Héberew 10:27 - Fayam Midhab Yiesu Kiristoká He Hol Af Iđiny Kaanaká

²⁷ Gál hatallóóllá hé hí kí ˈgiteká he ˈdeeny biiy met gaa igiro-, Waag hí gáál ki iđimichoká ubaa ˈjiet bolo-, gál Waag ka kídhká af ki shugunatká siermlé hí kí ˈgisate.

Héberew 10:27 ပူးပေါင်းရင်းမြစ်များ

Matááyo 13:42

gáál ˈjiet biiyoká hai fafaa. Hé kinaallá he ál gaalí gaa bebeen-, gaalí kach hol a met gaa ˈginianká.

Matááyo 13:50

gaal gál hé nyakarichká gaa seseenká ˈjiet biiyoká hai fafaa. Ál kinaallá he ál gaalí gaa bebeen-, gaalí kach hol a met gaa ˈginianká, Yíésú hí gáál yie.

Matááyo 25:41

Aalé mu ede hí gíl ˈdaallé ˈjíbach ijoká hai geđia, kieye, It Waag hí điitéel! Ye láá gaa kée, sedhíe, ˈjiet biiyo-, Waag hí Sátan ubaa gállé ˈgassoká met tág koyyeká hiláa.

Matááyo 3:10

Aaléka, Waag hé yerellé alléká tág ká chirate, ˈguor đuur ˈdú koyye. Ameeny ˈgór saano midhabká hí ma gáá higisinyká lulle ali ha muí gaa muura, ˈjiet ha muí gaa verene.

Matááyo 3:12

Aaléka mu hé múchlé sííndí ki tutunoká gíl ká ˈguo. Mu sííndí tuneka, ál sííndí ki tune kinaal hai gaa hegedhe, sííndí buit hai faadhdha, tá sííndí metle íín ˈjiet ma kufuminyká hai gaa verene, Yuána hí gáál yie.

Matááyo 8:29

Gaal Yíésu ubaa lalille argeká koˈdam ˈdoy, kieye, Kó Iny Waaˈgietal, meete ke hol ká ˈgaa? Ál kachimíél aleđuđugul hátlé ali ma kí ˈdíinyká nyí maanyjasicha? gaalí yie.

Lúka 16:24

Aalé mu Abirááyam vie, kieye, Baabá, Abirááyam, geer hí ko ye ˈdú guat, Lasááro ali gáá káab, muí gúmúríny mé er bie ki gadho, hí ye ére bie đig ki yeet, gon hé tág ye boloyye, yie.

Lúka 19:27

Aaléka, gál halúgallo ye ka kídh-, yú kánsíchle yegetká ma fedinyallá ka shuunáa, met chiallá ka sidháa, yiesíe, muí yie, Yíésu hí gáál yie.

Lúka 21:26

Hé lésallá gaa ˈdeđenetká ˈdugaka, gálaat sierm haí faanna, sidham hai gudmita, ˈdaa giri hé farguogo-, úr gaa ˈgieká Waag hí muotisichoká.

Lúka 23:30

Gaal gumano hai geđia, Nyí ˈdú ˈdanáa! hai yeedhe. Héétí úba gurm hai geđia, Nyí yúa! hai yeedhe.

Yuána 5:29

yiem ká ˈdeˈdeen-, gál hé ˈdabaanká eekemeyká rubach aargiro-, gál hé ˈdeđewká eekemeyká íín ˈdéé ki iđiny il hí aargiˈdoká, Yíésu hí gáál yie.

Héberew 12:25

Hol ˈdeeˈdemíe. Haí Waag ˈdéé hogotóóllá af đíiny. Gaal af giri máá hí Waag ˈdeenyle lésallá gaa shigieká af điidheká hé he il hí argiyye. Tá muun har ke Waag úr ˈdéé gáá hogoto-, gáál geđichóóllá ke el af gaa tameka, af kinaalka he ˈdaab máre il hí gáál aargiˈda?

Héberew 12:29

Hééllá he ˈdaa giri Waagkúnno he hát ˈjiet he af ki shugunatoká.

Héberew 2:3

Tá fayam ˈdúwa-, gáál rubach shigichóóllá hé hemuumurit kinaal súm ˈdú ˈdúwa. Máá kúnnaa Guđoká hé dhúrle gálaat fayamééllá ki ˈdiiyime, tá gál fayamééllá maaleká hé fayám hát ˈdúwaká muun gáál ká geey. Aaléka, muun har ke fayamééllá gíl sug ki hayka, af kinaalka háteeye ke he il ká argisiny met kar gaa ˈdarama?

Héberew 9:27

Aaléka, máádhat a tikiˈd tákáma he ki kufuma, tá hé kinaal el ˈdaalka hé ˈdéé ki iđiny hí egeto.

Yákob 5:3

Hórkíkícho ubaa birmkícho hé kosoyye. Kósle he ˈdúúw ˈdú ˈdímkícho, héétí hát ˈjietka, gón kíchia kokoo. Bííy barallo-, káána-, el met hí ˈgiˈgidhóóllá kamurkícho it guorchaam ki chie.

Kí Edhesiny 20:15

Aalé ameeny máá meenyle Waag hí warˈgat luolmitiká ma gaa véériny-, warˈgát gaa mánká bás ˈjieteká Waag hí ki layye.