Héberew 13:20 - Fayam Midhab Yiesu Kiristoká He Hol Af Iđiny Kaanaká

^20-21 Aaléka, Waag Máá kúnnaa Guđo-, ˈdúwa-, wála ˈdeˈdeen-, Yíésu lé-, ˈdaa fásleka he hol af iđiny biiyóóllá ˈduwayallá uushich yé gáá ˈdeeyche. Waag ííni naanná ˈgayyóóllá hí he lullé ˈduuˈdúwaká gerkícho fiiyyo, giri hé midhab muí itín gaa fedoká hí ekemeychoká. Waag hí ˈdaa Yiesu Kiristoka gerkúnno hujich gaa naanniyyo, hí muun gál mú geer gaa memesuoká hoycho. Aaléka, kí Yiesu Kirístóóllá taalle bííyyo meemeyo. Iiy-hí, he hí hát kinaallá yeet.

Héberew 13:20 ပူးပေါင်းရင်းမြစ်များ

Matááyo 26:28

Hééllá he fás chia he hol af iđiny-, Waag ubaa gálle hí hol af iđieká ˈduuwayo-, okodmoot-, gál burnayká nyuogim ubaa ađaabano gaa egewká.

Márko 14:24

Mu gáál geey, kieye, Hééllá he fás chia he hol af iđiny-, gál burnayká ˈdaalle ki okodmootká.

Lúka 22:20

Golol he gáál gaa đueká mu geđi kulu ˈduuny vinna-, hí gaa ijeká eedhdhe, gáál geey, kieye, Kulúúllá he he hol af iđiny kaanaká. Hé hol af iđiny kaanáállá fás chia ˈdaakíchoka okodmootká ˈdaalle he ká naata.

Yuána 10:11

Yú he Máá ˈdúwa-, wála ˈdeˈdeenká. Máá ˈdúwa-, wála ˈdeˈdeenká sídhlé he wála ˈdú silmia.

Yuána 10:14

Yú he Máá ˈdúwa-, wála ˈdeˈdeenká. Yú yáá walachú óg, tá walachú íín hé ye óg,

He Ekeny Gál Alb Fimiká 13:30

Kor Waag íín hé mú sídhle hol ˈdú niiyye, mú uushich yé gaa ˈdeeyche.

He Ekeny Gál Alb Fimiká 17:31

Waag hé kúlích ˈdeeká taak koyye. Kúlích kinaallá máá muí gíl ki helieká ˈdeem hát ˈduwantiká gálaat eiy hai ki nannaa. Waag hééllá ˈduuwle hé gálaat lulle argisiche, hé máá kinaal uushich yé gáá ˈdeeyche, Báulo hí gáál yie.

He Ekeny Gál Alb Fimiká 2:24

Aalé ˈdaa giri kufach fargogint níínní he ˈguo-, mú uushich ki chichirat-, mánká, in Waag mú kúfach gaa eeyye, mú uushich yé gáá ˈdeeyche.

He Ekeny Gál Alb Fimiká 2:32

Waag hé Yíésu kinaallá loolnoyche, uushich yé gáá ˈdeeyche, tá nyíín lulkínyo nyáá nyí hé kinaallá ˈdúúw ˈdú ˈdiiyye.

He Ekeny Gál Alb Fimiká 3:15

It Máá sidh léká chies, tá Waag íín hé mú uushich yé gáá ˈdeeyche. Nyíín nyáá nyí hééllá ˈduuwle argiyye.

He Ekeny Gál Alb Fimiká 4:10

aalé itín lulkícho hééllá maaláa, gál Yisirayel lulle úba hí hééllá maalo: he ˈdaa meeny Yiesu Kiristo giri Nasaret-, máálle itín hí ˈgór đarám yaalká ˈdú chies-, tá Waag hí uushich yé gáá ˈdeeycheká in máá hí metééllá gaa yaalallá hí ki bie.

He Ekeny Gál Alb Fimiká 5:30

Yíésu giri itín hí ˈgór đarám yaalká ˈdú chieská hé Waag eshim eshimkúnno hí loolnoyche, hí uushich yé gáá ˈdeeyche.

Róóma 1:4

Inyáállá Hím Naasanle he Hím Naasan Waaˈgiet. Waag fargogintlé Inyáállá geđi ki loolnoyche, Íny uushich yé gáá ˈdeeyche. Yaalmitééllá in Waag Inyáállá hát Inyléká gáál eiy kí niiyye. Iny Waaˈgietallá he Máá kúnnaa Guđo Yiesu Kirísto.

Róóma 10:7

Gaal úba hai kieye, Mááya bííy gál kufeká mé nannaa, Kirísto les ˈdug ˈdu gáá egedhdhe? yíen.

Róóma 15:33

Aaléka, Waag kúnnaa naanná ˈgayyóóllá hí lulkícho gaa yíéđiyyo. Iiy-hí, hé hí hát kinaallá yeet.

Róóma 16:20

Waag naanná ˈgayyoká Sátan ál ˈjob hai gaa ˈdeđeneyche, mú ˈgas metkícho hai gaa igificha. Aaléka, Máá kúnnaa Guđo Yíésu hí ˈdú ˈjeeˈjeen.

Róóma 8:11

Aaléka, Hím Naasan Waaˈgiet Yíésu uushich yé gáá ˈdeeychééllá hé hí gaa iđo. Hát káána Yiesu Kirísto Waag hí geđi loolnoyche-, hí uushich yé gáá ˈdeeychééllá, gón kíchia kufunannóóllá úba mú Hím Naasanlé hí gaa iđóóllá ha muí ki loolnoyo.

