Héberew 1:2 - Fayam Midhab Yiesu Kiristoká He Hol Af Iđiny Kaanaká

² Tá biiy el ˈdaalka, Waag ˈdeemlé muun gáál ka geeycheká ˈdaa Inylé he ká niiyye. Iny Waaˈgietallá he máá he met lulle liiletká Waag hí hoyche. Mu úba he máá ˈdaalleka, Waag hí he met lulle kí kuonneká.

Héberew 1:2 ပူးပေါင်းရင်းမြစ်များ

Matááyo 13:39

Kídhích iish sííndí totom gaa fieká he Sátan ííni. ˈGuom mé ˈdony íín he kúlích biiy el ˈdaˈdká. Tá gál ˈguom mé ˈdaraanká íín he Waag gállé ˈgasso-, urruká.

Matááyo 17:5

Aalé mu hátle ˈdéé af ká ˈgaa, nyáˈdów édh gogoká gáál buanne, gaal ˈdéé hót nyáˈdow gáá ˈgisate-, kieye, Hééllá he Iny chia yú giel-, ye geer gaa meeyká. Mú af nee kóo, chieká maale.

Matááyo 21:38

Aalé gál giri muí les af iđieká mú inyle argeká hol geey, kieye, Máá lesallá léká inylé hí aˈjibaatle higiloká hállá. Ka yimedhíe, kí mú yees, kí lés lilet, gaalí hol yie.

Matááyo 26:63

Yíésu íín taalle shab yie. Aalé máá méte suoryoká Yíésu geey, kieye, Ebá Waag bííyyo ali iđoká ˈdúo, nyí ka géesh, har kúún he Messíya, Iny Waaˈgiet kátaka, mú yie.

Matááyo 28:18

Aalé Yíésu lalille kí ˈjobondhe, mu gáál geey, kieye, He lullé uratiká ubaa he lullé lesietká hé Waag hí ye mé ki koyye.

Matááyo 3:17

Aalé ˈdéé hót úr yé gáá ˈdiiyye, kieye, Hééllá he Iny chia yú gielká, mu hé tág ye geer gaa meey, chie.

Márko 1:1

Hééllá Fayam Midhab Yiesu Kiristo-, Iny Waaˈgietká mé gáá koonlé.

Márko 12:6

Máá muí ali ma gaa káany-, ká ˈgiteká tikiˈde. Máá kinaallá he mú inylé gelaamká. Mu inyle gáál el ˈdaˈdo ali gaa kaay, tawunyleka kieye, Gaal inychú hai kiadha, yie.

Márko 12:7

Gál giri muí les af iđieká íny argeká hol geey, kieye, Máá lesallá léká inylé hí aˈjibaatle higiloká hállá. Ka yimedhíe, mú kí yees, les kí lilet, gaalí hol yie.

Yuána 1:10

Édhúmallá hé lésallá gaa ije. Mu íínííllá har úba les hí ˈdaalle ká naate-, les hí ki iđoka, les gálle hé mú ali gaa moonnodhe.

Yuána 1:14

Aaléka, Máá gaalí ˈDéé yegetallá máádhat yie, múún gáál hurt gáá yíéđie. Mú guchlé ˈdúˈjím ubaa ˈduuw guđoká ˈgayyóóllá íl kínyaa nyí ki argiyye. Guch muí ˈgúóllá he ˈdaa giri mu íín he Iny ali ka takach-, ˈJaalle Waagká.

Yuána 1:3

He met lullé Waag hí ká kuonnééllá mú ˈdaallé he ká nadhe, ki ija. Máállá muuninyka, he met lullé úr ubaa les gaa ijóóllá hé onnônyka mán.

Yuána 13:3

Yíésu hát ˈJaalle hí he met lulle gíl geer fie-, íín Waag gáá yimie-, kor Waag hol ˈdú nannaatká hé onnoy.

Yuána 13:32

Waag mú ki ˈduwayyeka, af kinaalka Waag íín đo ál ˈjob mú hollo hol ki ˈduuwaycha.

Yuána 15:15

Yáá geđi hí géde ma yegen, ˈdaa giri gedech máállé hí hoteká héllé ekemeyoká muogká. Yáá káána hí sheelchú yie, ˈdaa giri he lullé yú ˈJaachú gaa maaleká, yú hí geeyká.

