Héberew 1:14 - Fayam Midhab Yiesu Kiristoká He Hol Af Iđiny Kaanaká

¹⁴ Aaléka, Waag gállé ˈgasso-, urruká lulle he gál Waag hí alb fafiyyo-, giri gál rubach aargiroká he ki nannuoká, muunîny?

Héberew 1:14 ပူးပေါင်းရင်းမြစ်များ

Matááyo 1:20

Mu hátle tawuny kinaal ˈgaa, máá ˈgasso-, urru-, Waaˈgietká mú hát amadhyoká ˈdu gáá yimie, mú geey, kieye, Yúósef, iny ˈbíl íl ˈDawuˈd! María egeet-, minkú hođisatká ha kían. María Hím Naasan Waaˈgiet ˈdaallé geer hí ki hile.

Matááyo 13:41

Kúlích biiy el ˈdaˈd kinaallá yáá Iny Máádhátallá gál chia ˈgasso-, urruká ali ha ká fafaa, gaal Guchchú gál gálaat ađaabano met ki kokuoká ubaa gál hé gaa nyakarichká gaa seseenká lulle hollo hol ˈdú shuguna,

Matááyo 18:10

Onnóo, haí gál niginííllá mú tikiˈd eeshêny. Yú hí geeye, gál niginííllá gál ˈgasso-, urru-, hí ˈdeˈdeenká hé ˈJaa chia úr ijoká aadh lulle hol af ijo.

Matááyo 2:13

Aalé gál hidhino dhaˈgasan kinaal he kieká, máá ˈgasso-, urru-, Waaˈgietká hát amadhyoká Yúósef yé ˈdu gáá ˈdie, mú geey, kieye, Les gaa keʼ, véel ubaa ˈjielle éew, lés Misirayim kar ˈdú ˈdóo. ˈDaab yú ko af ma kí ˈdíiny-, yú ko ma géenyká ál kinaallá gaa yíéđía. Heróˈde veelééllá he hol gaa ˈgeˈgedhe, véel yegeská he fede, muí Yúósef yie.

Matááyo 24:31

Gál chia urru-, ˈgassoká faˈd súm ére léká hai ˈdarama, gáál biiy ˈdinnam afuraalle ali ha yú ˈdú fafaa, giri gál chia yú waaˈdeká gaalí hol ˈdu gáá shugunoká.

Matááyo 25:34

Aalé mu ííni Kansich kinaallá wala hí gíl ˈdaa naaniet ijoká hai geđia, kieye, It ˈJaachú hí ˈdú ˈguunumééllá ka yimedhíe, guch af giri ˈJaachú les ka kuoneká muí itín tág kí koyallá ka hiláa.

Matááyo 4:11

Aalé Sátan đo Yíésu in ká siete, Waag gállé ˈgasso-, urruká đo Yíésu ˈdu gáá yimie, mú ál kinaal gaa ˈdeey.

Márko 10:17

Aalé Yíésu ˈgíéríchlé gaa igireká mú tikiˈd hí ˈdú gáá ˈdodhdhe, mu Yíésu ˈgas met les kurram gaa ˈdoy, mú yiete, kieye, Máá ˈdúwa-, gálaat he oonisúóllo, yú háte ˈdeeme, giri yú luolmit biiyoká aargiroká? yie.

Lúka 1:19

Aalé máá ˈgasso-, urru kinaal mú geey, kieye, Yú he Gáburiel, giri Waag innumle gaa yaalká. Yú Waago ko ye ali ˈdu gáá kaayye, giri ko fayam midhaballá shiguoká.

Lúka 1:23

Sakaría kállé he naasan ˈBíl Waaˈgietká ˈgiteká é hol ˈdú nadhe.

Lúka 16:22

Aalé kulich tikiˈd máá he mannay kinaal mán yie, sídhle gál ˈgasso-, urruká hí eedhe, ál Abirááyam hí ijeká gaalí iđie. Aalé el ˈdaal máá giri kamúrutká úba mán yie, gaalí galie,

Lúka 2:13

Aalé ál tikiˈde kinaal nyésébích guđo-, yuoyo-, Waaˈgiet-, úr gáá leedheká ubaa máállé ˈgasso-, urru kinaal hol ˈdú fame, gaal Waag meey, kieye,

Lúka 2:9

Aalé máá ˈgasso-, urru-, Waaˈgietká fórích kinaallá gálle yé ˈdu gáá ˈdie, Máá Guđo Waag édhúmle gáál ˈdinnam lulle gaa veere, gaal súm birge.

