Héberew 11:4 - Fayam Midhab Yiesu Kiristoká He Hol Af Iđiny Kaanaká

⁴ Ábel iiy yeenle ˈdaalleka in héllé shiicho Waag shieká hé Káyin hí Waag shieká ˈdú ˈdúwa. Tá mú iiy yeenle ˈdaalle ˈdugaka in Waag mú máá ˈdúwaká chie, mú héllé shiicho kinaal iiy chie. Har Ábel úba kis mán yieka, mu hé iiy yeenlé kinaal hátle ˈdéé kí hogodho.

Héberew 11:4 ပူးပေါင်းရင်းမြစ်များ

Matááyo 23:35

Aaléka, gál lúl ˈduuˈdúwa-, fásle héle gaalí okodieká, gál hí yies kinaallá nyuogimle itíni hí ˈgayya. Hé kinaallá ameeny kúfách Abel máálle hé konf ka ˈgieká mán-, Káyin hí yieská, tá ˈjíig kúfách Sakaria giri iny Barakia-, gaalí ˈBíl Waaˈgiet ubaa kúb suoryoká toom ki yieská đig.

Lúka 11:51

Yú hí geeye, ameeny fás Abel hí gaa okoˈde-, tá ˈjíig bár giri fás Sakaria hí gaa okoˈde-, máálle gaalí kúb Waaˈgiet suoryoká ubaa ˈbíl saas mánká toom ki yieská đigká, fasam gal kinaalloká nyuogimle lulle gál barallóóllá Waag luut haí ki ređicha.

Títo 1:16

Gaal hát he yegetká kieye, nyáá nyí Waag ógo he yegedhe, kor gaal héllé ekemeyóóllá, gálle he gál Waag muogká. Gaal he gál hé Waag hí nébká ekemeyo-, gálaat met ma gaa kekeminy-, hé midhabká ekenyle uritle mánká.

Héberew 11:2

Gál kúnnaa heleká iiy yeenle ˈdaalle ˈdugaka in gaal Waag geer gaa meey.

Héberew 12:1

Aaléka, gál burnay-, Waag iiy yeen ká ˈgie-, hát nyáˈdowka gáál ki madééllá ˈdaalle ˈdugaka, he lullé giri iđiny Waag hí gáál ki feˈdoká gáál gáá momoyóóllá ubaa hé kúnnaa ˈdeđew-, ke ekemeyo-, gáál ki ˈdaˈdananallá kí hayo. Kí mé ki chirsat, kí đuul kúnnaa ke gaa igiro-, ke ma béésenallá beeset.

Héberew 12:24

It he hol af iđiny kaanáállá máállé múún ubaa Waag gáál hol higilsuo-, Yíésu lééllá ubaa mú fáslé muí gáál ki ˈdaraanká úba ˈdú gáá chimie. Yíésu fásle rúbách he hogodhóóllá hé hala fás Abel hí hogodhóóllá ˈdú ˈdúwa.

Héberew 5:1

Ameeny máá méte suoryoká Waago hí gálaat gáá waarate, gálaat ˈdaalle ˈdugaka in Waag hí hujich mé ki koyye, giri mu hé shiicho gálaatká Waag shiguo-, Waag metle ađaabano ubaa nyuogim gálaat suoryamle ˈgaˈgaloká.

Héberew 9:22

Aalé hemuumurít ˈdaalleka, he lulle gúch fásso hí dhidhira, tá suor fásle ma okodoonka, Waag hé gálaat ađaabanolle ubaa nyuogimle ma haađiny.

Bétiro ki Naamaká 2:8

Máá ˈdúwa-, Waag met gaa kekemééllá, aadh lulle gál nyátál mannayallá hurt gaa ije-, gáál héllé ˈdeđewká aargire-, tá mamaleká, đo hé kinaal hí súm idhansie, geer hí gaa ˈdeenedhe.

Yúúa 1:11

Hóbá! He bá gál kinaal ki ˈdéen! Gaal hé ˈgíérích Kayinká nadhe, gaal hé hol gaa ˈdoˈdodhdhe, ˈgíérích muommo-, Balamká nadhe. Gaal hé hát tikiˈde-, mú Kóra hí Waag af đuˈduse-, Waag hí af ki beeseteká íín úba Waag af haí ki beđisata.