Tá nyíín, háte nyí ˈdeenne? yie. Yuána kieye, Haí hé gálaat farguoginsano ki shugúnan, hé hódhoká úba hí gálaat a ka kâny. Birm kíchia hí símísle dhidhiˈdaká hí gaa ˈdoyyo, gáál yie.

Lúka 8:14

Ár ál híí ˈgayyoká ki okoˈdeká hélle he hát gál ˈdeeny Waaˈgiet maalo-, kor biiy hol ki sieteka, kamúr ubaa balchá, tá hé lesalloká gerle hí gaa ˈdeew-, he ˈgar aayaˈgoká. Gál kinaallá hé ˈdeeny Waaˈgiet ma ki higirany.

Róóma 1:29

Gáál saas ˈgany, ađááb, he hol ki fedíti, hé gaa nyakarichká, gajálti, nyuogich, hol oosó, ubaa hódho, tá điđám hí koch. Gaal gálaato heengʼeedhe,

Korínto Erká 5:11

Hé yú hatallá ki yieká, he kieye, haí máá hol máá Kiristo yeget-, kor herginy ađááb ˈgayyoká gaa seseme yíekaʼ, he lúl hol ki fede yíekaʼ, waagam hódhoká vivita yíekaʼ, gálaat egesheye yíekaʼ, bersh hí fafaanne yíekaʼ, buruma yíekaʼ, gál hatallóóllá haí hol ˈdônyo, yú yegedhe. Máá hatallóóllá haí úba hol ˈgar golmóson.

Korínto Erká 6:10

Héétí gál buraalléká, gál he lulle hol ki feefedoká, gál bersham hí fafaanká, ubaa gál gálaat meet ˈdeđeneyoká, tá gál gálaat he fargogínt af ki ririatká, gál hatallóóllá úba hé Guch Waaˈgiet ma higiliny.

Korínto ki Naamaká 4:9

Gálaat hé nyí maanyjasuo, tá Waag hé nyí ma hâny. Gálaat hé tág nyí gon bolmosuo, tá nyáá nyí agarsata.

Eféso 5:3

Herginy gorramká ubaa babát, tá gajált haí ˈgíiny, hemitle hé níínni úba haí yé gáá ˈdíiny, ˈdaa giri hé hatallóóllá gál Waag hí waarateká yaalmitle muuninyká.

Eféso 5:5

Hééllá hát ˈduuwawká onnóo: Máá herginy gorramká ubaa babát gaa seseenká, tá máá gajált ˈguoká, hé Kirísto ubaa Waag guchle aˈjibáát ma gaa aargiriny. Máá hé ˈdeđewallá gaa seseenká he waaglé hote.

Kolosááya 3:5

Aaléka, húgúm lesalloká, hát káána herginy gálle hol ma shúúnanká, féén ˈgany, babát ˈgany, he fedit gaa nyakaridheká, tá gajálti, hol ka ridhdhíe. Máá gajált ˈguoká hé fedo kinaallá he waagle hođita.

Tímote Erká 3:3

Mu hai máá bersh súm igianká onnôny, hai máá aˈgereká onnôny, hí máá abunaʼ-, af ka shalal mán-, birm ma geelnenyká onnow.

Bétiro ki Naamaká 2:14

Gaal aadh lulle ˈgál ˈdíét af ˈgoˈgorot-, hergisanká hol gaa ˈgeˈgedhe, gaal hé hé ˈdeđewká ekenyle ma haađiny. Gaal gál Kiristo ma hirânyká he baađisia, nyuogim ubaa ađaabano met ki kokoo. Gáál gerle he hol ki fedít gaalí onodheká hí koch. Gálallá idho Waaˈgieto he gim gaa ija.

Bétiro ki Naamaká 2:3

Gaal ˈdaa he hol ki feditleka in ˈdeem hol af tagano ki kokoo, hí nyiimita, hí he ki nannata. Tá Máá gáál ˈdéé ki iđimuo-, gáál af ki beđisatká íín kisso gáál met tág ˈdie, hé in bano.

Yúúa 1:11

Hóbá! He bá gál kinaal ki ˈdéen! Gaal hé ˈgíérích Kayinká nadhe, gaal hé hol gaa ˈdoˈdodhdhe, ˈgíérích muommo-, Balamká nadhe. Gaal hé hát tikiˈde-, mú Kóra hí Waag af đuˈduse-, Waag hí af ki beeseteká íín úba Waag af haí ki beđisata.