Héberew 10:34 - Fayam Midhab Yiesu Kiristoká He Hol Af Iđiny Kaanaká

³⁴ It gál hiigin gaa ijeká ger kurshám aargisiche, héétí hé kíchia lulle hí ˈgayye-, gaalí gaa uuneká hé kinaal hát geer gaa meentiká it ká eete. Itín it hé midhab hí met egete-, taalle bííyyo ali ijoká onnoyye.

Héberew 10:34 ပူးပေါင်းရင်းမြစ်များ

Matááyo 19:21

Aalé Yíésu mú geey, kieye, Har he lulle tág gaa taalloká feˈdoka, sí, hé kua ˈgayyoká el gaa mádish, bírellé hí yé gáá ˈdiiyyoká gál he maamanká eiy gis, hát kinaallá in kamúr úratíá ká ˈgayya. Hééllá đusicheka káde, ye el gáá véer, Yíésu hí mú yie.

Lúka 10:42

He tikiˈd tákáma ˈdúwa. Hé ˈdúwa kinaallá in María hí he toom gaa eete. Hé kinaallá gaalí mú gaa egeetká hé Waag hí iiy ma chegen, Yíésu hí Márta yie.

Lúka 12:33

Hé kíchia hí ˈgayyaká birm hidhdhíe, birm gál he maamanká eiy gisáa. Shomodhaam kamur Waaˈgiet ma ˈgiˈginká dhaadhíe. Kamurkícho hí kamur biiyo urati-, ma bebeenyká cheet. Úratíá hé máá buraa léká ál hí ˈdú naatká mán. Kamur Waaˈgiet urati kinaallá hé guur níínní hí ˈdeđeneychoká mán.

Lúka 9:25

Máádhat he les lulle liledhe-, tá Waag điidhe-, sídhle Waag gaa ˈgisateka, mu in hé ˈdúwa-, yé ˈdú ˈdeˈdeenká hé ˈgúo?

He Ekeny Gál Alb Fimiká 21:33

Aalé máá yuoy mé ki yiel kinaal Báulo ˈgiliˈgay, yuoyle geey, kieye, Mú nyarugano naam ki hiigidháa, yie. Aaléka mu nyesebich yiete, kieye, Hééllá mááya? Tá mu meete he ˈdeeney? yie.

He Ekeny Gál Alb Fimiká 28:20

Hé kinaallá ˈdugaka in yú hí ká vie, giri ke hol aargiroká. He ˈdaa máá giri gál Yisirayel hí egeso-, gáál ririanká ˈdaalle ˈdugaka in yú nyárugééllá ye ki ˈgiiyya, Báulo hí gáál yie.

He Ekeny Gál Alb Fimiká 5:41

Aalé gál alb fimi kinaal ar álle gaa kieká, ger hí gaa meedhe, ˈdaa giri gáál gaalí ˈdaa meeny Yiesu ki manyjasieká.

Korínto ki Naamaká 5:1

Gón kúnnaallá he hát lokoolom lesallo-, aadh ˈdaatika ˈgieˈgewká. Muun gón kúnnaa lokoolomallá ˈgieˈgeyyeka, Waag hát muun gáál gón kaanaká úratí gaa shigichoká hé ke óg. Gón ke kakaat kinaallá he hát ény biiyo-, gál hí gil ki ˈdisse mán-, ma ˈgieˈgenyká.

Eféso 3:1

Yáá Báulo lééllá ˈdaa giri Yiesu Kirísto hujich ki nannuo-, mú Fayamlé Midhaballá it hí gál Yuuˈdi muuninyallá ˈdú gáá sidhééllá in káána yú hiigin gaa ija.

Eféso 4:1

Aaléka, yáá ˈdaa Máá kúnnaa Guđokáka, hiigin gaa ijóóllá, gillo yú hí ki efe, yaalmit midhab-, Waag hí kí viiyyeká hát ˈdabaanká gaa yíéđía.

Eféso 6:20

Yiesu Kirísto ˈdaa Fayam Midhaballáka, hé ye máá naanne hoy, in káána nyarugano ye ki ˈgee. Ye Waag kí viivitíe, giri yú nyaalilet-, fayamééllá hát ˈdabaanká yú ˈdiyeenká.

