Héberew 10:22 - Fayam Midhab Yiesu Kiristoká He Hol Af Iđiny Kaanaká

²² ha ke geerka ˈjakarany ˈgíiny, kí iiy yeen ˈduwantiká ˈguo, kí Waag met siet. Kirísto hé gáál fásle ki ˈdoy, saas ke óg-, ke ˈgíéllá hé gáál gaa dhiire, héétí mu hé gónkúnno bíé midhabká ki ˈjie.

Héberew 10:22 ပူးပေါင်းရင်းမြစ်များ

Matááyo 3:11

Yú it giri hí hé ˈdeđewká hayche-, hí Waag makan faannééllá, in hí bie gim nannaa. Tá Máá ye biiy el gáá ˈjeenká hé ye far ˈdú gogo. Yáá ˈduuw ˈguo-, mú koiy ˈgas gaa furoká mán. Mu íín Hím Naasan Waaˈgiet ubaa ˈjiete hí gim nannaa.

Lúka 1:1

Kó súm ˈdúwaʼ, Tíáfeles lééllo, gál burnayká hé hib hélle gáál hurt yé gáá ˈdieká hol ˈdú shuune, veere.

Yuána 3:5

Yíésu mú ˈdéé hol ˈdú nie, kieye, Yú ko hé ˈdúwaká geeye, máádhat ˈdaab bie ubaa Hím Naasan Waaˈgiet ma kí ˈdaláanká hé hát níínní Guch Waaˈgiet higiloká mán.

Yuána 8:9

Aalé gál min ka ˈgiliˈgayká héél maaleká hát taataká eiy yíé ˈdeeˈdeme, karu erkob yíé ˈdie, ˈjíig gaal lulle el gaa ˈgidhe. Yíésu ubaa min tákámle nyesebich hurt kí ˈgite.

He Ekeny Gál Alb Fimiká 22:16

Aalé káána meete egete? Les gaa keʼ, mú ki búoy, gaalí ko bie gim nuo, ađááb hí ko yé gaa ˈdiiyyo, muí ye yie, Báulo hí gáál yie.

He Ekeny Gál Alb Fimiká 8:21

Kúún kó ˈdeenyééllá hé níínní gaa léká mán, ˈdaa giri káskú he Waag gaa fágká.

Korínto Erká 6:11

Itín ˈbaal it hé kinaallá gaa iđe. Tá káána it Máá kúnnaa Guđo Yiesu Kirísto ubaa Hím Naasan Waaˈgiet hí ađaabano kinaal gaa dhiire, hí gál saas mán-, Waag innumleka ˈdúwaká hoy.

Korínto ki Naamaká 7:1

Nyaaram chia yú gielallo, ˈdaa giri Waag muun gáál hééllá lulle af iđicheká, ameeny hé ˈdeđew-, gón gelle ubaa sídh gelle gaa ijo-, muun gáál ˈdeđeneyoká lulle kí hol gaa dhiiro, kí Waag kiikiat, kí gál Waag hát ˈdabaanká ennianká yeet.

Eféso 3:12

Múúni giri ke Kirísto hol liledhe-, ki mú iiy yieká, hát ke bineneny ubaa ki naan mán-, ki Waag met ki ˈdeˈdeenká hé ke uro.

Eféso 5:26

Kirísto sídhle gáál ˈdú sillíéllá he giri mu gálle ˈjiˈjio-, gáál ˈdeeny Waaˈgiet ki dhiiro-, gáál saas gaa egewká.

Eféso 6:5

Géde, hát hí Kirísto af ˈduuwasicháállá, gál kíchia lesallo-, híllé-, hí he gaa mumuroká, hát ˈduwantiká af ˈduuwasía, kiikiadhíe.

Tímote Erká 4:2

Gál hođomlé-, hol gál ˈduuˈdúwaká hođúóllá hé gál hé ˈdúwaká ubaa hódhoká hol ká muogká yie.

Títo 3:5

Rúbáchallá hé hé kúnnaa midhab-, ki eekemeyká ke ˈdaalle ma ki árginy. Rúbáchallá mú geer guurallé ke ki arge, in mú Hím Naasanle gáál ˈdalmaat kaanaká shiiche, gáál dhiiˈde, ke luolmit kaanaká arge.

Héberew 10:1

Suoryam hemuumuritlé Móshe hí gáál shieká he hé midhab-, ali kí ˈdíéllá yaalmitlé he ká yiel, tá he hé hééllá tuuˈdle muuniny. Suoryam warram lullé gaalí gaa ˈgaˈgale, tá suoryam kinaallá hé fargogint níínní gál Waag bala ˈdú nannieká gál saas mánká hođicheká mán.

