Héberew 12:14 - Fayam Midhab Yiesu Kiristoká He Hol Af Iđiny Kaanaká

¹⁴ Itín gálaat lulle hol naanná ki yíéđinyle ˈdú laađamíe. Héétí iđiny ˈdúwa-, Waag hí ki feˈdeká ˈdú laađamíe. Har máádhat iđiny ˈdúwa-, Waaˈgiet kinaal manítaka, hé Máá Guđo Waag ma aargiriny.

Héberew 12:14 ပူးပေါင်းရင်းမြစ်များ

Márko 9:50

Shúgút hé midhab. Tá shúgút gaalí hé éíy taaka hol warase-, ˈjám ˈdabiyyeka háteeye midhab? Shúgút ˈdúwaká yiedhíe, hol naanná ki yíéđía.

Lúka 1:75

Tá múún rám kúnnaa ki lésal ˈdú ijoká Waag innum leka ki gál ˈdúwa-, he fedit Waaˈgiet gaa ijoká ki gaa yegetká.

Róóma 12:18

Gálaat lúl hát hí uˈdoká hol naanná ki yíéđía.

Róóma 14:19

Aaléka, hé naanná yé ká ˈdeđuoká ubaa hé ke hol ki gogofsuoká kí ˈdú laađaan.

Róóma 6:22

Aalé káána Waag hí ađaabano gim gáá eeyye-, hí Waag gedelle chíéllá, hééllá héllé ˈdúwa-, hí yé gáá ˈdeˈdeenká he giri gál hé Waag hí feˈdoká el gaa igiroká chegete-, el ˈdáˈdle hí luolmit biiyoká higiloká.

Korínto Erká 1:10

Nyaaramchú, Máá kúnnaa Guđo Yiesu Kirísto meenyle ˈdaalleka, gillo yú hí ki efe, hol af iiy yiegedhíe, haí hol eiy gaa ˈgiˈgísan. Tikiˈd yiedhíe, kás hí tikiˈd cheet, hé me hí igiroká úba hí tikiˈd yeet.

Korínto Erká 13:12

Hé káána ki argóóllá, he hát síbíl gaa boorochká ke he ki dhaˈgasan, tá bár ka chimetóótíá he lulle hát ˈdabaanká il ha ke ki aargira. Hé yú káána ógallá yáá tagano muog, tá bár ka chimetóótíá hát tikiˈde Waag ye alúl ógallá, hé kinaallá hát ˈdabaanká eiy ha yú naata.

Korínto ki Naamaká 6:17

Héétí Máá Guđo Waag úba kieye, Gál ye iiy ma yéenká hurt yé gaa ˈdée, gáál gaa fagandhíe. Ameeny hé gaa nyakarichká hol ka ridhdhíe, yú mé guđáan haí yeedhe.

Korínto ki Naamaká 7:1

Nyaaram chia yú gielallo, ˈdaa giri Waag muun gáál hééllá lulle af iđicheká, ameeny hé ˈdeđew-, gón gelle ubaa sídh gelle gaa ijo-, muun gáál ˈdeđeneyoká lulle kí hol gaa dhiiro, kí Waag kiikiat, kí gál Waag hát ˈdabaanká ennianká yeet.

Galátia 3:21

Aaléka, hemuumurít ubaa ˈdúˈjím Waag hí Abirááyam af iđicheká af yé hol ˈdéˈdéenne? Híʼi. Hé kinaallá gon hé mán. Hemuumurit Waag hí gáál ki muˈdeká onnônyka gáál luolmít shigînyka, saas mánt onnônyka hemuumurít ˈdaallé he ká naate.

Eféso 5:5

Hééllá hát ˈduuwawká onnóo: Máá herginy gorramká ubaa babát gaa seseenká, tá máá gajált ˈguoká, hé Kirísto ubaa Waag guchle aˈjibáát ma gaa aargiriny. Máá hé ˈdeđewallá gaa seseenká he waaglé hote.

