Héberew 12:23 - Fayam Midhab Yiesu Kiristoká He Hol Af Iđiny Kaanaká

²³ It Waag gállé guch um erká aargiro-, meetle Waag hí úr gaa veeˈdeká hol ˈdú faanne. It Waag gálaat lulle hol eiy gaa nanniyyo-, ubaa sidham gál Waag hí ˈduwayche-, ur Waaˈgiet hileká ˈdú gáá chimie.

Héberew 12:23 ပူးပေါင်းရင်းမြစ်များ

Lúka 10:20

Tá aryaan hí met gaa kiiyyééllá gerle súm haí gaa méen. Hát meetkícho Waag hí úratí gaa veeˈdééllá ˈdaalle ki geyyée, Yíésu hí gáál yie.

Yuána 5:27

Hé úba Íny hemurit máálle gálaat ˈdéé ki iđimuoká shie, ˈdaa giri Iny he Iny Máádhatká.

He Ekeny Gál Alb Fimiká 20:28

Mu geđi gáál geey, kieye, Hol ˈdeeˈdemíe, gál Kiristo lullé Hím Naasan Waaˈgiet hí mé ki koyyééllá úba ˈdeeˈdemíe. Hát máádhat hí aanyle ˈdeˈdeenká Máá Guđo Yíésu gállé he fásle ká hidhdheká lulle hát tikiˈde kinaallá ˈdeeˈdemíe.

Korínto Erká 13:12

Hé káána ki argóóllá, he hát síbíl gaa boorochká ke he ki dhaˈgasan, tá bár ka chimetóótíá he lulle hát ˈdabaanká il ha ke ki aargira. Hé yú káána ógallá yáá tagano muog, tá bár ka chimetóótíá hát tikiˈde Waag ye alúl ógallá, hé kinaallá hát ˈdabaanká eiy ha yú naata.

Korínto Erká 15:49

Hát yaalmit máá Waag hí eeˈd tág gaa niiyyééllá yaalmitle káána ke ˈgúóllá, in aadh ˈdaatika, Máá úr gáá yimíéllá yaalmitle ke kaadhdha.

Korínto Erká 15:54

Af giri gón kúnnaa kufunanno-, mooˈdoyyóóllá gón ma kufuminy-, ma mooˈdonyká cheget-, ke gál ma kufuminyká yegetká, af kinaallá hé Warˈgat Waaˈgiet hí hoteká hai ˈduuwaa, giri kieye, Kúfach oosle hé Waag hí el mé ˈgidhiche, chieká.

Korínto ki Naamaká 5:8

Nyiin góf guđoká nyí ˈgayya, tá onnônyka hát nyí feˈdoká, gón kínyaa lokoolomallá nyí yíé gaa ˈdiiyye-, nyí éget Máá kúnnaa Guđóóllá mé niiyyeka kalat.

Eféso 1:22

Aaléka, Waag hé he met lulle Kirísto kansimle gim gaa iđiche, hé mú he met lullé gál Kiristoká mé ki koyye.

Filíbi 4:3

Iiy-hí, kó ˈdúwa chia-, hújíchalka, ke hol ˈdú famééllo, ha yú ko ruogone, ˈdaa giri ˈdegééllá Fayam Midhaballáka nyí hol ˈgar laađaanneká, ˈdég ˈdú ˈjeeˈjémo. ˈDegééllá ubaa Keleménto tá gál éíy taaka-, meetle warˈgat luolmitiká gaa ijóóllá hujicho nyí hol ˈgar nanniyye.

Kolosááya 1:12

ˈJaa kúnnaa Waag gielmít hol ˈdú naannáa. Mu íínííllá hé hí ˈduway, giri hé muí gállé mú édhúmle gaa ijoká muí af iđieká itín úba hí gáál hol ˈgar liiletoká.