He Ekeny Gál Alb Fimiká 11:22

Aalé fayam galallóól gál Yíésu iiy yie-, Yerúsalem gaa ijeká hí maaleká gaal máállé Barnábas Ántiok ali ˈdú kaay.

He Ekeny Gál Alb Fimiká 12:23

ˈDaa giri Heróˈde meenylé gaalí memeyká ma đíin-, ˈduuw kinaal Waag hol ma ˈdú níinyká, in ál tikiˈde kinaal máá ˈgasso-, urru-, Waaˈgietká đo hí ˈdoy, kulnadhe, kuuˈd hí faanne, kuuˈd hí konye, kufe.

He Ekeny Gál Alb Fimiká 12:7

Aalé toomareka máá ˈgasso-, urru-, Waaˈgietká đo ˈbíl hiigin kinaal hurt yé gáá ˈdie, ˈbíl geer hí gaa edhdhey. Aalé máá urru kinaal Bétiro kiisie, kieye, Đo le gaa keʼ, mú yie. Nyarugano giriká đo mú gil gaa okoˈde.

He Ekeny Gál Alb Fimiká 13:2

Gaal hátlé Waag vivite-, af higiteká Hím Naasan Waaˈgiet gáál geeyche, kieye, Barnábas ubaa Sáwul hújích yú kí vieká mé ki kóo, chie.

He Ekeny Gál Alb Fimiká 16:26

Gaal hátlé Waag vivite-, Waag memeyká, les đo súm motiyye, ˈbíl hiigin-, gaalí gaa ijeká úba motie. Aalé ˈbíl đo af lulle hí furme, ˈguor gáál ˈgas met ki ˈgieká af hí hol eiy gaa bame.

He Ekeny Gál Alb Fimiká 27:23

Waag ye lé-, yú hujich ki nannúóllá máállé ˈgasso-, urruká kisare ye láá kí ˈdie,

He Ekeny Gál Alb Fimiká 5:19

Tá chúúré kinaal máá ˈgasso-, urru-, Waaˈgiet mare ény hiigin kinaal af fuufure, gáál yé ká ˈdeete, kieye,

Róóma 11:14

giri kálmaréel gál chia Yuuˈdííllá tuuˈdle yú hinááf gaa vereno-, gáál ˈbaal rubach aargiroká.

Róóma 13:6

Hééllá ˈdaalle ˈdugaka, gibíre mangis ki guugusáa. Mangis gállé hí hujich ki nannuo-, gibíre gugusatallá úba he gede Waaˈgiet.

Róóma 15:16

ye gédéch Yiesu Kiristo hoyche-, ye hújíchle mé ki koyye-, Fayam Midhab Waaˈgietallá yú gál gál Yuuˈdi muuninyká ki ˈdiyeenká. Waag ye hújíchallá mé ki koyyééllá, he giri Hím Naasan Waaˈgiet gál gál Yuuˈdi muuninyká dhiiˈdo-, gáál suor ˈdúwa-, Waag hí iiy chegetoká hođichoká.

Róóma 15:27

Hé shiichóóllá he hé súm gaalí fede-, gaalí gáál shiguoká. Hééllá gaalí gáál shíéllá he ˈdaa giri gál Kiristo Yerúsalem gaa ijóóllá gál kidhdhóóllá Fayam Midhab Kiristóóllá ka hilsieká. ˈDaa kinaallá in gaal gáál ˈdú ˈjie, gáál héllé hí ki ˈgierˈgereká ˈdú chiˈde.

Róóma 8:17

Aalé káána ke Waag umle yíéllá, Waag hé umle af iđicheká úba ha ke aargira. Héétí har muun hát Kirísto manyjayallá ke úba Kirísto ˈdaalle ki manyjayka, Waag múún Kirísto ˈgarro gáál hol ˈduuwasicha.