Filíbi 1:7

ˈDaa giri yú hí mé ká ˈguoká, hééllá ˈdaa kíchoka tawunyle yú taawuokáka taglé. Har káána úba yú nyarugano hiiginká ye ki ˈgíéllákaʼ, Fayam Midhaballá eiy nannuo-, ˈduuwle hogodhóóllákaʼ, it lulkícho ˈdúˈjím Waaˈgiet ki hol ˈgar aargiro.

Kolosááya 1:5

Iiy yeen ubaa gielmit hí ˈgayyáállá he ˈdaa giri Waag hát hí he lullé ˈdabaan-, hí úr ali kí iđicheká hí met gaa ógká. He met esiny kinaallá ˈdeenyle it kis Fayam ˈdúwa-, Midhab-, Kiristoká gaa maalle.

Tímote Erká 6:19

Gaal har he húgúmallá ˈguoka, in el meeny ˈdúwa-, biiy meto-, ˈdú seseenatíá kamúr gaa iđimia, giri luolmit ˈdúwaká higiloká.

Tímote ki Naamaká 1:16

ˈBíl geer Onesiforos Máá kúnnaa Guđóóllá hí geer guurá aargisuo, ˈdaa giri mu ye a burnayká ki yiel-, nyárug ye ki taalallá ˈdugaka kern hí ma ˈgíˈginká.

Tímote ki Naamaká 2:9

Fayam Midhaballá he Fayam yú ˈdú manyjay-, yú hát máá he ˈdeeneykáka káána nyarugano ye ki ˈgíéllá. Tá ˈdeeny Waaˈgiet íín hé nyarugano hí ma ki ˈgiiny.

Tímote ki Naamaká 4:8

Aaléka, hé shiicho gál Waag hí gál ˈdúwaká chegetoká hí aargiroká hé úba ye úratíá kí egesso. Hé shiicho kinaallá Máá kúnnaa Guđo-, gálaat hát ˈduwantiká hol eiy gaa nannuoká Kúlích ˈDéé ki Iđiny ka chiimetóótíá ha muí ye gáá shigia. Hé shiicho hat kinaallóóllá hé muí ye tákámchú ma ká shiginy, ameeny gál mú fiiritle ˈguo-, mú hol ká naanle met egesóóllá úba ha muí shigia.

Héberew 11:16

Gaal lés lésal ˈdú ˈdúwa-, uratiká hé ˈdú lađame. ˈDaa kinaallá ˈdugaka in Waag gaalí gáál Waagle yegetallá kern hí ma ˈgiˈgin. Gáál Waaglééllá hé gáál ˈjien biiyo-, uratiká ki ˈdite.

Héberew 13:14

Lésalláka hé ke ˈjien bííyyoká ka mán, muun ˈjien geđ igiroká ki met egese.

Héberew 13:3

Gál hiigin gaa ijoká táb ˈduoˈdodhíe, ˈdú reerebée. Gáál hiiginle hát hiiginkícho ka eedhdhíe. Héétí gáál manyjanylé gaalí maanyjasúóllá hát manyjanykícho ka eedhdhíe.

Héberew 9:15

Hééllá ˈdaalle ˈdugaka in Kirísto he af iđiny kaanáállá máállé Waag ubaa gálaat hol higilsuoká yie, giri gál Waag hí ká viiyyeká luolmit biiyo-, Waag hí af iđicheká aargiroká. Kirísto kúfáchlé he kufééllá, he giri gaal hé ˈdeđew-, he af iđiny erkobká gaa hileká ađaabanolle ubaa nyuogimlé kinaal gáál gaa egewká.

Yákob 1:2

Nyaaramchú, manyjasiny ubaa ayaˈginy met hí hol ká eiyyeká il hí argiyyeka, ger midhabká ki eedhdhíe, ger hí gaa meet.

Bétiro Erká 1:4

Héétí kamur ˈdúwa-, ma viinan-, ubaa ma ˈdeđenen-, el met hí ma ˈgiˈginká ha ke aargira. Kamur kinaallá hé Waag hí itín úratí ali kí iđiche.

Yuána Erká 3:2

Sheel chia yú gielallo, muun káána ki um Waaˈgiet. Bár ka chiimetóótíá yaalmit kúnnaa ke kakaatká hátle hé ke muog. Tá Kirísto he hol ká nadheka, hát ke Kirísto yaalmitle kaatká hé ke óg, ˈdaa giri yaalmit muí yaal kinaallá ke il ki argoká.