Héberew 12:28 - Fayam Midhab Yiesu Kiristoká He Hol Af Iđiny Kaanaká

²⁸ Aaléka, ˈdaa giri muun ke guch biiyo-, ma motominyká higiloká, kí Waag gielmít hol ˈdú naanuo, hát mú kian ubaa mú ˈduuwle ónyiká kí mú hújíchle naanuo.

Héberew 12:28 ပူးပေါင်းရင်းမြစ်များ

Matááyo 25:34

Aalé mu ííni Kansich kinaallá wala hí gíl ˈdaa naaniet ijoká hai geđia, kieye, It ˈJaachú hí ˈdú ˈguunumééllá ka yimedhíe, guch af giri ˈJaachú les ka kuoneká muí itín tág kí koyallá ka hiláa.

Lúka 1:33

Mu taalle bííyyo ˈbíl íl Yakobo mé ki yaalla, mú guchle hé a mé mán, muí María yie.

Róóma 11:20

Iiy-hí, hééllá taglé. Tá onnóo! Waag kolm alb gaa muˈdééllá he ˈdaa giri gaal Kirísto iiy ma yéenká. He ˈdaa giri itín hí Kirísto iiy ki chieká in Waag hí alb kinaallá gaa kuokoyye. Aalé haí hol memêny, Waag kiikiadhíe.

Eféso 1:6

giri mú ˈdúˈjímlé-, ˈdúwáállá taalle ke mú ki memeyoká. Waag ˈdúˈjímlé-, múún gáál ˈdú ookodmichóóllá mú inylé galaamká ˈdaallé muí muun gáál ki shie.

Eféso 5:10

Hé Máá kúnnaa Guđoká geer gaa memeyoká hol gaa ˈgeeˈgedhée, eekemeyyíe.

Filíbi 4:18

Káána hé shiichokícho Ebafuroˈdíto hí ye ˈdu gáá sidheká, yáá hé ye ki ˈgeeˈgerneyká lulle arge, tá ití ye hé éíy burnayká úba af ˈdú fiiyye. Hé shiichokícho he suor usiyyo-, Waag hí iiy cheget-, Waag geer gaa memesichoká.

Héberew 10:19

Aaléka, nyaaramchú, fás Yiesu ˈdaalleka muun Ál Súm ˈDúwa-, Kiato uratíítíá hát sierm mantiká ke higila.

Héberew 13:15

Aaléka, Yíésu ˈdaalle ˈdugaka, meeny ke Waag memeyoká hí hé shiicho ke taalle Waag shiguoká yeet. Muuni ke kieye, Muun Yíésu ke el gaa igira, ke yegetallá, meeny ke Waag memeyo kinaallá hí hé agerkúnno yé gáá ˈdeˈdeenká yeet.

Héberew 3:6

Kirísto íín he Iny Waaˈgiet, máá Waag umle hát ˈdabaanká mé ki yaalká. Múún íín he ke um Waaˈgiet. Hé kinaal har muun ke hé ki ˈduuwle óg-, ke hol bal ki ˈdaraan-, ke met egessóóllá hát ˈdabaanká ke ki yaalka.

Héberew 4:16

Aaléka, kí Waag karallé kansimo-, álle ke ˈdúˈjím gaa aargiroká hát sierm mantiká ˈdú siet, giri muun ke Waag geer guurá ubaa ˈdúˈjím gaa aargiro-, tá Waag aleđugul giri tagléká muun gáál gíl kí helmichoká.

Héberew 5:7

Bár giri Yíésu les ˈdug ˈdú ijeká mu hé Máá fargogint gálaat kúfach gáá bibisichoká ˈguoká gil ki egefe, hé mú af gaa guđoká ki vivite, imiro ˈjiibie. Tá ˈdaa giri mu Waag kian ka ˈguoká mú hé Waag hí af maalle.

Bétiro Erká 1:17

ˈJaa kúnnaa úr ijo-, hí vivisatáállá hát máá níínní ˈdú ˈdíínian-, mánká it óg. Mu he lullé gálaat hí ekemeyoká eiy hai nannaa. Aaléka, itín yíéđiny mé gaaw-, hí les ˈdug ˈdú iđáállá mú gaa kiikiadhíe.

Bétiro Erká 2:20

Har káána hé ˈdeđew-, hí ekeycheká gaalí gaa tutuno-, kor hí mé ki chirsataka, gálaat kín haí meeye? Tá hé ˈdúwaká hí ekemeycho-, he il hí gaa aargiˈdo-, hí mé ki chichirsataka, húgúm hát kinaallóóllá innum Waaˈgietka taglé.

Bétiro Erká 2:5

itín úba hát hí waar luogol-, Waag hí ˈbílle ki ˈdiˈdisatoká. Itín úba hí Waag gállé suoryo-, Waag hí taak koote-, suor kíchia hodhinne-, hí Waag shigichoká ˈdaa Yiesu Kiristoka Waag hí met gaa egeetoká.

Kí Edhesiny 1:6

Mu hé muun gáál gugúch koy, gáál gál mú ˈJaallé Waag hujich ki nannuoká hoy. ˈDuuw ubaa gúch taalle bííyyo hí mú hélle yeet. Iiy-hí, he hí hát kinaallá yeet.

Kí Edhesiny 15:4

Máá Guđóóllo, kúún tákáma saas man, mááya ko ma kikian, meenykú ma memeny? ˈDaa giri he ekeny kua ˈdúwa-, ka edhdheyyééllá, kidh met lulle hai ká yiimedhe, met les kurram hai ko gaa ˈdarama, gaalí yie.

Kí Edhesiny 5:10

Tá kó gálallá gál guchkú léká ubaa gál Waag hujich ki nannuoká hoyche. Gálallá lesso he gaa mumura, aar hí yie.