Héberew 10:29 - Fayam Midhab Yiesu Kiristoká He Hol Af Iđiny Kaanaká

²⁹ Aaléka háte hí dhaayche? Máá Iny Waaˈgiet eesheyo-, he hol af iđiny fáslé hí dhiireká hé aađa-, ˈdúúw mánká ká dhaˈgasan-, Hím Naasan Waaˈgiet ˈdúˈjím ˈgayyoká méé ˈdeđeneyoká, máá hat kinaallóóllá hé il hí aargiˈdoká kor hát ˈdáb aake?

Héberew 10:29 ပူးပေါင်းရင်းမြစ်များ

Matááyo 26:28

Hééllá he fás chia he hol af iđiny-, Waag ubaa gálle hí hol af iđieká ˈduuwayo-, okodmoot-, gál burnayká nyuogim ubaa ađaabano gaa egewká.

Matááyo 7:6

Haí hé ˈdúwa-, Waag hí léká chier shíiny, chier hí hol ˈdu gáá náan, hí ˈdániny. Haí bier ˈduuˈdúwaká golchom ˈgas met ki okodîny, bier golchom hí ˈdú ˈdídhminy.

Márko 7:2

Gaal Yíésu lalille argeká gáál ˈbáál hátlé gil ma ˈjíanká ˈguom kokoo.

Lúka 12:10

Máá Iny Máádhat ˈdeeny ˈdeewká ki hodhoká, máá kinaallá héllé ˈdeeney kinaal Waag haí haađicha. Tá máá Hím Naasan Waaˈgiet chaaroká hé Waag hí ma haađiny, Waag ˈdéé haí ki iđimicha.

Yuána 10:36

tá háteka, yáá giri ˈJaa chia Waag ye taak kodhdhe-, ye lésal ali ˈdú gáá kaayká, hí ye hatal ka geđichóol? Yú he Iny Waago, yú hí yieká, hí kieye, Kó Waag chaachaˈde! hí ye chegedhóol?

Yuána 17:19

Gaal íín ˈdaalle ˈdugaka in yú dhúrchú ko hol taak kí koy, giri gaal íín úba ˈdeeny kua ˈdúwaká hí ko taak kí kokuoká.

He Ekeny Gál Alb Fimiká 7:51

It met guogo-, hí gerkícho Waag iiy ma ki chegen-, hí nee gaa guogiyyáal! Itín hát hí eshim eshimkícho. Itín bar lullé hí Hím Naasan Waaˈgiet af điđidhanna.

Róóma 16:20

Waag naanná ˈgayyoká Sátan ál ˈjob hai gaa ˈdeđeneyche, mú ˈgas metkícho hai gaa igificha. Aaléka, Máá kúnnaa Guđo Yíésu hí ˈdú ˈjeeˈjeen.

Korínto Erká 11:27

Aalé máá balasha Máá kúnnaa Guđóóllá yaalmit ˈdúwa-, muuninyká ki kokuo-, kulu Máá kúnnaa Guđóóllá yaalmit ˈdúwa-, muuninyká ki igianká, máá kinaallá ađáábo he hile, Máá kúnnaa Guđóóllá gónle ubaa fáslé he ki ˈdeeney.

Korínto Erká 11:29

Har máádhat Máá kúnnaa Guđóóllá gónle ˈduuwle ma kimisan-, tá balashá kuo-, kúlu úba ˈjioká, máá kinaallá ˈdéé ki iđinyo hol mé ki kokoo.

Korínto Erká 15:25

Hé kinaal metle, hát Waag hí muˈdeká mu hé kansím ˈguo, ˈdaab hé hí ka kídhká lulle Waag hí mú kansimle gim ma gaa iđîny-, muí met les ma ki ˈdíinká.

Korínto Erká 15:27

Warˈgat Waaˈgiet kieye, Waag hé he met lulle mú kansimle gim gaa iđiche, he chie. Waag he met lulle mú kansimle gim gaa iđichééllá, he hé kieye, Waag úba mú kansimle gimmo he gaa iđa muuniny.

Korínto Erká 6:11

Itín ˈbaal it hé kinaallá gaa iđe. Tá káána it Máá kúnnaa Guđo Yiesu Kirísto ubaa Hím Naasan Waaˈgiet hí ađaabano kinaal gaa dhiire, hí gál saas mán-, Waag innumleka ˈdúwaká hoy.