Kolosááya 1:24

Aalé káánaka, manyjany chia ˈdaa kíchoka, il hí ye aargiˈdóóllá geerle hé ye gaa meedhe. Manyjany chia ˈdaa Kiristoka gónchú hí aargiˈdo-, kor ˈbaal hátle ye met gaa iđo-, il hí ye aargiˈdoká ˈdaa gón Kiristo he ki taalla. Gón Kiristóóllá he gál Kirísto iiy yieká.

Tímote Erká 3:5

Máádhat har ˈbíl geerle tág chiranle hí ká adhateka, mu háteeye gál ˈbíl geer Waaˈgiet ˈdeˈdeme?

Héberew 11:4

Ábel iiy yeenle ˈdaalleka in héllé shiicho Waag shieká hé Káyin hí Waag shieká ˈdú ˈdúwa. Tá mú iiy yeenle ˈdaalle ˈdugaka in Waag mú máá ˈdúwaká chie, mú héllé shiicho kinaal iiy chie. Har Ábel úba kis mán yieka, mu hé iiy yeenlé kinaal hátle ˈdéé kí hogodho.

Héberew 11:40

Waag hé muun gáál hé ˈdúwaká kí tawuyye, giri muun ubaa gaal íín Waag gáál hol ˈgar ˈduuwasicho-, lulkúnno ke lés uratiká hol ˈgar higiloká.

Héberew 2:12

hát káána mu ˈJaalle geey-, kieye, Yú meenykú nyaaramchú met ha gaa ˈdiyime, gálkú hurtle arram ha yú ko ki meeye, muí yíéllá.

Héberew 9:27

Aaléka, máádhat a tikiˈd tákáma he ki kufuma, tá hé kinaal el ˈdaalka hé ˈdéé ki iđiny hí egeto.

Yákob 1:18

Waag hát muun gáál ki feˈdeká in ˈdeeny ˈdúwáállá gáál ˈdalmaat kaanaká gáá shiiche, giri múún he lullé muí les ká koyká ki saanollé erká yegetká.

Bétiro Erká 2:23

Mú gaalí chaachareká, mu hé chaarim chaarim agim nieká mán, mú he il hí argiyyeká, mu hé gáál ma suurˈgâny. Hé kinaallá lulle hé muí Waag gáál ˈdéé ki iđimicho-, gáál ˈdéé hát ˈdabaanká eiy kí nanniyyóóllá ˈdú hay.

Kí Edhesiny 13:8

Ameeny gál les ˈdug ˈdú ijo-, meetle Waag hátlé les ma ka kúóninyká Waag hí Élíny gaalí yieská warˈgatlé luolmitiká ma gaa véérinyká binich met les kurram hai gaa ˈdarama, binich hai meeye.

Kí Edhesiny 14:4

Gálallá he gál hé Waag hí ma fedinyká hol ká ridhdhe-, Waag bala ˈdú nie-, Élíny el gaa igiro-, Eliny állé seseenká mé nannuo-, Waag hí yiate-, Waag hí gál lesietká gáá shuunate-, giri Waag ubaa Élíny saanollé erkobká yegetká.

Kí Edhesiny 20:15

Aalé ameeny máá meenyle Waag hí warˈgat luolmitiká ma gaa véériny-, warˈgát gaa mánká bás ˈjieteká Waag hí ki layye.

Kí Edhesiny 6:11

Gálallá đo Waag hí gielo eegedhká eiy taat shiiche, Waag hí geeyche, giri gaal á níínni mare yíéđian-, ˈdaab gáál nyaaramlé-, Kiristo-, les gaa ijo-, hát gaal íínka gede Waaˈgietallá ˈdáblé gaalí gaa yegeská úba gaalí ma gaa yíésinyká.

Kí Edhesiny 6:9

Aalé Eliny kat tiiyaká katlé ki chenká sillieká kúb suoryoká gimle gál ˈdaa ˈdeeny Waaˈgiet ubaa ˈdéé ˈdiiyiminyle ˈdugaka gaalí yieská sidhamle yú gaa arge.