Héberew 13:1 - Fayam Midhab Yiesu Kiristoká He Hol Af Iđiny Kaanaká

¹ Hát gál hol ki đalidhekáka hol ka geelnée.

Héberew 13:1 ပူးပေါင်းရင်းမြစ်များ

Yuána 15:17

Hé yú hí kí mureká hééllá: Hol geelnedhíe, Yíésu hí gáál yie.

He Ekeny Gál Alb Fimiká 2:1

Kúlích ˈjila Bentekos ali kí ˈdiiyyeká gál alb fimi kinaal lulle ˈbíllo he gaa ije.

He Ekeny Gál Alb Fimiká 4:32

Gál Yíésu iiy yieká lulle ger ubaa kas hí tikiˈd yie. Hé máá níínní shókódíchle hol bal ki ˈdarameká mán, gaal shokodaamlé ˈgieká lulle hol ki liledhe.

Galátia 5:13

Nyaaramchú, itín mé furinyo Waag hí kí viiyye. Tá mé furitkícho haí kár giri hí balt gón kíchia gaa nyakaridheká ki geymisichoká hôny, hí mé furit gálle hol giel-, hol he ˈdú chichiratká onnoyyo.

Galátia 5:22

Hím Naasan Waaˈgiet saanolle he gielmíti, geer gaa meen, naanná, he ˈdú faafaan, geer guurá ˈgany, geer gaa midhánti, af ˈduwany,

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Eféso 4:3

ˈDaa giri Hím Naasan Waaˈgiet lulkícho hí gaa iđoká, hát ˈdabaanká laađamíe, hol af maaláa, naanná hí yaalmit kíchia hí hol ki iđaká tikiˈd hoycho.

Eféso 5:2

Hát Kirísto múún gáál giel-, gáál sídhle ˈdú sillie-, hol suor hoy-, suor kinaal hé shiicho ussaká Waag ki hoyká, itín úba gielmit hatallóóllá ˈgáa.

Dhesaloníke ki Naamaká 1:3

Nyaaramkínyo, ˈdaakíchoka aadh lulle Waag gielmít nyí hol ˈdú nanniyyoká taglé. Waag nyí gielmít hol ˈdú nanniyyáállá, he ˈdaa giri iiy yeenkícho súm higirayyo-, gielmit hí hol ká ˈgayyaká úba súm guuđanatallá.

Héberew 10:24

Ebá kí hol met ká ˈguo, giri ke hol gogofsuo-, ke gielmít ˈguo-, ke he ekeny midhabká ekemeyoká.

Bétiro Erká 1:22

Aalé ˈdaa giri ˈdeeny ˈdúwa-, Waaˈgietallá hí el gaa veeˈdeká, in hí hol saas ká riate, in káána nyaaramkícho hí gielmit ˈdúwaká hol ká ˈgayya. Gielmit geer geđiká hol ki geelnedhíe.

Bétiro Erká 2:17

Gálaat lulle gál ˈdúwaká ka dhaayyíe, nyaaram kíchia Kiristoká geelnedhíe. Waag kiikiadhíe, máá les mé ki yaalká úba máá ˈdúwaká ka dhaayyíe.

Bétiro Erká 3:8

Aaléka, lulkícho kas tikiˈde-, naannaká ki yíéđía. Ger kurshám ubaa gielmit gál hol nyaaramká hí hol ka ˈguoká ˈgáa. Héétí ger guurá ˈgany ubaa hol ˈdúúw rím ˈgáa.

Bétiro Erká 4:8

Hé súm ˈdúwaká hééllá: Hát ˈdabaanká hol geelnedhíe. Hééllá he ˈdaa giri gielmít hé burnay-, ˈdeđewká gíl sug ki haađichoká.

Bétiro ki Naamaká 1:7

húgúm Waag hí feˈdoká geer gaa midhánt ˈdú chiˈdíe, geer gaa midhánt gielmít ˈdú chiˈdíe.

Yuána Erká 3:23

Aalé Waag hemuritle hééllá, giri ki mú Inylé Yiesu Kirísto iiy yegetká, héétí hát giri muí gáál kí mure-, hol geelnedhíe, muí yieká ki hol geelnetká.

Yuána Erká 4:20

Har máádhat kieye, Yáá Waag giel, yeget-, kor nyárle nebítaka, máá kinaallá he máá hódholléká. Máá nyárlé il ki argoká ma geelnenyká, hé hát níínní Waag he il ma ki árginyká gielká mán.

Kí Edhesiny 2:4

Tá hé yú hí ˈdú ˈdeenteká hééllá: It gielmit hí er ˈgayyeká hayche.