Héberew 10:25 - Fayam Midhab Yiesu Kiristoká He Hol Af Iđiny Kaanaká

²⁵ Hát káána gáál ˈbaal hí ekemeyóóllá ha ke hol ˈdú síé hâny, kí hol ˈdú seeseen-, kí hol guogofsuo. Biiy el ˈdaˈd hát ka ˈjobonte-, ke kimitééllá kí hol súm guogofsuo.

Héberew 10:25 ပူးပေါင်းရင်းမြစ်များ

Matááyo 10:15

Yú hí hé ˈdúwaká geeye, kúlích gálaat Waag hí ˈdéé ki iđimichoká ali kí ˈdiiyyeka, gál eny kinaalloká manyjany il hí aargiˈdoká hé tág ˈdeew! Manyjany gál ˈjien Soˈdom ubaa gál ˈjien Gomora il hí aargiˈdoká úba ˈdiefiyya.

Matááyo 18:20

Gáál naam yíekaʼ, seđ yíekaʼ, ˈdaa meenychúka me hí hol argeka, yáá hurt gaa ijo, Yíésu hí gáál yie.

Yuána 12:48

Máá ye điidho-, ˈdeenychú iiy ma yeenká, hé héllé giri hí kúlích biiy el ˈdaˈdká gaa ˈdeđenset-, hí ˈdéé ki iđimuoká ˈguo. Hé kinaallá he ˈdeenychú.

He Ekeny Gál Alb Fimiká 16:16

Kulich tikiˈd ál gaalí Waag gaa vivisat kinaal nyí seseenneká ini gedech aryáán hí hille-, mé ki rafananne mare nyí hol met kí ˈdoyye. Ini mé ki rámlé kinaallá gállé guguđoká kaamurasiche.

He Ekeny Gál Alb Fimiká 2:1

Kúlích ˈjila Bentekos ali kí ˈdiiyyeká gál alb fimi kinaal lulle ˈbíllo he gaa ije.

He Ekeny Gál Alb Fimiká 2:42

Gál Yíésu iiy yie kinaallá aalé đo gál alb fimiká hol af yíéđie, gáál he onisinyle nee kuokoy, gáál balashá hol ˈgar goolmote, tá hol Waag ˈgar viivite.

He Ekeny Gál Alb Fimiká 20:7

Rám tiiyaká kúlíchlé erká nyí hol ˈdu gáá chimie, giri nyí balashá ˈgieˈgicha-, nyí gólól Máá Guđoká hol ˈgar golmosotoká. Aalé ˈdaa giri Báulo biiy ká biˈdeka kekeenká mu gálaat ˈdeeny Waaˈgiet onisie, ˈjíig chúúre hurtáka.

Róóma 12:8

Mu har héllé shiichoká gálaat guofsiny kátaka, hí gálaat ˈdaa Waaˈgiet ki guogofsuo, har héllé shiichoká gálaat kuol gaa chiran kátaka, hí geer gaa midhánt gálaat he ki shiiguo. Mu har héllé shiichoká gálaat hujichaamle mé ki yaalít kátaka, hí aadh lulle tág yaal, har héllé shiichoká gálaat geer guurá argisiny kátaka, hí hodhin midhabká gálaat ki aargisuo.

Korínto Erká 11:20

Af giri hí hol af ká yíéđiannoká, kerka gólól Máá Guđoká hí kokonyo, kor it hé kinaal hát ˈduwantiká ma ekemeny.

Korínto Erká 14:23

Kálmaréélka, it Kiristoká lulkícho hí hol ˈdu gáá chimie-, lulkícho hí afano Hím Naasan Waaˈgiet yé gáá ˈdeˈdeenká hogotoka, tá gábáríchatí, muuninyka, gál Kirísto iiy ma yéenká hí hurt ká hileka, gaal hé gál sigiraam hí fameká hí ma ká dhaˈgaminy?

