Héberew 10:20 - Fayam Midhab Yiesu Kiristoká He Hol Af Iđiny Kaanaká

²⁰ Waag hé ˈgíérích kaana-, luolmitiká muun gáál ká shiiche. ˈGíérích kinaallá Ál Súm ˈDúwa-, Kiato-, Waaˈgiet-, đafar hí af gaa tiel-, gálaat ka momoycheká he gáál nie. ˈGíérích kinaallá he Yiesu Kirísto tuuˈdlé.

Héberew 10:20 ပူးပေါင်းရင်းမြစ်များ

Matááyo 27:51

Tíkíˈdé kinaal đafar ˈBíl Waaˈgiet-, ˈbíllé geereká af gaa tielká eiy lođuđugul fuate, mé đig, el đig. Les motiyye, nyataabano eiy baabame,

Márko 15:38

Aalé đafar ˈBíl Waaˈgiet-, ˈbíllé geereká af gaa tielká eiy lođuđugul fuate, mé đig, el đig.

Lúka 23:45

Aadh ˈgas seđe kinaallá biiy hé édhúm aadho mannayye. ˈBíl Waaˈgiet ˈbíllé biiy geereká đafarlé hí af gaa tielká eiy lođuđugul fuate.

Yuána 10:7

Aalé Yíésu geđi kieye, Yú hí hé ˈdúwaká geeye, yú he wála kárlé.

Yuána 10:9

Yú he kar, máá ye ka naatká rubach hai aargira. Mu ˈdeey hai ká higila, kor yíé hai ˈdeeme, hai ˈdeedhme.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

Eféso 2:15

Mu hé hemuumurít ubaa nyatalaam gál Yuuˈdi-, gáál hol nebesicheká kúfáchle úba ali ki koy. Mu hééllá ekeyallá, he giri gál met hí naama-, hol ka kídh onnoyká mú ˈdaalleka, hol ˈdú fafaan-, gaal tikiˈd yegetká. Mu hatallá in gáál hol shimít ki mure.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Héberew 6:19

Rúbách biiyo-, ke met egesóóllá he hé fargogo-, ke ˈduuwle óg-, gáál el mé les ki chichirat-, ke ma wawaminy-, ke Ál Súm ˈDúwa-, Waag hí gaa iđoká higiloká.

Héberew 9:3

Đafar ˈbíl toom gaa tielká sugle he ˈbíl geer ki naamaká. ˈBíl geer ki naama kinaallá Ál Súm ˈDúwa-, Kiatoká gaalí yegie.

Héberew 9:8

Henaasanééllá ˈdaalleka Hím Naasan Waaˈgiet hé gáál ka geđichoká he giri bár ˈBíl ˈbaaro Waaˈgietallá he les gaa ijeká Waag hé Ál Súm ˈDúwa-, Kiato-, uratiká ˈgíérích gálaat hí ki higiloká hátle gálaat ma kí edhesînyká.

Bétiro Erká 3:18

Gálaat héllé ˈdeđewká ađaabanolle lulle ˈdugaka, Kirísto af tikiˈde hí ˈdú kufe. Máá saas níínní-, ˈguo-, mán kinaallá gál saas ˈguoká he ˈdú kufe, giri gáál Waag ˈdú egewká. Mú gonno gaalí gáá yies, tá Hím Naasan Waaˈgiet hé mú loolnoyche.

Yuána Erká 4:2

Gaal har gál Hím Naasan Waaˈgiet ˈdéé ki hogodhoká kátaka, hát ke eiy naasatká hééllá: Ameeny máá hééllá ˈdúúw hođisat-, kieye, Yiesu Kirísto hé gon kaadhdhe, lésallá gaa ˈdalidhe, yegetká, máá kinaallá Hím Naasan Waaˈgieto he ˈdéé ki hogodho.

Yuána ki Naamaká 1:7

Yú hí hatallá geđúóllá he ˈdaa giri gál burnay-, gálaat baađisuo-, Yiesu Kirísto hát gon kaadhdhe-, ka ˈdalidheká iiy ma yegenká les gaa seseenká. Gál hatallóóllá máálle he máá gálaat baađisuo-, Kirísto ka kidhichká.