Héberew 12:11 - Fayam Midhab Yiesu Kiristoká He Hol Af Iđiny Kaanaká

¹¹ Atim giri gon hí gáál gaa boloonká hé gáál ger ma gaa memesiny. Tá atim kinaal héllé hí yé gáá ˈdeˈdeenká he naanná, giri gál atim kinaallá he gaa onodheká iđiny ˈdúwa-, Waaˈgietká gaa yíéđianká.

Héberew 12:11 ပူးပေါင်းရင်းမြစ်များ

Róóma 14:17

Guch Waaˈgiet héllé ˈdúwaká hé he kóony ubaa he ím muuniny, Guch Waaˈgiet he hát Waag hí feˈdoká ekenylé, héétí naanná ubaa geer gaa meen ke hol ki ijoká. Hééllá lulle Hím Naasan Waaˈgieto ˈdaalle yé gáá ˈdeˈdeme.

Korínto ki Naamaká 4:17

He il ká argisiny kínyaa nigini-, káána nyí gaa iđáállá in ˈduuw guđo-, biiyo-, tawuny lulle af mé gíriká nyí yé ˈdú ˈdeđicha. ˈDuuw kinaallá hé il ká argisiny-, hé káta-, mánnallá hol ma nyuoriny.

Tímote ki Naamaká 4:8

Aaléka, hé shiicho gál Waag hí gál ˈdúwaká chegetoká hí aargiroká hé úba ye úratíá kí egesso. Hé shiicho kinaallá Máá kúnnaa Guđo-, gálaat hát ˈduwantiká hol eiy gaa nannuoká Kúlích ˈDéé ki Iđiny ka chiimetóótíá ha muí ye gáá shigia. Hé shiicho hat kinaallóóllá hé muí ye tákámchú ma ká shiginy, ameeny gál mú fiiritle ˈguo-, mú hol ká naanle met egesóóllá úba ha muí shigia.

Héberew 12:10

Idhaamkúnno bár gáá gaaw-, múún gáál af gaa tatieká, gaal hát he taawueká in gáál af ki tatie. Tá Waag íín hé gáál ki midhabká ˈdaalle ˈdugaka in gáál af tatiyya, giri hát íín saas mánnallá muun ke gálle yegetká.

Héberew 5:14

Tá ˈguom gogiyyoká gálle íín he gál ˈdeeny Waaˈgiet ki hiray-, kás kaadhdhe-, hé midhabká ubaa hé ˈdeewká hol eiy gaa nannasatká.

Bétiro Erká 1:6

ˈDaa kinaallá ˈdugaka in ger hí gaa meedhe, har úba káána ˈdaabal hí manyjasiny met hí hol ká burnayyeká hí ger ˈdéént gaa aargiˈdoka.

Bétiro ki Naamaká 2:14

Gaal aadh lulle ˈgál ˈdíét af ˈgoˈgorot-, hergisanká hol gaa ˈgeˈgedhe, gaal hé hé ˈdeđewká ekenyle ma haađiny. Gaal gál Kiristo ma hirânyká he baađisia, nyuogim ubaa ađaabano met ki kokoo. Gáál gerle he hol ki fedít gaalí onodheká hí koch. Gálallá idho Waaˈgieto he gim gaa ija.