Héberew 11:26 - Fayam Midhab Yiesu Kiristoká He Hol Af Iđiny Kaanaká

²⁶ Móshe hé shiicho Waag hí shigichoká hé mé ká ˈgie, in aalé eesheny gaalí mú egesheyká ma đíiny. Mu eesheny il hí argiyye-, hát káána eesheny gaalí Kirísto eeshey kinaallá, hé súm kamur lés Misirayim ˈgany ˈdú ˈdúwaká muí ká dhaay.

Héberew 11:26 ပူးပေါင်းရင်းမြစ်များ

Matááyo 10:41

Máá máá Waag hí ˈdeem ka shigichoká rokoˈd ki goloká hé shiicho-, Waag hí gállé hí ˈdeem ka shigichoká shigichoká úba hai aargira. Héétí máá máá hé ˈdúwaká el gaa igiroká rokoˈd ki goloká hé shiicho-, Waag hí gállé hé ˈdúwaká el gaa igiroká shigichoká úba hai aargira.

Matááyo 5:12

Yaalmit kinaallá in gál héle Waag hí ˈdeem ka shigiche-, gálaat ki ˈdiyimeká úba gaalí ki maanyjasie. Aaléka, ger hí gaa meet, kosolóo, hé shiicho Waag hí úr ali kí iđicheká hé tág guđo.

Matááyo 6:1

Yíésu geđi gáál geey, kieye, Af giri hí hé midhabká ekemeychoká hol ˈdeeˈdemíe! Haí tawuny gálle gálaat hí aargiro-, hí memeyoká ˈgíiny. Har hí hát kinaal ekemesetoka, it hé shiicho-, ˈJaa kíchia úr ijoká onnônyka hí shigieká ma aargiriny.

Lúka 14:14

Hát kinaallá in Waag ko ˈdú ˈgunuanna, ˈdaa giri gálallá hé níínní ˈguo-, ko êw kí hidho-, mánká. Af giri Waag gállé hí iiy yie-, ˈdúwaká uushim yiem gáá ˈdeđichoká hé midhab ekeyche kinaallá ewle hai ko kí higita, Yíésu hí mú yie.

Lúka 14:33

Hát tikiˈde kinaallá, itín máádhat ˈdaachúka les ma yíéđiny-, hol ˈdéé mé ma gaa een-, héllé lulle ˈguoká ye ma ˈdú hanyka, hé máá lalichú ma yegen.

He Ekeny Gál Alb Fimiká 5:41

Aalé gál alb fimi kinaal ar álle gaa kieká, ger hí gaa meedhe, ˈdaa giri gáál gaalí ˈdaa meeny Yiesu ki manyjasieká.

Korínto ki Naamaká 12:10

Aaléka, he lullé ˈdaa Kiristoka il hí ye argiyyeká, hát káána đalím, chaarim gaalí ye chacharoká, hé ye ki ˈgierˈgereká, manyjasiny, tá gon bólo, lúl iiy ha yú yeedhe. Yú af giri đalitká in fargogo.

Korínto ki Naamaká 6:10

Har úba nyí ger ˈdéént ki iđoka, Waag aadh lulle hé nyí ger gaa memesicho. Har káána úba nyí he manítaka, nyáá nyí gál burnayká kamur ˈdaalimo-, Waaˈgietká shigicho. Nyiin he gál hé níínní ˈguo mánká, kor nyáá nyí he lullé nyí ˈgayya.

Eféso 1:18

Hé úba yú Waag rogononká, he giri Waag hí in eiy ˈdeđicho-, hé ˈdabaan biiy met gaa ijo-, Waag hí kí viiyyeká hát hí aargiˈdaká hí kiimisata-, Waag kamurlé ˈdúúw ˈgayyo-, gál Kirísto iiy yieká hílléká hí oonootoká.

Eféso 3:8

Har káána gál Waaˈgiet biiy elloká lulle máállé hí el ˈdaˈdká yú kátaka, Waag hé ye ˈdú ˈjiiyye, giri gál gál Yuuˈdi muuninyká yú ˈdú ˈgúúnnúmíny ˈdú ˈguunnuminy lulle af mé ˈdú gíriká gál Kirísto hol liiletká hí aargiroká yú ki ˈdiyeenká.

Filíbi 3:7

Yaalmitééllá lulle ˈduuw mákárta-, yú gaa argeká, káána ˈdaa Kiristoka hát hé ˈdúúw mánká yú ká dhaˈgama.

Héberew 10:33

It álká gaalí innum gálaat gaa chachare, gaa maanyjasie. It úba álká gál hé kinaal il hí aargiˈdeká yiir gaa chichirate.

Héberew 10:35

Aaléka, chirm guogint kíchia-, hí hé shiicho guđoká yé ˈdú ˈdeđichóóllá haí hâny.

Héberew 11:6

Aaléka, máádhat he iiy yeen manítaka, hé hát níínní Waag geer gaa meeyoká mán. Máádhat he Waag ˈdú gáá yiimet fedoka, mu Waag hát he ali iđo-, gál hí ˈdú gáá yiimetká hé midhabká shigichoká hí iiy yeet.

Héberew 13:13

Aaléka, kí mú é sug ˈdú siet, eesheny muí arge kinaal úba il hí gáál argiyyo.

Héberew 2:2

Waag hemuumuritlé héle gállé ˈgasso-, urruká gál kúnnaa Heberewká ka shíéllá hé hemuumurit farguogoká yie. Gál hemuumurit kinaal ˈdeeđeneyká ubaa gál hemuumurit kinaal el ma gaa véérinyká lulle hé he il hí argiyye.

Bétiro Erká 1:11

Hé gaalí eiy naasanle fedeká he manyjasiny Kiristo yaalmisanolle ubaa manyjasinyle aleđuđugullé, tá hé ˈdúwa-, burnay-, midhab-, manyjasiny kinaal el gaa igiroká eiy naasanlé. Hím Naasan Kiristo gál kinaallá gaa iđeká hé gáál kíssóótí ˈdeem manyjasiny ubaa hé ˈdúwa kinaal geeyche.

Bétiro Erká 4:14

ˈDaa giri Hím Naasan Waaˈgiet ˈdúúw ˈgayyoká hí buanneká, har gaalí meeny Kiristo ˈdaalle ki chaachareka, it Waag hí ˈdú ˈguunuanne.

Kí Edhesiny 2:9

Yú yáá manyjanykícho ubaa he mantkícho óg, tá it kamurayye. Gál hol gál Waaˈgiet yeget-, kor gál Waaˈgiet muuninyallá hé ˈdeđew-, ˈdaakíchoka huogodheká yáá óg. Gálallá he gál Satan.

Kí Edhesiny 3:18

Aaléka, hatallá ˈdée, hórkí ˈjiet hí ˈgeesiche-, óshor mánká ye gaa hidhdhíe, giri hí gál kaamúreká chegetoká. Đafaraam eegedhká ye gaa hidhdhíe, giri hí fafaat-, hí búr ma iđiny-, kern hí ma ˈgiˈginká. Sáláb ˈgór ˈgayyoká úba ye gaa hidhdhíe, giri sáláb kinaal hí in gaa liliat-, hí biiy gaa aargiˈdaká.