Korínto Erká 1:21

Waag hé ˈdaallé, tá hé ˈdéé murate, giri gál lesalloká ˈdaalimle Waag ma ki kiimisanká. Héél afleka, Waag fayamle ˈdiiyiminylé gál lesalloká hí hé đeeymoká ka dhaˈgasanallá ˈdaalle ˈdugaka in gál fayám iiy yegetká rubach shigicha.

Korínto ki Naamaká 9:12

Hé shiicho kíchia hí gáál shigichóóllá hé gál Kiristo héllé hí ki ˈgierˈgereká hé tákámle yé ma ˈdú ˈdeeminy, Waag gielmit guđoká hol ˈdú ním gáál yé hai gáá ˈdeđicha.

Galátia 3:29

Itín har hí gál Kiristo kátaka, af kinaalka hí um Abiraayam, um ˈdúˈjím Waag hí Abirááyam af iđicheká aargiroká.

Galátia 3:7

Aaléka, onnóo, gál Waag iiy yieká ííni he um Abiraayam.

Galátia 3:9

Abirááyam Waag iiy yieká đo Waag hí ˈdú ˈguunuanne. Tá káána gál Kirísto iiy yegetká hé Waag hí ˈdú ˈguunuminy Abiraayam kinaallá ˈdú ˈgunnuan.

Eféso 3:6

Hé geer geđi-, Waaˈgietallá hééllá: ˈDaa Fayam Midhab Kiristóólláka, gál gál Yuuˈdi muuninyká hát gál Yuuˈdi hí aˈjibaat Waaˈgiet aargiróóllá íín úba hai aargira. Gálallá met hullaalle he gon tikiˈde, ˈdaa Kiristoka, he af iđiny Waaˈgiet úba ˈgarro hol aargira.

Filíbi 2:17

Hújích yú nie-, yú hí Fayam Midhaballá ˈdú gáá sidhe-, fayám hí iiy chíéllá, hé kinaallá he hé shiicho muun ki Waag shieká. Har káána úba gaal ye yies-, fáschú úba hé shiicho kinaallá hollo hol ˈdú faama, yú ubaa itín ger ˈgarro gáál hol ˈgar meedhe.

Filíbi 2:25

Tá yú tawueká Ebafuroˈdíto yú hí hol ˈdu gáá nannaa. Mu he nyár chia-, nyí hol hujich ˈgar nanniyya-, áwúlle nyí Fayam Midhaballá hol ˈgar lađaannaká. Mu íín úba he máá kíchia ˈgasiet-, hí ye ali ˈdu gáá kaayye-, hé ye ki ˈgeeˈgerneyká ye yiir kí chichiˈdeká.

Dhesaloníke ki Naamaká 1:7

Héétí Waag it hí maanyjayyóóllá ubaa nyííni nyí maanyjayyóóllá manyjasiny kúnnaallá yé hai gáál gáá ˈdeđicha. Bár giri hé kinaal ali kí ˈdeenká he bár giri Máá Guđo Yíésu úr yé gáá ˈdeen-, gállé ˈgassiet-, urru-, muí fargogínt shieká hol ká egeetká.

Títo 3:7

giri ˈdúˈjímallá ˈdaalle Waag muun gáál iiy cheget-, ke luolmit biiyo-, muí gálle af iđie-, ke met egessóóllá ke aargiroká.

Héberew 10:11

Biiy hátlé ka bibiˈdeká ameeny máá suoryoká hújíchle ál suoryo kinaallá he gaa nannie, mu aadh lulle suoryam tikiˈde kinaallá he ˈgaˈgale. Tá suoryam kinaallá hé fargogint gálaat ađaabanolle ubaa nyuogimle gaa egeyyeká mán.

Héberew 2:3

Tá fayam ˈdúwa-, gáál rubach shigichóóllá hé hemuumurit kinaal súm ˈdú ˈdúwa. Máá kúnnaa Guđoká hé dhúrle gálaat fayamééllá ki ˈdiiyime, tá gál fayamééllá maaleká hé fayám hát ˈdúwaká muun gáál ká geey. Aaléka, muun har ke fayamééllá gíl sug ki hayka, af kinaalka háteeye ke he il ká argisiny met kar gaa ˈdarama?

