Héberew 10:1 - Fayam Midhab Yiesu Kiristoká He Hol Af Iđiny Kaanaká

¹ Suoryam hemuumuritlé Móshe hí gáál shieká he hé midhab-, ali kí ˈdíéllá yaalmitlé he ká yiel, tá he hé hééllá tuuˈdle muuniny. Suoryam warram lullé gaalí gaa ˈgaˈgale, tá suoryam kinaallá hé fargogint níínní gál Waag bala ˈdú nannieká gál saas mánká hođicheká mán.

Héberew 10:1 ပူးပေါင်းရင်းမြစ်များ

Róóma 8:3

Hemuumurit Waag hí gál Yuuˈdi ka shiicheká hé fargogint níínní ˈgayye-, múún gáál ađaabano gim yé gáá ˈdeđicheká mán, ˈdaa giri balt gónkúnno hemuumurít a mé kí ˈjiiyyeká. Tá Waag íín dhúrle hé gáál ađaabano gim yé gáá ˈdeeyche! Mu Inyle múúni ke ađaabano ˈgúóllá gáál ali ˈdú gáá kaay. Iny gón gálaato kí yimie. Waag hé Inylééllá suor hoyche, ađaabano gálaat ˈdeentle ˈdú iđiche.

Kolosááya 2:17

Nyatalaam hat kinaallóóllá he hé geđ igire-, káána ali ki ˈdíéllá yaalmisanollé. Hé ˈdúwaká íín Kirísto.

Héberew 10:22

ha ke geerka ˈjakarany ˈgíiny, kí iiy yeen ˈduwantiká ˈguo, kí Waag met siet. Kirísto hé gáál fásle ki ˈdoy, saas ke óg-, ke ˈgíéllá hé gáál gaa dhiire, héétí mu hé gónkúnno bíé midhabká ki ˈjie.

Héberew 7:11

Émeeny Levi hemuumurit Móshe hí shieká he giri gaal gál suoryo-, yeget-, hújích suoryoká lulle nannuoká muunîny? Tá har hújích gál suoryo-, Levi kinaal gálaat ađaabanolle lúl gaa dhidhireka, Waag háteeye geđi máá éíy taaka-, suoryo-, hát Melkíseˈdeg-, hídh máá Levi-, Aaronlééllá yé ma gáá ˈdíinyallá ká eeyye?

Héberew 8:5

Gál suoryóóllá ˈbíl he hujich gaa nannuoká ubaa hújíchlé nannuoká hé úr gaa ijoká he hol ki ekenyle ubaa yaalmitlé he ká yaalla. ˈDaa kinaallá ˈdugaka in af giri Móshe ˈBíl ˈbaaro Waaˈgietká ˈdiˈdiseká Waag hí geeyche, kieye, ˈBíl chia ye kí ˈdiˈditóóllá yaalmit lulle yú ko gúm álle kí edhesieká tákámle kí ˈdis, chie.

Héberew 9:11

Aalé káánaka, Kirísto hé Máá méte suoryo-, he lullé ˈdabaan-, yé ka ˈdíéllá máállé hí mé ki yaalká yie. Mu hé ˈBíl ˈbaaro-, ˈdúwa-, urati-, gálaat hí ma ˈdísiny-, lés Waag hí ka kuonnééllá ma ˈdú yaalinyká hile.

Héberew 9:23

ˈDaa kinaallá ˈdugaka, ˈBíl ˈbaaro Waaˈgiet les ˈdú ije-, ubaa héllé hí gaa ije-, hé uratiká ka yaalallá suoryam fásle hí dhidhireká he hegete. Tá ˈBíl ˈdúwa-, Waaˈgiet uratiká suor suoryam aanyiet far ˈdú gogiyyoká he hegete.

Héberew 9:25

Mu úratíá hilééllá, geđi suoryó hol ká hođia muuniny. Mu hé hát máá méte suoryo-, fás fásle muuninyká egeet-, Ál Súm ˈDúwa-, Kiato-, lesalloká wár tikiˈdeká a tikiˈd ki higiloká muuniny.