Héberew 11:1 - Fayam Midhab Yiesu Kiristoká He Hol Af Iđiny Kaanaká

¹ Aaléka, iiy yeen ˈgany he hé ke met egesoká hát he ˈduuwawká ke ógká. Hát tikiˈdééllá iiy yeen ˈgany he hé hátle ke il ma ki árginyká hát he yé ka ˈdeenká ke ógká.

Héberew 11:1 ပူးပေါင်းရင်းမြစ်များ

He Ekeny Gál Alb Fimiká 20:21

Yú yáá gál Yuuˈdi ubaa gál Hellen ki ˈdiiyime, giri gaal ađaabano ubaa nyuogim le haađuo-, Waag makan fafaan-, Máá kúnnaa Guđo Yíésu iiy yegetká.

Korínto Erká 13:13

Aalé káánaka, hé farguogo-, ke ˈguoká he iiy yeen ke Waag ka ˈguoká, ubaa hé ke met egessoká hát he ˈduuwawká ónyi, héétí he gielmíti. Tá hé seđééllá héllé hí a mé ijoká he gielmíti.

Korínto ki Naamaká 11:17

Hol meeny chiallá hé hát Máá kúnnaa Guđoká hí ˈdéé ka hogodhoká muuniny, he yaa hát máá đeechká ˈdéé ká hogodho.

Korínto ki Naamaká 4:18

Aaléka, nyiin nyáá nyí hé ke argoká ma dhaˈgaminy, hé ke ma arginyká nyí dhaˈgasanna. Hééllá he ˈdaa giri he lullé ke argóóllá el met hí ˈgiidho-, hé ke ma arginyatíá íín hé biiyo-, yegetká.

Korínto ki Naamaká 5:17

Aaléka, máá Kirísto hol ˈdú fameká hé Waag hí káána hoyche, mu hé yaalmitlé kissoká gaa láʼ. Ebá mú dhaayyíe, mu hé káána kí yie!

Korínto ki Naamaká 5:7

Nyiin káána nyí ali iđóóllá nyáá hé nyí il ki aargiˈdoká nyí ma ki iđiny, nyiin hé nyí ma árginy-, kor nyí iiy chieká nyí ki iđa.

Korínto ki Naamaká 9:4

Tá af giri yú ka yiimetká, gál Makeˈdonia ˈbaal nyí hol ká eete-, gaal itín hát hé kíchia shiicho kinaal tagano ma ˈgiinyká argeka, nyíín kern ha nyí ˈgiidha, itín úba kern haí ˈgiidha.

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Títo 1:1

Yú he Báulo, gédéch Waaˈgiet. Yú Waago ye máá ali gaa kaany-, Yiesu Kiristoká hoyche, giri gál Waag hí waarateká ki ˈdiyeen-, gaal Kirísto iiy yeget-, ˈdeeny ˈdúwa Waaˈgietallá lulle gaalí hát ˈdabaanká chiirat-, gaal hát Waag hí feˈdoká yíéđianká.

Héberew 10:22

ha ke geerka ˈjakarany ˈgíiny, kí iiy yeen ˈduwantiká ˈguo, kí Waag met siet. Kirísto hé gáál fásle ki ˈdoy, saas ke óg-, ke ˈgíéllá hé gáál gaa dhiire, héétí mu hé gónkúnno bíé midhabká ki ˈjie.

Héberew 10:39

Tá múún hé ke gál Waag el hol gaa nannaat-, ál gálaat he il hí gaa aargiˈdoká seseenká muuniny. Muun he ke gál Waag iiy yeget-, luolmit biiyoká aargiroká.

Héberew 11:13

Gál Waag iiy yeen ka ˈgíéllá iiy yeenlé he ˈgie, ˈjíig guraam hí guure. Gaal hátlé les ˈdug ˈdú ijeká lés urati-, Waag hí af iđicheká hé ma árginy. Lés Waag hí gáál af iđiche kinaal bííy fágo gaalí ká arge, gáál geer gaa meesie. Gaal hát lésal ma lileny-, lésal el mé ka mánká hé iiy yie.

Héberew 11:27

Mú iiy yeenle ˈdaalleka in mu lés Misirayim gaa kie. Har káána úba máá giri kansichká mú ˈdú idhaneka, mu hé mú ma kían. Mu hát máá Waag gaalí ma arginyallá il ki argokáka, mu mé ki chirte, sienyle sedhe.

Héberew 11:7

Nówa iiy yeenle ˈdaalleka in kádích hí ˈbíl geerle ririanká ˈdisse. Kadich muí ˈdissééllá he ˈdaa giri hé kálta gálaat hí ma árginyká hát ka yiimetká Waag hí mú geeyche-, mu Waag af iiy yie-, Waag hát mú gaa feˈdeká muí el gaa veereká. Hé Nówa hí ekeyallá hé gál lesalloká ˈdeente. Aalé Nówa iiy yeenlééllá ˈdaalleka in Waag mú máá ˈdúwaká chie.

Héberew 2:3

Tá fayam ˈdúwa-, gáál rubach shigichóóllá hé hemuumurit kinaal súm ˈdú ˈdúwa. Máá kúnnaa Guđoká hé dhúrle gálaat fayamééllá ki ˈdiiyime, tá gál fayamééllá maaleká hé fayám hát ˈdúwaká muun gáál ká geey. Aaléka, muun har ke fayamééllá gíl sug ki hayka, af kinaalka háteeye ke he il ká argisiny met kar gaa ˈdarama?

Héberew 3:14

Iiy yeen kúnnaa er-, ke Kirísto iiy yieká har ke taalle hát ˈdabaanká ke ki ˈgie-, ˈjíig biiy el ˈdaˈd kátaka, af kinaalka muun ke sheel Kiristo.

Héberew 3:6

Kirísto íín he Iny Waaˈgiet, máá Waag umle hát ˈdabaanká mé ki yaalká. Múún íín he ke um Waaˈgiet. Hé kinaal har muun ke hé ki ˈduuwle óg-, ke hol bal ki ˈdaraan-, ke met egessóóllá hát ˈdabaanká ke ki yaalka.

Héberew 6:12

Hát kinaallá hí ˈgiiyyaka, it gál he ma urinyká ma chegen, yaalmit gálle Waag iiy yeen ká ˈguo-, he met ki chichirsat-, hé Waag hí af iđicheká aargiroká hí cheedhe.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.