Héberew 12:25 - Fayam Midhab Yiesu Kiristoká He Hol Af Iđiny Kaanaká

²⁵ Hol ˈdeeˈdemíe. Haí Waag ˈdéé hogotóóllá af đíiny. Gaal af giri máá hí Waag ˈdeenyle lésallá gaa shigieká af điidheká hé he il hí argiyye. Tá muun har ke Waag úr ˈdéé gáá hogoto-, gáál geđichóóllá ke el af gaa tameka, af kinaalka he ˈdaab máre il hí gáál aargiˈda?

Héberew 12:25 ပူးပေါင်းရင်းမြစ်များ

Matááyo 17:5

Aalé mu hátle ˈdéé af ká ˈgaa, nyáˈdów édh gogoká gáál buanne, gaal ˈdéé hót nyáˈdow gáá ˈgisate-, kieye, Hééllá he Iny chia yú giel-, ye geer gaa meeyká. Mú af nee kóo, chieká maale.

Matááyo 8:4

Aaléka, Yíésu mú geey, kieye, Hééllá ha máádhat géeny, tá sí, máá suoryoká hol argísish, suor Móshe hí gálaat geey-, máádhat fayandheka máá suoryoká hí ki ˈgaˈgaloká éew, muí ko ki ˈgalo, gálaat kuun hát fayanteká hí argo, mú yie.

He Ekeny Gál Alb Fimiká 7:35

Hééllá Móshe tikiˈde giri gál Yisirayel hí điidhe-, gaal kieye, Mááya ko nyí máá arra-, nyí mé ki yaalká hoy? gaalí yieká. In Waag Móshe kinaal yaalmit máá ˈgasso-, urruká yé ˈdu gáá ˈdiiyye, ˈgór hurt gaa boloyye. In aaléka mú gállé Yisirayelká ali ˈdú kaayye, giri mu gáál ririan-, gáál lés Misirayim yé gáá ˈdeđuo-, gáál mé ki yaalká.

Dhesaloníke Erká 5:15

Máádhat hai hé ˈdeewká héllé ˈdeewká akaˈd madîny, tá aadh lulle hé midhabká hol ki eekemeyyíe, gálaat lulle hé midhabká úba ki eekemeyyíe.

Tímote ki Naamaká 4:4

Gaal hé ˈdúwa-, Waaˈgietallá nee konyle hai điidhma, hibano đeemo-, lesietká bala hai ˈdú nannaa.

Héberew 1:1

Waag héle kissóótíá hát burnayye-, met hí hol ká eiyyeká eshim eshimkúnno ˈdeemano shigiche. Waag ˈdeemlééllá gál muí ˈdeem ka shigieká ˈdaallé he ká nanadhe.

Héberew 11:7

Nówa iiy yeenle ˈdaalleka in kádích hí ˈbíl geerle ririanká ˈdisse. Kadich muí ˈdissééllá he ˈdaa giri hé kálta gálaat hí ma árginyká hát ka yiimetká Waag hí mú geeyche-, mu Waag af iiy yie-, Waag hát mú gaa feˈdeká muí el gaa veereká. Hé Nówa hí ekeyallá hé gál lesalloká ˈdeente. Aalé Nówa iiy yeenlééllá ˈdaalleka in Waag mú máá ˈdúwaká chie.

Héberew 12:19

It ál faˈd shímle ubaa ˈdéé hót hí yé gáá ˈdeˈdeennoká ma ˈdú gáá chímen. Af giri gál Yisirayel Waag ˈdeenyle Gúm Sanai yé gáá ˈdeˈdemeká maaleká, gáál sierm hí faanne, gaal Móshe gil ki efe, giri Waag geđi gáál ma ká geđinyká.

Héberew 3:12

Aaléka, nyaaramchú, hol ˈdeeˈdeemíe, itín máádhat hai geer gaa nyakarich-, máálle Waag bííyyo ali iđóóllá haađuo-, iiy ma yegenká ˈgíiny.

Héberew 3:17

Gálya Waag warram tomonaam afur gaa idhansie? Gaal hé gál ađaabano hile-, ˈbakat álle ki kufumeká muunîny?

Héberew 8:5

Gál suoryóóllá ˈbíl he hujich gaa nannuoká ubaa hújíchlé nannuoká hé úr gaa ijoká he hol ki ekenyle ubaa yaalmitlé he ká yaalla. ˈDaa kinaallá ˈdugaka in af giri Móshe ˈBíl ˈbaaro Waaˈgietká ˈdiˈdiseká Waag hí geeyche, kieye, ˈBíl chia ye kí ˈdiˈditóóllá yaalmit lulle yú ko gúm álle kí edhesieká tákámle kí ˈdis, chie.

Bétiro Erká 1:22

Aalé ˈdaa giri ˈdeeny ˈdúwa-, Waaˈgietallá hí el gaa veeˈdeká, in hí hol saas ká riate, in káána nyaaramkícho hí gielmit ˈdúwaká hol ká ˈgayya. Gielmit geer geđiká hol ki geelnedhíe.

Kí Edhesiny 19:10

Aalé yú đo mú ˈgas met les kurram gaa ˈdoy, giri mú memeyoká, kor mu đo ye geey, kieye, Ha hééllá ekêny! Yú he gedech, hát kúún ubaa nyaaram kua giri Yíésu ˈduuwle hogodho-, tá ki ˈgieká. Waag tákámle méémesh. ˈDeeny Hím Naasan Waaˈgiet hí gálaat shigichoká he Yíésu ˈduuwlé.

Kí Edhesiny 22:9

Kor mu ye geey, kieye, Ha hééllá ekêny! Hát káána kúún ubaa gál kua nyaaram-, Waag hí ˈdeem ka shigichééllá ubaa gál warˈgatééllá ˈdeenyle iiy yie-, el gaa igiróóllá hí Waag gede lééllá, yú úba he Waag gédéchlé. Waag tákámle méesh, yie.