Yuána 16:15

He lullé ˈJaachú hí léká, héchú. ˈDaa kinaallá in yú kieye, Hím Naasan héchú met hai ye gáá egeete, haí ˈdu gáá siita, eiy haí kí nanniyya, yú hí yie.

Yuána 17:2

Kuun kó kansim yáá Iny kuallá hí gálaat lulle he ki mumuroká ye shiiche, giri gál ye ka shiicheká lulle yú luolmit biiyoká shiguoká.

Yuána 3:16

ˈDaa giri Waag gálaat lullé les gaa ijoká súm gielká in gáál Inylé ali ka takachká ká shiiche. Máá Íny iiy yeetká sídhle hé ma baađany, taalle luolmit biiyoká hai gaa yíéđima.

Yuána 3:25

Aalé Yuána lalille ˈbaal ubaa máá Yuuˈdi mare hol ki fáláám dhiiritiká hí yé gáá ˈdiiyye,

Yuána 5:26

Íny ˈJaalle dhúrle hát fargogint gálaat luolmít ki shiguoká ˈgúóllá, in Inyle fargogint he gálaat luolmít ki shiguoká shie.

Yuána 5:27

Hé úba Íny hemurit máálle gálaat ˈdéé ki iđimuoká shie, ˈdaa giri Iny he Iny Máádhatká.

Yuána 9:29

Móshe hát Waag hol geđieká nyáá nyí óg, tá máállá ál he gáá yimieká nyáá nyí muog, gaalí mú yie.

He Ekeny Gál Alb Fimiká 10:36

ˈDeeny Waag hí gállé Yisirayelká ali ˈdu gáá kaayyeká it óg. ˈDeeny kinaal he Fayam Midhab naanna-, ˈdaa Yiesu Kiristo ka naateká. Yiesu Kirísto kinaallá he gálaat lulle Máállé Guđoká.

He Ekeny Gál Alb Fimiká 2:17

Waag kieye, Bár giri biiy el ˈdaˈd hí ká ˈjoobonotká Hím Naasanchú gálaat lulle ha yú ˈdú leesia. Nyígéénykícho ubaa hadakícho ˈdeeny yú shiguoká hai ˈdiyime, gál kíchia rúóre yaabká ˈdeeny ˈdaachú yé gáá ˈdeˈdeenká hai aargira. Gál kíchia káru yaabká amádh ha yú shigia, hai aamadhma.

Róóma 1:4

Inyáállá Hím Naasanle he Hím Naasan Waaˈgiet. Waag fargogintlé Inyáállá geđi ki loolnoyche, Íny uushich yé gáá ˈdeeyche. Yaalmitééllá in Waag Inyáállá hát Inyléká gáál eiy kí niiyye. Iny Waaˈgietallá he Máá kúnnaa Guđo Yiesu Kirísto.

Róóma 8:17

Aalé káána ke Waag umle yíéllá, Waag hé umle af iđicheká úba ha ke aargira. Héétí har muun hát Kirísto manyjayallá ke úba Kirísto ˈdaalle ki manyjayka, Waag múún Kirísto ˈgarro gáál hol ˈduuwasicha.

Korínto Erká 2:7

ˈDaalim nyí ˈdiyeennallá he ˈdeeny geer geđi-, Waag hí hol ki kaayye-, Waag hátlé les ma ka kúóninyká hí murate-, hí muun gáál ki ˈduuwaychoká.

Korínto Erká 8:6

Tá Waag íín hát tikiˈdeká hé ke óg. Waag kúnnaallá he ˈJaa kúnnaa he met lulle ka kuone-, muun ke ki ijoká. Héétí, Máá kúnnaa Guđoká íín hát tikiˈdeká hé úba ke óg. Máá kúnnaa Guđóóllá he Yiesu Kirísto giri he met lulle ˈdaalle Waag hí kí kuonne-, ˈdaalle múún ke ki ijoká.

Galátia 4:4

Tá Waag aleđuđugullé feˈdeká ali kí ˈdiiyyeká, in Waag Inyle ali gáá kaayye, ini hí ˈdalle, hemuumurít gim gáá ˈdalidhe,

Eféso 3:9

Waag úba hé ye ˈdú ˈjiiyye, giri ˈdeenylé geer geđiká hát he ˈduuwawká yú gálaat eiy ki nannuoká. ˈDeeny kinaallá Waag ameeny he met lulle ka kuonneká hé hí geerle ká ˈgayye.

