Héberew 11:10 - Fayam Midhab Yiesu Kiristoká He Hol Af Iđiny Kaanaká

¹⁰ Abirááyam ˈjien geđ igiro-, el mé ˈguo-, biiyoká he met egese. ˈJien kinaallá máá hí ˈguanle óg-, hí ˈdiˈdisoká he Waag.

Héberew 11:10 ပူးပေါင်းရင်းမြစ်များ

Yuána 14:2

ˈBíl ˈJaachú hé ger hí burnayká. Onnônyka ger hí ma burnanyka, yáá hí geey. Yú ˈbíl kinaallá seeme, hí ali tág kí kokoo.

Korínto ki Naamaká 5:1

Gón kúnnaallá he hát lokoolom lesallo-, aadh ˈdaatika ˈgieˈgewká. Muun gón kúnnaa lokoolomallá ˈgieˈgeyyeka, Waag hát muun gáál gón kaanaká úratí gaa shigichoká hé ke óg. Gón ke kakaat kinaallá he hát ény biiyo-, gál hí gil ki ˈdisse mán-, ma ˈgieˈgenyká.

Filíbi 3:20

Tá múún égetkúnno he úratíá. Múún hé ke súm Máá Rubachiet ur kinaal gáá yiimetká met egeso. Máá kinaallá he Máá kúnnaa Guđo Yiesu Kirísto.

Héberew 11:16

Gaal lés lésal ˈdú ˈdúwa-, uratiká hé ˈdú lađame. ˈDaa kinaallá ˈdugaka in Waag gaalí gáál Waagle yegetallá kern hí ma ˈgiˈgin. Gáál Waaglééllá hé gáál ˈjien biiyo-, uratiká ki ˈdite.

Héberew 12:22

Gúm kinaal afleka, it aalé Gúm Siyon álle Waag ali iđóóllá ˈjienlé Yerusalem urietallá hí gaa ˈgíéllá ˈdú gáá chimie. It gál ˈgasso-, urru-, Waaˈgiet-, giri shíí shíí-, nyésébíchle ger hí gaa meedheká úba ˈdú gáá chimie.

Héberew 12:28

Aaléka, ˈdaa giri muun ke guch biiyo-, ma motominyká higiloká, kí Waag gielmít hol ˈdú naanuo, hát mú kian ubaa mú ˈduuwle ónyiká kí mú hújíchle naanuo.

Héberew 13:14

Lésalláka hé ke ˈjien bííyyoká ka mán, muun ˈjien geđ igiroká ki met egese.

Héberew 3:4

ˈBíl máádháto hí ˈdiˈdisa, tá he met lulle Máá hí ˈdiˈdisoká he Waag.

Kí Edhesiny 21:2

Aalé yú ˈjien Waaˈgiet-, Yerúsalemlé-, kaana-, hát ini gaalí bukay-, gaalí bélle shiguokáka ur Waaˈgiet gáá leletoká arge.