Héberew 5:9

Aalé mu hújích Waag hí ali ˈdu gáá kaayyeká beeteká, mu hé gál lullé hí af ˈduwasuoká hí máállé rubachiet-, gaal íín hí luolmit biiyoká gaa aargiroká yie.

Héberew 6:12

Hát kinaallá hí ˈgiiyyaka, it gál he ma urinyká ma chegen, yaalmit gálle Waag iiy yeen ká ˈguo-, he met ki chichirsat-, hé Waag hí af iđicheká aargiroká hí cheedhe.

Héberew 6:17

Waag úba hé hol ˈdoote, giri gál mú he af iđinyle hélle aargiroká Waag hát ˈdéé hótle ˈduuwaycho-, hol ma gaa laaminyká ógká.

Héberew 8:6

Tá Máá kúnnaa méte suoryóóllá hújíchlé Waag hí mé ki koyyeká hé gál suoryóóllá hújíchle súm ˈdú ˈdúwa. Mu íín he Máá he hol af iđiny kaana-, Waag ubaa gálaat hol higilsuo-, he hol af iđiny kissoká ˈdú ˈdúwaká. Hééllá he ˈdaa giri he hol af iđiny kaana-, Waag hí yé ká ˈdeeychééllá héllé Waag hí gálaat af iđicheká hé kissoká ˈdú ˈdúwaká.

Héberew 9:28

Hát tikiˈdééllá in Kirísto a tikiˈd hol suor ki hoy, giri gálaat ađaabano ubaa nyuogim gaa egewká. Mu hollo hol ká naadha, tá mú hol ka naanlééllá hé ađaabano ubaa nyuogim gálaat ˈdaalle ˈdugaka muuniny, he gál mú met egesoká muí luolmit biiyoká ˈdú gáá siidhoká.

Yákob 2:5

Nyaaram chia yú gielallo, hééllá nee kóo. Gál lésalláka, gálaat hí gál he maamanká ka dhaˈgasanká hé Waag hí ma wááran, hí kamur iiy yeenká ma shíiny? Mu hé úba gáál ma wááran, giri Guch Waaˈgiet gál mú gielká muí af iđieká úba aargiroká?

Bétiro Erká 1:12

Gaal fayamééllá ˈdiiyimeká Waag hé hát gaal hol hujich ma ki nannîny-, itín hí hujich kí nannieká hé gáál argisiche. Gál káána hí fayam tikiˈdééllá ki ˈdiiyimééllá hé Hím Naasan Waaˈgiet úr yé gáá ˈdiiyyeká fargogintle hí ki ˈdiiyime. Waag gállé ˈgasso-, urruká úba hééllá hol eiy gaa nannasatká hé tág fedo.

Bétiro Erká 1:4

Héétí kamur ˈdúwa-, ma viinan-, ubaa ma ˈdeđenen-, el met hí ma ˈgiˈginká ha ke aargira. Kamur kinaallá hé Waag hí itín úratí ali kí iđiche.

Bétiro Erká 3:7

Beelem, ˈdaa giri ˈdegkícho đalimle hí ógká, ˈdég gálaam aargisía. Gaal íín ubaa itín shíícho Waaˈgiet luolmitiká ˈgarro hí hol aargiˈda. Aaléka, ˈdég gál ˈdúwaká ka dhaayyíe, giri Waag visankícho hé níínní hí ka momoyo mánká.

Yúúa 1:14

Áˈdam ˈbíl ílle hátlé hol ka hoycheká, máállé ki tiiyaká he Hénog. Hénog kíssóótí hé yaalmit galallo-, ˈdeenylé Waag hí shiicheká ˈdiiyime, mu kieye, Bá dhaayyíe, Máá Guđoká gállé ˈgasso-, urru-, shíí shííká hollo hol ká egedhdhe.

Kí Edhesiny 5:6

Aalé kara guchiká ubaa hé luogol-, afurká tá gál káruká toomle Eliny hí gaa yaal yú arge. Élíny kinaallá hát élíny gaalí yieská ká yaalla, gaas hí tiiya, in úba hí tiiya. Hééllá he hím naasan tiiya-, Waaˈgiet-, Waag hí les geer lulle ali ˈdú fiiyyeká.