Héberew 12:22 - Fayam Midhab Yiesu Kiristoká He Hol Af Iđiny Kaanaká

²² Gúm kinaal afleka, it aalé Gúm Siyon álle Waag ali iđóóllá ˈjienlé Yerusalem urietallá hí gaa ˈgíéllá ˈdú gáá chimie. It gál ˈgasso-, urru-, Waaˈgiet-, giri shíí shíí-, nyésébíchle ger hí gaa meedheká úba ˈdú gáá chimie.

Héberew 12:22 ပူးပေါင်းရင်းမြစ်များ

Matááyo 16:16

Símon Bétiro kieye, Kúún he Messíya, Iny Waag bííyyo ali iđoká, yie.

Matááyo 5:35

Haí les ˈdóon, les he kara Waag hí ˈgasle ˈdú kokoyyoká. Haí Yerúsalem ˈdóon, Yerúsalem he ény Kánsích kúnnaa Guđoká.

Róóma 11:26

Ebá gál Yísirayel hát lulle Waag hí rubach shigichoká yú hí ká geeye, hát káána giri Warˈgat Waaˈgiet hí hote-, kieye, Máá gálaat rianká Síyonno yé gáá ˈdeeme, mu ˈbíl íl Yakob Waag điinle yé hai gáá ˈdeđia.

Róóma 9:26

Hoséya úba hé veereká kieye, Ál Waag hí gáál gaa geeyche-, Waag kieye, Itín it gálchú muuniny, muí gáál yieká, ál kinaal gál hí gaa ijoká Waag haí geđicha, Waag kieye, Itín he um Waag bííyyo ali iđoká, ha muí yegedhe, Hoséya hí yie.

Galátia 4:26

Sáára íín he hát ˈjien Yerusalem urru-, gálle hemuumurít gim gaa láká. Muun ke ˈjien kinaallá umlé.

Eféso 2:19

Aalé itín káánaka, it gál eiy ubaa gál gálkínyo muuninyká muuniny, it gál Waaˈgiet hol ˈdú faanne, hí gál ˈbíl geer Waaˈgiet chie.

Filíbi 3:20

Tá múún égetkúnno he úratíá. Múún hé ke súm Máá Rubachiet ur kinaal gáá yiimetká met egeso. Máá kinaallá he Máá kúnnaa Guđo Yiesu Kirísto.

Dhesaloníke Erká 1:9

Gaal íín ˈdaakínyoka hát ke hí kí fame-, hí waagam hódhoká gil sug ki hayche-, hí Waag ali iđo-, ˈdúwáállá el gaa igiˈdoká fayamlé he hogodho.

Tímote ki Naamaká 4:18

Máá kúnnaa Guđóóllá he met lullé ˈdeđewká ha ye gáá biisia, mu Guchlé Uratiká naanná hai ye egee. Mú taalle bííyyo, gálaat hí meemeyo. Iiy-hí, he hí hát kinaallá yeet.

Héberew 10:31

Máádhat Waag bííyyo ali iđóóllá idholle af ˈjeˈjeenká hé tág ˈdeew!

Héberew 11:10

Abirááyam ˈjien geđ igiro-, el mé ˈguo-, biiyoká he met egese. ˈJien kinaallá máá hí ˈguanle óg-, hí ˈdiˈdisoká he Waag.

Héberew 11:16

Gaal lés lésal ˈdú ˈdúwa-, uratiká hé ˈdú lađame. ˈDaa kinaallá ˈdugaka in Waag gaalí gáál Waagle yegetallá kern hí ma ˈgiˈgin. Gáál Waaglééllá hé gáál ˈjien biiyo-, uratiká ki ˈdite.

Héberew 13:14

Lésalláka hé ke ˈjien bííyyoká ka mán, muun ˈjien geđ igiroká ki met egese.

Héberew 3:12

Aaléka, nyaaramchú, hol ˈdeeˈdeemíe, itín máádhat hai geer gaa nyakarich-, máálle Waag bííyyo ali iđóóllá haađuo-, iiy ma yegenká ˈgíiny.

Héberew 9:14

Ebá fás Kiristo hát hééllá lulle súm ˈdú ˈdúwaká dhaayyíe! Máá Kirísto lééllá ˈdaa Hím Naasan bííyyo ali iđokáka in hol sillie, hol suor hoy, suorlé saas mánnallá Waag shie. Mú fásle hé muun gáál dhiire, tawunykúnno hol gáá lay, giri ke henaasan fargogínt mánnallá haađuo-, ke Waag bííyyo ali iđóóllá vivisat-, ke hújíchle nannuoká.

Yúúa 1:14

Áˈdam ˈbíl ílle hátlé hol ka hoycheká, máállé ki tiiyaká he Hénog. Hénog kíssóótí hé yaalmit galallo-, ˈdeenylé Waag hí shiicheká ˈdiiyime, mu kieye, Bá dhaayyíe, Máá Guđoká gállé ˈgasso-, urru-, shíí shííká hollo hol ká egedhdhe.

Kí Edhesiny 14:1

Aalé yú fuˈjieká Eliny Gúm Siyon ˈdú yaal. Eliny gál shíí kúˈd tikiˈde-, tómón eiy afur a afurká hol ˈgaa. Gál kinaallá Élíny meenyle ubaa Élíny meeny ˈJaallé veeritle met bala ká ˈgaa.

Kí Edhesiny 21:10

Aalé Hím Naasan Waaˈgiet hátlé kaschú hol gaa sisiteká, máá ˈgasso urru kinaal ye gúm guđo-, ˈdérká álle eey, ye ˈjien Waaˈgiet-, giri ur Waaˈgiet gáá leleto-, Yerúsalemléká argisie.

Kí Edhesiny 21:2

Aalé yú ˈjien Waaˈgiet-, Yerúsalemlé-, kaana-, hát ini gaalí bukay-, gaalí bélle shiguokáka ur Waaˈgiet gáá leletoká arge.

Kí Edhesiny 22:19

Tá máá ˈdeeny Waag gáá yimie-, warˈgatééllá gaa ijóóllá điidhoká, máá kinaallá Waag ˈgór luolmitiká kóonyle, ubaa ˈjien Waaˈgiet hilitle, ˈdéé hótle warˈgatééllá gaa iđóóllá Waag haí ká riata.

Kí Edhesiny 3:12

Máá hé lesalloká ká adhatká Waagchú ˈbílle aarlé hí guogoyoká áár tikiˈd ha yú hođia. Mu hé geđi ˈbíl kinaallá yé ma gaa ˈdeeminy. Tá mú Waagchú meenyle ubaa Waagchú ˈjienle meenyle ha yú gaa verene. ˈJienééllá he Yerúsalem kaana-, Waagchú gáá chiimet-, úr gáá leletoká. Héétí meeny chia kaanaká úba ha yú mú gaa verene.

Kí Edhesiny 7:2

Aalé geđi yú máá ˈgasso-, urru-, éíy taaka-, ˈdaa baryo yé gáá ˈdeˈdeenká arge. Mu Waag bííyyo ali iđoká gúíylé gálaat ki guguoká gíl ká ˈgaa. Mu gál giri ˈgasso-, urru-, afur-, Waag hí fargogint les ubaa bás ki ˈdeđeneyoká shiicheká af ˈdérká ki geey, kieye,