Korínto Erká 14:33

ˈdaa giri Waag he máá gáál mé guuđanayoká muuniny, he Waag naannaká. Hát káána gál Kiristo lulle albano mákártaká met hí hol gaa aargiro-, Waag vivisat-,

Korínto Erká 15:15

Héétí, ˈdaa giri nyíín nyí kieye, Kirísto hé geđi luolnodhe, Waag hí uushich yé gáá ˈdeeyche, nyí chíéllá har hódho kátaka, nyiin af kinaalka Waago nyí hódho af kaayye. Tá gál kufeká uushim yiem gáá ˈdímle har hódho kátaka, af kinaalka Waag hé Kirísto uushich yé ma gáá ˈdéeny.

Korínto Erká 6:14

Waag Máá kúnnaa Guđoká geđi loolnoyche-, uushich yé gáá ˈdeeychééllá, in fargogintle úba muun gáál uushim yiem kí ˈdeđicha.

Korínto ki Naamaká 13:11

Aaléka, nyaaramchú, ger hí gaa meet, hiráa, gúóf ˈgáa, kas tikiˈdeká ˈgáa, hol naanná ki yíéđía. Waag kúnnaa gielmít ubaa naanná ˈgayyóóllá hí gaa yíéđiyyo.

Korínto ki Naamaká 4:14

Nyiin nyí fayamééllá ˈdiyeennóóllá he ˈdaa giri Waag Máá kúnnaa Guđo Yíésu hát uushich yé gáá ˈdeeycheká nyí ógká. Hát tikiˈde Waag Yíésu uushich yé gáá ˈdeeychééllá in úba muun gáál uushim yiem gáá ˈdeđicha. Nyiin ubaa itín hát gáál metle gaa iđimisatoká nyí og.

Galátia 1:1

Yú he Báulo, máá ali gaa kaany-, gálaat, muuninyka, máádhat hí ali ma gáá káany-, Yiesu Kirísto dhúrle ubaa ˈJaa kúnnaa Waag Yíésu uushich yé gáá ˈdeeyká hí ali gáá kaayká.

Eféso 1:20

muí Kirísto uushich yé kí ˈdeete-, mu Kirísto gíllé ˈdaa naaniet-, uratiká iđiteká.

Filíbi 4:9

Hé hí ye gaa maalle-, hí ye gaa argiyyeká ubaa hé hí ye gaa onnoteká, eekemeyyíe. Hééllá hí ekemeychoka, Waag naanná ˈgayyoká taalle hollo hí hol ˈgayya.

Kolosááya 2:12

Héétí hát káána Kirísto kufe-, gaalí galie, uushich yé gáá ˈdíéllá, itín úba bie gim hí naateká, it kuyye, hí uushich yé gáá ˈdiiyye, hí luolmit kaanaká argiyye. Hééllá lulle ˈdaa iiy yeen kíchia hí fargogint Waaˈgiet ká ˈgayya-, Waagle Kirísto uushich yé gáá ˈdeeycheká he ká nadhe.

Dhesaloníke Erká 1:10

Gaal íín úba hát itín hí Waag Inylé uushich yé gáá ˈdeeyche-, Yíésu lé-, úr gáá yiimet-, hí met egetóóllá he hogodho. Waag Iny lééllá muuni gáál idho Waaˈgiet geđ igiˈdóóllá gáá bibisia.

Dhesaloníke Erká 5:23

Waag naannaká dhúrle hí gál iđiny ˈdúwa-, Waaˈgietká ki ijoká hoycho, hí tawunykícho ubaa sidhamkícho tá gónkícho hát ˈdabaanká chirat, giri Máá kúnnaa Guđo Yiesu Kirísto ká ˈjieka hí ˈdeensen mánká.

Dhesaloníke ki Naamaká 3:16

Máá kúnnaa Guđo naanná hí yé gáá ˈdeˈdeennoká dhúrle hí itín yaalmisano lulle naanná gaa shiiguo, mu lulkícho hí gaa yíéđuo.

Héberew 10:22

ha ke geerka ˈjakarany ˈgíiny, kí iiy yeen ˈduwantiká ˈguo, kí Waag met siet. Kirísto hé gáál fásle ki ˈdoy, saas ke óg-, ke ˈgíéllá hé gáál gaa dhiire, héétí mu hé gónkúnno bíé midhabká ki ˈjie.

Héberew 10:29

Aaléka háte hí dhaayche? Máá Iny Waaˈgiet eesheyo-, he hol af iđiny fáslé hí dhiireká hé aađa-, ˈdúúw mánká ká dhaˈgasan-, Hím Naasan Waaˈgiet ˈdúˈjím ˈgayyoká méé ˈdeđeneyoká, máá hat kinaallóóllá hé il hí aargiˈdoká kor hát ˈdáb aake?

Héberew 9:20

kieye, Hééllá he fás he hol af iđiny-, hemuumuritle Waag hí itín ki muˈdeká, muí gáál yie.

Bétiro Erká 1:21

Itín Kirísto ˈdaallé hí Waag iiy ki chie, ˈdaa giri Waag Kirísto uushich yé gáá ˈdeeyche-, Kirísto ˈduwaycheká. In káána hí iiy yeen ubaa ˈdúúw Waag ká ˈgayya.

Bétiro Erká 2:25

Itín érléká hát hí wala eiy bađayká, kor káána it Máá sidhamkícho ˈdeˈdeen-, sidham in gaa yaalká hol ˈdu gáá naate.

Bétiro Erká 5:4

Aalé gál gál Kiristo ˈdeˈdeenká Máállé hí mé ki yaalká hol ká nadheka, itín hé shiicho Waaˈgiet ˈdúúw ˈguo-, taalle bííyyo-, el met hí ma ˈgiˈginká haí aargiˈda.