Filíbi 3:12

Tá yáá hol ma memeny, kieye, Yáá tág hééllá lulle ki hiray, ameenychú ki ˈdie, ma yegen. Yú hé Yiesu Kirísto hí ye kí vie-, mu ye máálle hoteká laatlé lađama, giri hé kinaal mé đig yegetká.

Dhesaloníke Erká 3:13

giri hí iiy yeenkícho tagano gaa ˈgiiyya-, Máá kúnnaa Guđo Yíésu ká ˈjieka itín ubaa mú gállé hí iiy yieká lulle hí ˈJaa kúnnaa Waag metle gál ˈdeensen mán-, ˈdúwaká gaa chegetoká.

Dhesaloníke Erká 4:7

Waag íín hé gáál yaalmit gaa nyakaridheká ma kí víiny, iđiny ˈdúwa-, he feˈdoká he gáál kí viiyye.

Dhesaloníke Erká 5:15

Máádhat hai hé ˈdeewká héllé ˈdeewká akaˈd madîny, tá aadh lulle hé midhabká hol ki eekemeyyíe, gálaat lulle hé midhabká úba ki eekemeyyíe.

Tímote Erká 6:11

Aaléka, kó máá Waaˈgietallo, hé kinaallá hol ka río. Iđiny ˈdúwa-, Waag hí feˈdoká ubaa iiy yeen Kirísto ka ˈgayyoká, héétí gielmít ˈgany, mé ki chirsan, tá abúnt ˈgany lulle ˈdú laađámo.

Tímote ki Naamaká 2:22

Aaléka, balt gál rúóreká hí ˈguoká hash, hé Waag geer gaa memesuoká, ubaa iiy yeen, tá gielmíti, héétí naanná bala ˈdú naʼ, ˈdú laađámo. Kuun ubaa gál Máá kúnnaa Guđoká hodhinaam saas mánká ki vivisatká hol ˈgar laađamíe.

Héberew 12:10

Idhaamkúnno bár gáá gaaw-, múún gáál af gaa tatieká, gaal hát he taawueká in gáál af ki tatie. Tá Waag íín hé gáál ki midhabká ˈdaalle ˈdugaka in gáál af tatiyya, giri hát íín saas mánnallá muun ke gálle yegetká.

Héberew 9:28

Hát tikiˈdééllá in Kirísto a tikiˈd hol suor ki hoy, giri gálaat ađaabano ubaa nyuogim gaa egewká. Mu hollo hol ká naadha, tá mú hol ka naanlééllá hé ađaabano ubaa nyuogim gálaat ˈdaalle ˈdugaka muuniny, he gál mú met egesoká muí luolmit biiyoká ˈdú gáá siidhoká.

Bétiro Erká 3:11

Muí hé ˈdeđewká gíl sug ki hayo, hí hé midhabká eekemeyo, hí naanná hol gaa ˈgieˈgedho, hí ˈgar aayaˈgo.

Bétiro Erká 3:13

Hé midhab-, hí ekemeychoká feditle hí ˈgayyaka, mááya hí he il ká aargisia?

Bétiro ki Naamaká 3:11

Aaléka, ˈdaa giri Waag hí he lulle hatal ki beđisatkáka, itín kor it gál hát máre ˈgie? Itín onnônyka hát saas manti-, yaalmitle Waag geer gaa memesichoká hí ká yíéđianna,

Bétiro ki Naamaká 3:18

Tá Máá kúnnaa Guđo-, Rubachiet-, Yiesu Kirísto lééllá ˈdúˈjímle ubaa onyle ki hiráa. Káána ubaa bííyyo, ˈduuw taalle hí mú hélle yeet. Iiy-hí, he hí hát kinaallá yeet.

Yuána ki Seđeká 1:11

Shééléch, ha hé ˈdeđewká eníminy, hé midhabká tákámle eenímo. Máá hé midhabká ekemeyoká he máá Waaˈgiet. Tá máá hé ˈdeđewká ekemeyoká hé Waag muog.