Héberew 10:19

Aaléka, nyaaramchú, fás Yiesu ˈdaalleka muun Ál Súm ˈDúwa-, Kiato uratíítíá hát sierm mantiká ke higila.

Héberew 11:28

Mú iiy yeenle ˈdaalleka in mu gál Yisirayel ˈdéé ki mure, giri ˈjila máá ˈgasso-, urru-, Waaˈgietká hí gáál ˈdug gaa nadheká henaasanle gaalí mé gáá kokoot-, fás aiyiet gaalí é af ki lillioká. Fás gaalí é af ki lillíóllá he ˈdaa giri máá ˈgasso-, urru-, kúfach gil ka ˈguo kinaal gáál umlé yaab-, erká ma yegesinyká.

Héberew 12:24

It he hol af iđiny kaanáállá máállé múún ubaa Waag gáál hol higilsuo-, Yíésu lééllá ubaa mú fáslé muí gáál ki ˈdaraanká úba ˈdú gáá chimie. Yíésu fásle rúbách he hogodhóóllá hé hala fás Abel hí hogodhóóllá ˈdú ˈdúwa.

Héberew 4:16

Aaléka, kí Waag karallé kansimo-, álle ke ˈdúˈjím gaa aargiroká hát sierm mantiká ˈdú siet, giri muun ke Waag geer guurá ubaa ˈdúˈjím gaa aargiro-, tá Waag aleđugul giri tagléká muun gáál gíl kí helmichoká.

Héberew 6:11

Itín hé ke hí gaa fedoká, he giri ˈdaab hí les ˈdug ˈdú iđáállá yaalmit kíchia gielmitííllá taalle hí ki iđa-, hé biiy meto-, hí súm egeteká hát ˈduuwawká hí met gaa ógká.

Héberew 7:19

Hemuumurit kinaallá hé hé níínní hát ˈdabaanká đuđusicheká mán. Aalé káánaka, ˈgíérích éíy taaka-, ˈgíérích kisso kinaal súm ˈdú ˈdúwa-, ke iiy yegetká hé Waag hí muun gáál ka shiiche. ˈGíéríchallá in muun gáál Waag kí ˈjoobonoyo.

Héberew 9:10

Henaasanééllá taalle hé koonyiet, ubaa hé imi, tá bie gim naan met hí hol ká eiyyeká ˈdaallé he ki taalla. Atimééllá in gálaat hí el gaa igire, ˈjíig Waag gáál ˈgíérích kaanallóóllá yé kí ˈdeeyche.

Héberew 9:19

Af giri Móshe hemuumurit Waag hí shiicheká ˈdeemle lulle gál Yisirayel geeyká, in mu wala búrká dhúrle ubaa hísob ráshle shuunne, fás aar rúóreká ubaa fás aiyiet bie hol ˈgieká ki tie, warˈgat hemuumuriti kinaal ubaa gaal íín lulle ki ˈdoy,

Yákob 1:6

Máá Waag rogononká íín hai Waag ki nannáan, mu hí iiy yeen ˈguo. Máá Waag ki nannaatká hát bárán waanich hí hol gaa sisidho-, mé lođuđugul he ki ˈdaraanká mánká.

Yákob 4:8

Waag kí ˈjobondhíe, Waag íín úba haí kí ˈjoobonto. It ađaabano ˈgayyáállo, gil ˈjidhdhíe! It ger hí nanamáállo, hol hé ˈdeđewká ka ridhdhíe!

Bétiro Erká 1:2

ˈJaa kúnnaa Waag kíssóótí hé hí kasle ká ˈgie, in hí waaˈde. Mu hí Hím Naasanle taak ki kodhdhe, giri itín hí Yiesu Kirísto met gaa kekeenno-, hí fás Kiristo gim nannaatoká. Waag hí taalle ˈdú ˈjeeˈjeen, hí naanna guđoká shiigicho.

Bétiro Erká 3:21

Yaalmit kinaallá héllé ke hol ki ekemeyoká he bie gim naan ubaa hát Waag hí rubach shiicheká. Bie gim naanééllá hé bíé hí hol símis ki dhidhiˈdaká muuniny. Bíéllá he yaalmit máádhat hí kasle hát Waag hí feˈdoká gaa iđimuoká. Máádhat af giri Yíésu iiy yie-, mú uushich yé gáá ˈdímle úba iiy yieká in Waag hí rubach shiiche.