Héberew 12:15 - Fayam Midhab Yiesu Kiristoká He Hol Af Iđiny Kaanaká

¹⁵ Tagkícho ˈdée! Máádhat hai Waag el af gaa táminy, ˈdúˈjím Waaˈgiet ˈdábiny. Hurtkícho hai ˈgór heđeʼ-, gáál shalal fafuo-, gál burnayká ˈdeđeneyoká hí gáá ˈdíiny.

Héberew 12:15 ပူးပေါင်းရင်းမြစ်များ

Lúka 22:32

Tá yáá ko Waag kí vite, giri iiy yeenkú mán ma chegenká. Tá kuun ye hayche-, kor ye hol ˈdu gáá naateka, nyaaramkú gúófsish, Yíésu hí mú yie.

Korínto Erká 10:12

Aaléka, máá tawunyleka kieye, Yú tágo yaalla, yegetká, hí hol ˈdeeˈdeen, hai iiy yeenle hâny.

Korínto Erká 13:8

Gielmít íín hé el me hí ma ˈgiˈgin. Tá hé shiicho Waag hí gáál ka shigicho-, hát káána ˈdeem Waag hí gáál ka shigichoká ˈdiiyiminylé, ubaa afano Hím Naasan Waaˈgiet yé gáá ˈdeˈdeenká huogon, tá ˈdaalím ˈdéé hótlé íín lúl el met haí ˈgiidha.

Korínto Erká 15:33

Aaléka, ha gaalí bađisîny. Sheel ˈdeđewká húgúm midhabká hai ˈdeđeneyche.

Korínto Erká 5:6

Hát hí hol memeychóóllá hé tagle muuniny! Ađaab maa kinaallóóllá hát maat ninni-, ˈdúlo lulle buufaychoká ká taalká, it múog?

Korínto ki Naamaká 13:5

Ebá hol ki ˈdoolmitíe har hí iiy yeenkícho ˈgayyoka. Máádhat hí hol dhaayo, har tagle yaalka. Itín Yiesu Kirísto hát hí gaa ijoká it muog? Ebá hát hí tagle ma ˈgiinyká hí hol kimisate?

Korínto ki Naamaká 6:1

Aaléka, nyííni nyí Waag hol hujich ˈgar nanniyyóóllá, gillo ke hí ki efe, Waag ˈdúˈjímlé hí argiyyééllá haí eeshêny.

Galátia 2:13

Gál Yuuˈdíítí Kéfas yaalmitlé tagle muuniny gaa seseme kinaal ennie, Barnábas úba gáál yaalmitlé kinaal ennie.

Galátia 5:4

It halúg hí kieye, hemuumurít el gaa igiritle innum Waaˈgietka gál ˈdúwaká he gáál hođicha, hí chegetallá, it Kirísto af gaa taanne, ˈdúˈjím Waaˈgiet gaa ˈgisate.

Eféso 5:3

Herginy gorramká ubaa babát, tá gajált haí ˈgíiny, hemitle hé níínni úba haí yé gáá ˈdíiny, ˈdaa giri hé hatallóóllá gál Waag hí waarateká yaalmitle muuninyká.

Kolosááya 3:5

Aaléka, húgúm lesalloká, hát káána herginy gálle hol ma shúúnanká, féén ˈgany, babát ˈgany, he fedit gaa nyakaridheká, tá gajálti, hol ka ridhdhíe. Máá gajált ˈguoká hé fedo kinaallá he waagle hođita.

Títo 1:15

Gál saas mánká hé he lulle hí saas ki mán, tá gál iiy yeen mán-, gaa nyakarichká hé hé níínní hí saas ki mánká mán. Hééllá ˈdaa giri gáál kasle ubaa tawunyle íín gaa nyakaridheká.

Héberew 3:12

Aaléka, nyaaramchú, hol ˈdeeˈdeemíe, itín máádhat hai geer gaa nyakarich-, máálle Waag bííyyo ali iđóóllá haađuo-, iiy ma yegenká ˈgíiny.

Héberew 4:1

Waag he af iđinylé giri gálaat mú állé him ki nimiká higiloká hátle hé ali taal. Aaléka, kí sierm ˈguo, giri itín mú tikiˈd úba ál him ki nimííllá hilitle ma gaa ˈdaabinyká.

Héberew 4:11

Aaléka, kí laađaan, kí Waag állé him ki nimííllá hilo, giri muun mú tikiˈd hát gál héle Waag af đuˈdusekáka ˈboy ma ˈdeeminy-, ma baađanyká.

Héberew 6:11

Itín hé ke hí gaa fedoká, he giri ˈdaab hí les ˈdug ˈdú iđáállá yaalmit kíchia gielmitííllá taalle hí ki iđa-, hé biiy meto-, hí súm egeteká hát ˈduuwawká hí met gaa ógká.

Bétiro ki Naamaká 1:10

Aaléka, nyaaramchú, laađamíe, hát ˈdabaanká yíéđía, hát itín Waag hí ká viiyye-, hí waarate-, hí gálle hosoteká kiimitíe, gálaat hí argo. Yaalmisano hatallóóllá hí ˈgayyoka, it ma riiteen, les ma ˈdaraminy.

Bétiro ki Naamaká 2:18

Gaal ˈdeem churshamo-, ˈdúúw mánká he hogodho. Gaal gál ˈjobintéél hé gaa nyakarichká kar gáá ˈdaneká he laladhdha, balt gónlé gaa nyakaridheká he gáál af ki ˈgoˈgoˈdo.

Bétiro ki Naamaká 3:11

Aaléka, ˈdaa giri Waag hí he lulle hatal ki beđisatkáka, itín kor it gál hát máre ˈgie? Itín onnônyka hát saas manti-, yaalmitle Waag geer gaa memesichoká hí ká yíéđianna,

Bétiro ki Naamaká 3:14

Aaléka, sheel chia yú gielallo, ˈdaa giri hí hééllá met egetoká taalle laađamíe, giri kúlích ka chiimetóótíá hí Waag met ki ˈdeenno-, hí geer ka ˈjakarany mán-, Waag hí gál saas ubaa ˈdeensen mánká ka dhaˈgasannoká.

Yuána ki Naamaká 1:8

Aaléka, hol ˈdeeˈdeemíe, giri hújích hí niiyyééllá hélle hí ma ˈdaabiny-, símísle alulle hí aargiˈdaká.