Héberew 1:5

Mááya ˈgasso uriet kálta Waag hí geeyche, kieye, Kúún Inychú. Kúlíchallá yáá ˈJaakú yie, Waag hí chie? Héétí, Yú mú ˈJaalle hai yeedhe, mu íín Inychú hai yeedhe, Waag hí chie?

Héberew 1:8

Tá Waag Íny ˈdaalleka kieye, Kó Waagallo, kara kua kansimoká taalle bííyyo hé ali yaal, tá gasar kuuní guchkú he ki mumuˈdoká he gasar ˈduwantiká.

Héberew 11:3

Iiy yeenkúnno ˈdaalleka in Waag hát ˈdéé hótle biiy kí kuonneká ke og. Aaléka, he lullé káána ke argóóllá hé ke il ma ki arginyallá ˈdaallé he yé kí ˈdie.

Héberew 2:3

Tá fayam ˈdúwa-, gáál rubach shigichóóllá hé hemuumurit kinaal súm ˈdú ˈdúwa. Máá kúnnaa Guđoká hé dhúrle gálaat fayamééllá ki ˈdiiyime, tá gál fayamééllá maaleká hé fayám hát ˈdúwaká muun gáál ká geey. Aaléka, muun har ke fayamééllá gíl sug ki hayka, af kinaalka háteeye ke he il ká argisiny met kar gaa ˈdarama?

Héberew 3:6

Kirísto íín he Iny Waaˈgiet, máá Waag umle hát ˈdabaanká mé ki yaalká. Múún íín he ke um Waaˈgiet. Hé kinaal har muun ke hé ki ˈduuwle óg-, ke hol bal ki ˈdaraan-, ke met egessóóllá hát ˈdabaanká ke ki yaalka.

Héberew 4:14

Aaléka, ˈdaa giri ke Máá Guđo-, méte suoryo-, úr mé nie-, Iny Waaˈgiet Yíésu lééllá ke ˈgúóllá, iiy yeen ke mú ka ˈgúóllá kí tág chirat.

Héberew 5:8

Har káána mu úba Iny Waaˈgiet kátaka, mu hé manyjanyléélláka Waag met gaa kím gaa onodhe.

Héberew 7:28

Hemuumurit Waaˈgiet Móshe hí gáál shieká gálaat gál méte suoryoká hoyche. Tá gál kinaallá íín hát gáláát aađaká hé đalimle ˈgie. Tá hemuumurit Móshe hí gáál ka shíéllá el ˈdaal Waag hol ˈdoote, in Inyle ˈduwayche, mú Máá méte suoryo-, biiyoká hoyche.

Héberew 7:3

Máállá hé ˈjaalle ubaa ˈjielle, héétí hídh he yé gáá ˈdieká hé ke muog. Mu kúlích gaa ˈdalidheká ubaa kúlích gaa kufeká hé úba ke muog. Tá mu hát Iny Waaˈgiet máá suoryo-, biiyóóllá he ká yaalla.

Héberew 9:26

Kirísto hát gál méte suoryóótíá onnônyka, af kinaalka biiy mé gáá koonle tá ˈjíig káána đigallá af burnayká he ki maanyjay, ki kufume. Aalé káána-, biiy el ˈdaalka mu ká yimie, hol a tikiˈd suor ki hoy, giri gálaat ađaabano ubaa nyuogim gaa egewká.

Bétiro Erká 1:20

Waag hátlé les ma ka kúóninyká in Kirísto galayche, bár biiy el ˈdaˈd kaanallóóllá mú lésallá ali ˈdu gáá kaayye. Hééllá ˈdaa kíchia muí ki ekey.

Bétiro ki Naamaká 3:3

Er hééllá onnóo: Biiy bár el met ˈdáˈdle ka ˈjoobonotoká gál af ka fichilít ˈguo-, baltlé gaa nyakaridheká el gaa igiroká les yiem hai gáá ˈdeeme.

Yúúa 1:18

Itín hé gaalí geeyká, gaal kieye, Bár biiy el ˈdáˈdle ali kí ˈdeˈdeenká gál af ka fichilít ˈguo-, Waag kian ka mán-, baltle el gaa igiroká biiy yiem hai gáá ˈdeeme, gaalí hí yie.