Korínto Erká 14:3

Tá gál Waag hí ˈdeem ká shigicho-, ˈdiyeenká íín gálaato geđia, ˈdeemle gálaato ˈdiˈdisa, gogofsia, úba aabunsia.

Korínto Erká 3:13

Kúlích ˈdéé ki iđinyká ali kí ˈdiiyyeka, gálaat lulle hujichaamlé nieká ˈduuwle hai ká eedhee. Hééllá hé hí ká eedhesuoká he ˈjiet hujichaam kinaallá ˈjeˈjeen-, gálaat hujichaamle ˈduuwle eiy nanniyyoká.

Korínto Erká 5:4

Aalé Máá kúnnaa Guđo Yíésu meenyle ˈdugaka me hí hol argeka, af kinaallá hát it ke hol af ijo. Af kinaallá Máá kúnnaa Guđo Yíésu fargogintle ˈdaalleka máá hééllá ekeyallá kí Sátan gíl geer gaa kaaw, giri mú gónle Sátan hí ˈdeđeneycho-, tá kúlích Máá kúnnaa Guđoká hí gáá ˈjeenká Waag mú sídhle rianká.

Filíbi 4:5

Af gáá abuntkícho gálaat lulle hí argo. Máá kúnnaa Guđoká ˈjímle hé tág ˈjób.

Dhesaloníke Erká 4:18

Héétí aaléka, hol ˈdéé hótééllá ki guogofsía.

Dhesaloníke Erká 5:11

Aaléka, hát káána hí gaa iđa-, hí ekemeychóóllá, hol guogofsía, hol yiir gaa chiichiˈdíe.

Héberew 10:24

Ebá kí hol met ká ˈguo, giri ke hol gogofsuo-, ke gielmít ˈguo-, ke he ekeny midhabká ekemeyoká.

Héberew 10:37

Warˈgat Waaˈgiet kieye, Máá ka yiimetká ˈjobintéél hai gáá yiimedhe, hé biiy ma chochony.

Héberew 13:22

Nyaaramchú, ˈdéé hót chia gáá gaaw-, yú hí ˈdu gáá veere-, yú hí ki gogofsúóllá ger midhabká ki eedhdhíe.

Héberew 3:13

Aadh lulle, Biiy hátlé ke kúlíchallá, ke yegetallá hol guogofsía, giri itín mú tikiˈd ađaabano điđamle hí mé ma googononyká.

Yákob 5:8

Máá Guđoká ˈjímle hé ká ˈjobondhe. Itín úba hol táa, iiy yeenkícho tág chiˈdíe.

Bétiro Erká 4:7

He lulle el mé ˈginle hé ká ˈjobondhe. Aaléka, tagano ˈdée, kas hí Waag ki vivisatoká ˈgáa.

Bétiro ki Naamaká 3:11

Aaléka, ˈdaa giri Waag hí he lulle hatal ki beđisatkáka, itín kor it gál hát máre ˈgie? Itín onnônyka hát saas manti-, yaalmitle Waag geer gaa memesichoká hí ká yíéđianna,

Bétiro ki Naamaká 3:14

Aaléka, sheel chia yú gielallo, ˈdaa giri hí hééllá met egetoká taalle laađamíe, giri kúlích ka chiimetóótíá hí Waag met ki ˈdeenno-, hí geer ka ˈjakarany mán-, Waag hí gál saas ubaa ˈdeensen mánká ka dhaˈgasannoká.

Bétiro ki Naamaká 3:9

Waag héllé gáál af iđicheká gáál ˈbaal tala ki manítaka, íín he af iđinylé kinaallá hé tala ma gaa mannany. Waag ˈdaa kíchoka hé geer gaa guđo, gálaat lulle hí makan fafaanká he feˈde, hé máádhat hol eiy gaa ˈgiˈgisatká ma fediny.

Yúúa 1:19

Gálallá he gál giri hí eiy ˈgiˈgidhuo-, hinyamlé gonnietká tákámle el gaa igiro-, Hím Naasan Waaˈgiet mánká.