Héberew 13:16 - Fayam Midhab Yiesu Kiristoká He Hol Af Iđiny Kaanaká

¹⁶ Hé midhabká hí hol ki ekemeychoká ekenyle haí hâny. He ekeny hatallóóllá he hé shiicho-, ke Waag shiguo-, Waag geer gaa memesuoká.

Héberew 13:16 ပူးပေါင်းရင်းမြစ်များ

Lúka 18:22

Aalé Yíésu héél maaleká mú geey, kieye, He tikiˈd tákáma hátle ko gaa laʼ. He lullé kua ˈgayyoká mádish, birmle gál he maamanká eiy gis, hát kinaallá in kamúr úratíá gaa aargiˈda, tá káde, ye el gáá véer, Yíésu hí mú yie.

He Ekeny Gál Alb Fimiká 10:38

It Yíésu Nasaretká hát Waag hí Hím Naasan Waaˈgiet ubaa fargogínt ˈdu gáá leesicheká it óg. Waag hé mú hol ˈgie, giri mu hol gaa seseme-, hé midhabká ekemey-, mu gál kídhích kúnnaa giri Sátan léká hí he ki ekemeycheká úba lulle bibisieká.

He Ekeny Gál Alb Fimiká 9:36

Aalé Yóóba álle min lali Yiesu-, gaalí Tabídha yegie mare hí gaa iđe. Min meenylé kinaallá af gál Hellenka ˈDórkaso gaalí yeedhe. (Tabídha tá ubaa ˈDórkas hélle kieye, Ginte.) Min aadh lulle hé midhabká gálaat ki ekemeyche, gál he maamanká he shigiche.

Róóma 12:13

Gál Kiristo he hí ki ˈgierˈgernítaka he shiigía, héétí gáláát hí kí faanká mé guđáan yiegedhíe.

Galátia 6:10

Aaléka, har taalle ki hát ˈguoka, gálaat lulle kí hé midhabká ki eekemeyo, tá súm nyaaram kúnnaa Kiristoká kí ˈdú ˈjeeˈjeen.

Galátia 6:6

Máádhat gálaat ˈdeeny Waaˈgiet oonisuoka, gál muí he oonisuo kinaallá hí mú símísle hol ˈdú naannuo, gaal héllé ˈdabaan-, ˈguoká lulle ha muí gaa ˈdábiny.

Eféso 4:28

Máá burumeká hai geđ buráany, hí hújích he gaa aargiroká gil gerle ki naannuo, giri gál he maamanká úba he shiguoká.

Filíbi 4:14

Tá hé ye ki ˈgeeˈgerneyká hát hí ye yiir kí chirateká hé tág midhab.

Filíbi 4:18

Káána hé shiichokícho Ebafuroˈdíto hí ye ˈdu gáá sidheká, yáá hé ye ki ˈgeeˈgerneyká lulle arge, tá ití ye hé éíy burnayká úba af ˈdú fiiyye. Hé shiichokícho he suor usiyyo-, Waag hí iiy cheget-, Waag geer gaa memesichoká.

Dhesaloníke Erká 5:15

Máádhat hai hé ˈdeewká héllé ˈdeewká akaˈd madîny, tá aadh lulle hé midhabká hol ki eekemeyyíe, gálaat lulle hé midhabká úba ki eekemeyyíe.

Dhesaloníke ki Naamaká 3:13

Tá it nyaaram kínyaallo, hé midhabká ekenyle haí ˈgorosîny.

Tímote Erká 6:18

Gáál géesh, gaal hí hé midhabká eekemeyo. Hé midhab gaalí eekemeyóóllá hí hé burnayká yeet. Gaal hí ger gaa ˈdabanaw, gálaat héllé hí ki ˈgierˈgereká úba ˈdú chiichirat.

Fílemon 1:6

Yáá Waag vivisat, giri kuun ubaa gál iiy yeen kuun hí Kirísto ka ˈgayyóóllá ˈgúóllá he lullé ˈdabaan hí Waag gaa argiyye-, hí Kirísto ki ˈduuwaycháállá hí eiy nannasato-, giri hol chiran kíchiallá farguogoyyoká.

Héberew 6:10

Ta Waag hé máá hé ˈdúwaká ma ekemenyká muuniny. Hújích mú ˈdaalleka hí nanniyyeká ubaa gielmit hí mú argisiche-, giri hí mú gálle yiir gaa chichirate-, tá hátle káána úba hí gáál yiir gaa chichiratóóllá hé hí in ma ká baađany.

Yuána ki Seđeká 1:11

Shééléch, ha hé ˈdeđewká eníminy, hé midhabká tákámle eenímo. Máá hé midhabká ekemeyoká he máá Waaˈgiet. Tá máá hé ˈdeđewká ekemeyoká hé Waag muog.