Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Héberew 11:16 - Fayam Midhab Yiesu Kiristoká He Hol Af Iđiny Kaanaká

16 Gaal lés lésal ˈdú ˈdúwa-, uratiká hé ˈdú lađame. ˈDaa kinaallá ˈdugaka in Waag gaalí gáál Waagle yegetallá kern hí ma ˈgiˈgin. Gáál Waaglééllá hé gáál ˈjien biiyo-, uratiká ki ˈdite.

အခန်းကိုကြည့်ပါ။ ကော်ပီ




Héberew 11:16
26 ပူးပေါင်းရင်းမြစ်များ  

Aalé mu ííni Kansich kinaallá wala hí gíl ˈdaa naaniet ijoká hai geđia, kieye, It ˈJaachú hí ˈdú ˈguunumééllá ka yimedhíe, guch af giri ˈJaachú les ka kuoneká muí itín tág kí koyallá ka hiláa.


Ta gál kufeká uushim yiem gáá ˈdímle ˈdeenyle ití warˈgat Móshe hí veereká ma gaa túony, giri ˈgór bolomeká Waag hí ˈdéé gáá hote-, Waag kieye, Yú he Waag Abiraayam, Waag Yisak, tá Waag Yakob, Waag hí chieká?


ˈGál kulichallo-, Waag hay-, ađaabano ˈgúóllá máá mákárta-, yú ubaa ˈdeenychú ˈdugaka kern hí ˈgiidhoká, Iny Máádhat máá kinaallá argeka úba kern haí ˈgiidha. Hé kinaallá he af giri mu édhúm ˈJaalle kí yiimet-, ubaa gállé ˈgasso-, urru-, Waaˈgietká hol ká egeetká, muí gáál yie.


Wala iraam mánnallo, haí biiy gaa kikían! ˈJaakícho hí Guch Waaˈgiet shiguoká hé tág fedo.


Gálaat hát uushim yiem gáá ˈdeˈdeenká Móshe hé hé kinaallá warˈgatlé veereká gáál gaa argisie, giri Waag ˈgór ˈjiet hí gaa boloonneká ˈdéé gáá hote-, kieye, Yú he Waag Abiraayam, Waag Yisak, ubaa Waag Yakob, chieká.


ˈBíl ˈJaachú hé ger hí burnayká. Onnônyka ger hí ma burnanyka, yáá hí geey. Yú ˈbíl kinaallá seeme, hí ali tág kí kokoo.


Waag kieye, Yú he Waag eshim eshim kua-, mú Abiraayam, Yisak, tá Yakobká, he chie. Móshe sierm hí faanne, fađane, hé úba ali ma gaa dháany.


Tá múún égetkúnno he úratíá. Múún hé ke súm Máá Rubachiet ur kinaal gáá yiimetká met egeso. Máá kinaallá he Máá kúnnaa Guđo Yiesu Kirísto.


Máá kúnnaa Guđóóllá he met lullé ˈdeđewká ha ye gáá biisia, mu Guchlé Uratiká naanná hai ye egee. Mú taalle bííyyo, gálaat hí meemeyo. Iiy-hí, he hí hát kinaallá yeet.


It gál hiigin gaa ijeká ger kurshám aargisiche, héétí hé kíchia lulle hí ˈgayye-, gaalí gaa uuneká hé kinaal hát geer gaa meentiká it ká eete. Itín it hé midhab hí met egete-, taalle bííyyo ali ijoká onnoyye.


Abirááyam ˈjien geđ igiro-, el mé ˈguo-, biiyoká he met egese. ˈJien kinaallá máá hí ˈguanle óg-, hí ˈdiˈdisoká he Waag.


Gál iiy yeen hatallóóllá ˈgúóllá, iiy yeenle héllé gáál ka geđichoká kieye, gaal léslé urati-, ka chiimetoká he met egese, cheedhe.


Waag hé muun gáál hé ˈdúwaká kí tawuyye, giri muun ubaa gaal íín Waag gáál hol ˈgar ˈduuwasicho-, lulkúnno ke lés uratiká hol ˈgar higiloká.


Gúm kinaal afleka, it aalé Gúm Siyon álle Waag ali iđóóllá ˈjienlé Yerusalem urietallá hí gaa ˈgíéllá ˈdú gáá chimie. It gál ˈgasso-, urru-, Waaˈgiet-, giri shíí shíí-, nyésébíchle ger hí gaa meedheká úba ˈdú gáá chimie.


Lésalláka hé ke ˈjien bííyyoká ka mán, muun ˈjien geđ igiroká ki met egese.


Máá gálaat saas ˈdaˈdabsuo-, Yíésu lééllá, ubaa gállé saas gaa egewká lúl ˈJaag hí tikiˈde. ˈDaa kinaallá ˈdugaka in mu gál saas gaa egewallá, Nyaaramchú, yegetká kernle hí ma ˈgiˈgin,


Aalé yú ˈjien Waaˈgiet-, Yerúsalemlé-, kaana-, hát ini gaalí bukay-, gaalí bélle shiguokáka ur Waaˈgiet gáá leletoká arge.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