Héberew 11:32 - Fayam Midhab Yiesu Kiristoká He Hol Af Iđiny Kaanaká

³² Aaléka, meete éíy taaka yú hí ká geđia? Yáá aadh gas ˈguo-, hí Gédion, Bárag, Sámson, Yéfadha, ˈDáwuˈd, ubaa Sámuel tá gál Waag hí ˈdeem ká shigicheká hélle hí ka geeyoká mán.

Héberew 11:32 ပူးပေါင်းရင်းမြစ်များ

Matááyo 5:12

Yaalmit kinaallá in gál héle Waag hí ˈdeem ka shigiche-, gálaat ki ˈdiyimeká úba gaalí ki maanyjasie. Aaléka, ger hí gaa meet, kosolóo, hé shiicho Waag hí úr ali kí iđicheká hé tág guđo.

Lúka 13:28

Ál kinaal hí Abirááyam, Yísak, ubaa Yákob, tá gál Waag hí ˈdéé ka shigicheká lulle hí Guch Waaˈgiet gaa argiyyeka, itín hát gaalí baaˈd ki ˈgidhieká haí kiimisata, haí beenne, kach amet hollo hí hol gaa ˈginianna.

Lúka 16:31

Aalé Abirááyam mú geey, kieye, Gaal har hemuumurit Waag hí Móshe ka shiicheká ubaa gál Waag hí ˈdéé ka shigicheká ˈdeemle nee ma konyka, af kinaalka úba káána máádhat uushich yé gaa ˈdeˈdéminy-, hí geđînyka, hé ˈdee hí mé ma ki seeminy, muí mú yie.

Yuána 21:25

Yíésu hé éíy taaka burnayká úba eekemey. Hé kinaallá lulle gaalí véérinyka, yú tawueka, warˈgasam kinaallá hé les alb he hol ki yíéđuoká mán.

He Ekeny Gál Alb Fimiká 10:43

Gál Waag hí ˈdéé ka shigicheká lulle hé mú ˈdeenyle huogodhe, giri mú meenyle ˈdaalle ˈdugaka gál mú iiy yeetká ađaabanolle Waag hí gaa egeyyoká, Bétiro hí gáál yie.

He Ekeny Gál Alb Fimiká 13:20

Hééllá lulle warram kúˈd afur tómón eiy chenno he eedhdhe. Héél he beeyká Waag ar gáál met ki ˈgiiyyoká gáál shigiche, ˈjíig bár giri Sámuel hí máá Waag hí ˈdéé ka shigicheká onnoyká đig.

He Ekeny Gál Alb Fimiká 3:24

Hé ˈduwa, gál Waag hí ˈdéé ka shigicheká ameeny Sámuel tá el ˈdaal kí suoyééllá lulle úba hé ˈdeeny kulichallóóllá ˈdiiyime.

Róóma 3:5

Tá kálmaréel máádhat kieye, Ađaabano kúnnaa ke higilóóllá hé gáál midhant Waaˈgiet aargisuo, tá Waag har múún gáál he il ká aargisichoka, af kinaalka Waag hé ˈdeew, yieka, tá múún háte ke yeedhe? Hééllá hé gáál ˈbaal hí taawuoká yú hogodho.

Róóma 4:1

Aaléka, eshi eshim kúnnaa gál kúnnaa Yuuˈdííllá hí yé gáá ˈdie-, Abirááyam lééllá ˈdaalleka, kor háteeye?

Róóma 6:1

Aaléka, háte ki ˈdeeme? He in taalle ađaabano ke higilla, ki gaa ija, giri Waag ˈdúˈjímlé gáál ˈdú ˈjeˈjeennoká súm iilshanatkâ?

Róóma 7:7

Aalé háte ke yeedhe? Hemuumurít káána he ađáábo ke yeedhe? Híʼi, hemuumurít gon hé ađááb muuniny. Biiy héle hemuumurít mannânyka, yáá onnônyka hé Waag hí ma fedinyká ma kiimísan. Hát káána hemurit kieye, ha hé gálaat gajaltle ˈgíiny, chieká mannânyka, yáá onnônyka gajált hát Waag hí ma fedinyká eiy ma náásan.

Yákob 5:10

Nyaaramchú, ebá gál Máá Guđo Waag hí ˈdeem ka shigie-, gálaat ki ˈdiiyimeká hát manyjasiny il hí aargiˈde-, tá hol gaa tatieká, táb ˈdodhdhíe.

Bétiro ki Naamaká 1:21

ˈDeem Waag hí gáál ka shigicheká hé kálta gálaat kasle yé ma gáá ˈdíiny. Gaal íín Hím Naasan Waaˈgieto hí af tatiyye, in ˈdeeny Waaˈgiet hogodhe.

Bétiro ki Naamaká 3:2

Hé yú hí gaa fedoká he giri itín hí ˈdeem héle Waag hí gállé taak kooteká ka shigicheká mé ka ˈgayya-, ubaa hemurit Máá kúnnaa Guđo-, Rubachietká hí ka shieká úba hí mé ka ˈgayyaká. Hemurit kinaallá itín Kirísto gállé alb fimiká hí gaa maalle.