Héberew 10:32 - Fayam Midhab Yiesu Kiristoká He Hol Af Iđiny Kaanaká

³² Af giri erkob-, Fayam Midhaballá Waag hí kí edhesiche-, hé guđoká il hí aargiˈde-, hí hé kinaal me ki chichirsateká táb ˈdodhdhíe.

Héberew 10:32 ပူးပေါင်းရင်းမြစ်များ

He Ekeny Gál Alb Fimiká 26:18

giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.

Róóma 12:12

Waag hé hí af iđiche-, hí met egetoká, hát geer gaa meentiká ki esée, manyjany hát lulle il hí aargiˈdoká mé ki chiichirtíe, Waag viivitíe.

Korínto ki Naamaká 4:6

Muun Waag tikiˈde kieye, Edhum hí bííy gaa ongʼoˈdeká yé gáá ˈdie, chieká in muun kaskúnno édhúmle gaa iđiche, giri ke mú ˈduuwle oonnootká. Waag ˈduuwlééllá in gálaat hí Kirísto gaa aargira.

Filíbi 3:16

Tá hé súm ˈdúwaká hééllá: Hé ki onodhe-, ki álle nyuoreká kí húgúmkúnno hosot.

Kolosááya 2:1

Aaléka, itín ubaa gál nyaaram ˈjien Lauˈdikew gaa ijoká, tá gál nyaaram kálta innumchú ma árginyká, laat chia yáálle ˈdaakíchoka hí hát ˈdabaanká ˈdú lađaanallá hí kiimisatoká yú fede.

Héberew 12:4

Har káána gál ađaabano ubaa nyuogim hílléká hí maanyjasuoka, laatééllá it fás hí gaa okodicheká mán.

Héberew 5:12

Itín onnônyka aféél it gál gálaat ˈdeeny Waaˈgiet oonisuoká chie, kor káána hátle geđi máá hí ˈdeeny Waaˈgiet onisinyle mé kí kokootká hí hegesete. Itín hát hí um nigini-, een tákámle igian-, ˈguom gogiyyoká kóony aleđuđugulle ma ka ˈdônyká.

Héberew 6:10

Ta Waag hé máá hé ˈdúwaká ma ekemenyká muuniny. Hújích mú ˈdaalleka hí nanniyyeká ubaa gielmit hí mú argisiche-, giri hí mú gálle yiir gaa chichirate-, tá hátle káána úba hí gáál yiir gaa chichiratóóllá hé hí in ma ká baađany.

Héberew 6:4

Gál giri Waag hí fayam Kiristóóllá kí edhesiche-, hé shiicho uratiká óg-, Hím Naasan Waaˈgiet hol chiˈde-,

Yuána ki Naamaká 1:8

Aaléka, hol ˈdeeˈdeemíe, giri hújích hí niiyyééllá hélle hí ma ˈdaabiny-, símísle alulle hí aargiˈdaká.

Kí Edhesiny 2:5

Ebá gielmit kinaal hát hí ˈdabiyyeká táb ˈdodhdhíe, Waag bala ˈdú náa, hé erkob hí nanniyyeká geđi naannáa. Har hát kinaal muuninyka, ˈdaab itín hí Waag bala ma ˈdú níinyká yú ha hí ˈdú gáá yiimedhe, hé kíchia horki-, nyátáá hí ˈdú iđoká ali ha yú gaa egee.

Kí Edhesiny 3:3

Aaléka, hé hí maalle-, hí iiy chieká táb ˈdodhdhíe, hé kinaallá ki kuongʼoˈdíe. Hé kíchia ˈdeđewallá gíl sug ki hayyíe, Waag makan famíe. Tá har hí in eiy ma ˈdeđinyka, onnóo, yú hát máá buraa léká ká yiimedhe, it aadh ˈgás yú gáá yiimetká muog.