Eféso 4:30

Haí Hím Naasan Waaˈgiet geer gaa ˈdeđenêny. Waag hé hí Hím Naasanlé kinaallá ki guyye. Aaléka, Hím Naasan Waaˈgiet afo hí hol yíéđianna, ˈjíig kúlích giri Waag hí gálle gaa riannoká đig.

Eféso 5:26

Kirísto sídhle gáál ˈdú sillíéllá he giri mu gálle ˈjiˈjio-, gáál ˈdeeny Waaˈgiet ki dhiiro-, gáál saas gaa egewká.

Héberew 10:10

Aaléka, hát Waag hí feˈdeká in Kirísto hol sillie, mu gónle suor hoy, suor kinaal hát a tikiˈdeká muun gáál saas ˈdabsiche, gáál Waag gálle hoyche.

Héberew 12:25

Hol ˈdeeˈdemíe. Haí Waag ˈdéé hogotóóllá af đíiny. Gaal af giri máá hí Waag ˈdeenyle lésallá gaa shigieká af điidheká hé he il hí argiyye. Tá muun har ke Waag úr ˈdéé gáá hogoto-, gáál geđichóóllá ke el af gaa tameka, af kinaalka he ˈdaab máre il hí gáál aargiˈda?

Héberew 13:20

Aaléka, Waag Máá kúnnaa Guđo-, ˈdúwa-, wála ˈdeˈdeen-, Yíésu lé-, ˈdaa fásleka he hol af iđiny biiyóóllá ˈduwayallá uushich yé gáá ˈdeeyche. Waag ííni naanná ˈgayyóóllá hí he lullé ˈduuˈdúwaká gerkícho fiiyyo, giri hé midhab muí itín gaa fedoká hí ekemeychoká. Waag hí ˈdaa Yiesu Kiristoka gerkúnno hujich gaa naanniyyo, hí muun gál mú geer gaa memesuoká hoycho. Aaléka, kí Yiesu Kirístóóllá taalle bííyyo meemeyo. Iiy-hí, he hí hát kinaallá yeet.

Héberew 2:11

Máá gálaat saas ˈdaˈdabsuo-, Yíésu lééllá, ubaa gállé saas gaa egewká lúl ˈJaag hí tikiˈde. ˈDaa kinaallá ˈdugaka in mu gál saas gaa egewallá, Nyaaramchú, yegetká kernle hí ma ˈgiˈgin,

Héberew 2:3

Tá fayam ˈdúwa-, gáál rubach shigichóóllá hé hemuumurit kinaal súm ˈdú ˈdúwa. Máá kúnnaa Guđoká hé dhúrle gálaat fayamééllá ki ˈdiiyime, tá gál fayamééllá maaleká hé fayám hát ˈdúwaká muun gáál ká geey. Aaléka, muun har ke fayamééllá gíl sug ki hayka, af kinaalka háteeye ke he il ká argisiny met kar gaa ˈdarama?

Héberew 4:14

Aaléka, ˈdaa giri ke Máá Guđo-, méte suoryo-, úr mé nie-, Iny Waaˈgiet Yíésu lééllá ke ˈgúóllá, iiy yeen ke mú ka ˈgúóllá kí tág chirat.

Héberew 6:4

Gál giri Waag hí fayam Kiristóóllá kí edhesiche-, hé shiicho uratiká óg-, Hím Naasan Waaˈgiet hol chiˈde-,

Héberew 6:6

tá Waag af gaa tameká, hé hát níínní gaalí hol ká nuo-, Waag makan faanká mán. Gaal íín dhúrle geđi Kirísto he ˈgór đarám yaalká ˈdú ˈdoy, mú gálaat met gaa eeshey.

Héberew 9:13

Yaalmit kissoká fás aiyiet ubaa fás aar rúóreká, tá maaˈd gaalí ˈdunayká egle gál suoryoká hí gál saas ˈgieká ki ˈdarame, giri gáál gónle saas gaa dhidhiˈdoká.

Héberew 9:20

kieye, Hééllá he fás he hol af iđiny-, hemuumuritle Waag hí itín ki muˈdeká, muí gáál yie.